بۆ سه‌رۆکێ ب ئه‌خلاق !!
Sunday, 06/02/2011, 12:00
مه‌سعود بارزانی ل کۆنگرا پارتا خۆ دا یا سێزدێ دبێژت: ئه‌ز و پارتی گه‌له‌ك ب ئه‌خلاقین.
ئه‌ز ل ڤێرێ پرسیار دکه‌م کو بۆ من بێژت کا ئه‌خلاق چیه ؟ دا بزانم کا ئاخفتنا وی راسته یا نه؟ چنکی که‌س نابێژت ماستێ من ترشه. لازمه خه‌لك، یان باشتر بێژم مله‌ت، بێژیت: ئه‌ڤ که‌سه یان پارته ب ئه‌خلاقه یان نه؟
سه‌رۆکێ هێژا..! خوزی رۆژه‌کێ وه‌کی بالیلی یان خدرێ زیندی یان وه‌کی پاشایێن به‌رێ، ته جلکێن خوه گوهۆریبان و ته وه‌کی هه‌ژاره‌کێ خۆ دابایه دیار کرن و بێ حیمایه و مۆنیکا ل کوردستانێ گه‌رابایی، ژ ره‌واندرێ هه‌تا زاخۆ، گوند ب گوند، مال ب مال چووبایی، ئو ته ب چاڤێن خوه مالێن شه‌هیدێن شۆڕه‌شێ و پێشمه‌رگه‌‌هێن خوساره‌ت بوویی دیتبان و زانیبا کا دچ حالی دانن، ئو ته ژ وان پرسیارکربا کا پارتی و مه‌سعوود و مالا بارزان چاوانن و ئه‌و بۆ وان چ دبێژن؟ دا هینگێ بۆ ته باش دیاربت کا ئاخفتنا ته راسته یا نه.
پا ئه‌ز ئێك ژ وان پێشمه‌رگامه یێن کو نیڤ قه‌رنی خه‌بات کرین، دبێژم کو ئاخفتنا ته نه راسته.
ئه‌ز پێشمه‌رگه‌هه‌کێ شۆره‌شا ئه‌یلۆلێ یا مه‌زنم، ل ێالا 1974، ئه‌ز ل قه‌سر ماکۆزا بووم، یا کو نێزیکی دیلمانێ یه یا کو مالا بارزانی لێ بوو، ئو پشتی ئاشبه‌تالێ ئه‌ز مشه‌ختی ئیرانێ بووم.
به‌ره‌به‌ره خه‌له‌تی و خرابی بۆ من ئاشکرا بوون، چنکی رۆژه‌کێ ل باژێرێ نه‌غه‌دێ، ل ئیرانێ. بارزانی راستیه‌ك ل دیوانه‌کا مه‌زن گۆت: هوون هه‌می ل من ببوون دز و حیز له‌و ئه‌ز گه‌هشتم ڤێرێ، ئانکو نه‌غه‌دێ. دوێ دیوانێ دا، جه‌نابێ ته و ئیدریس و ئه‌سعه‌د خۆشه‌ڤی و عه‌لیێ خه‌لیلی و گه‌له‌ك که‌نکه‌نێن دی ل وێرێ بوون. ژ ناڤ هه‌میا عه‌لیێ خه‌لیلی رابوو و گۆت: دا چارا ژ مه کوژی داکو تو نه‌گه‌هشتبایه ڤێرێ. بارزانی گۆت: وس به!
بارزانی نه گۆت، سه‌به‌ب نه کو به‌س ئه‌و دز و حیز بوون، به‌لکی خه‌له‌تیا مه‌زن یا وی بوو کو خۆ ته‌سلیمی شاهێ ئیرانێ کر بوو، زولم و بێ ئه‌داله‌تیا وی بوو. ئه‌وی چه‌ند خه‌لك کوشتن، وه‌ك به‌گێن به‌رواریا، ئاغایێن ئامێدیا و هه‌ژارێن ئه‌تریشیا، ئو فاخرێ مێرگه ێۆری و ل گه‌ل چه‌ند که‌سا ژ بنه‌مالا وی کوشتن، ئو هوون ژی باش دزانن کو فاخرێ مێرگه ێۆری ئامر هێزه‌کێ شۆڕه‌شا ئه‌یلولێ بوو و وه‌کی دیار ئامر هێزه‌کێ زیره‌ك و سه‌رکه‌تی بوو. هه‌روه‌ێا سه‌یدایێ عه‌لی حه‌مدی بێدوهی وه کوشت. ئو بارزانی چار قه‌هره‌مانێن کوردێن ئیرانێ ته‌سلیمی شاهێ ئیرانێ کرن و هه‌رچار هاتن قناره‌کرن. ئو پشتی ئاشبه‌تالێ وه عبدالرحمن قازی ژی ل که‌ره‌چ ب ده‌ستێ زڕگه‌کێن وه هات کوشتن. ئه‌ها ئه‌ڤه بوو ئه‌خلاقێ وه ل ده‌مێ شۆڕه‌شا ئیلۆلێ.
پشتی ێالا 1991 ێ جه‌نابێ ته هه‌می جاش و خۆ فرۆش عه‌فی کرن، لێ به‌لێ پشتی هینگێ یێ کو نه‌بوو پارتی وه کوشتن؛ وه‌کی ێادق عه‌مه‌رێ سندی و عه‌لی کۆخی و عه‌لی شه‌عبانێ ئامێدی و عه‌لی به‌گێ سلێڤانه‌یی و خالێ زێباری.
هه‌روه‌ێا گه‌له‌ك شۆڕه‌شگێر ژی کوشتن، وه‌ك: ره‌ئوف ئاکره‌یی و رێڤاز ژ حزبا زه‌حمه‌تکێشان و ب ێه‌دان فه‌قیر و ژار وه بێ سه‌روشوون کرن چنکی نه ژ حزبا وه بوون.
د سه‌ر ڤێ هه‌میێ را ژی جه‌نابێ ته تێت و دبێژت کو ئه‌ز ب ده‌نگا هاتمه، به‌لێ نابێژی کا چاوا وه جاشێن 1996ێ ل گه‌ل جاشێن 1966ێ ده‌نگێن خه‌لکی ل هلبژارتنا ته‌زویرکرن، یا ژ ته‌ڤه خه‌لك که‌ڕ و گێژن و نزانن کا تو چ دکه‌ی؟
ته و بنه‌مالا ته مالێن شه‌هید و پێشمه‌رگه و شۆڕه‌شگێرا ژ بیرکرینه، چنکی هوون ئێدی نه پێتڤی وانن، له‌وا ته و پارتا ته زه‌حمه‌تا وان دا ئاغا و مسته‌شار و زڕگه‌ك و قاتل و به‌عسیا.
ڤێجا پشتی ڤان کار و کریارێن وه، یێن کو مه به‌حسێ کرین، ئه‌رێ راست هوون ب ئه‌خلاقن؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
