گاڵتەی رۆژگار؟

Wednesday, 05/03/2014, 12:00

1638 بینراوە

گرفتی دیرۆکناسی کورد (ئەگەر هەمان بێ) ،،دیرۆک نەناسییە ! هەر هۆزو عەشیرەیەک کە لە باشوری وڵات سەری هەڵدا بە پێی زاخاوی مێشکی خۆی گەمەمان پێدەکاو مێژوویەکمان بۆ دادەڕێژێ ودەڵێ ئەوە مێژووی کوردە! ومن داهێنەری بوم. بێ رەحمی و دڕەندەیی سەددام وای لە نەتەوەکەمان کرد لە باشور کە پاش ٢٣ساڵ ئەوە حاڵ وئەوەش رۆژگارمانە. لە تەواوی راپەڕیندا کە بەدەستی جەماوەر سەری هەڵداوپاشان هاوینەهەوار نشینەکان بە غار هاتنەوەسەر حازری وسەلانە سەلانە وێنەی جاڵجاڵوکە تاریان تەنی و لەو تەنینەشدا خەڵکیان گرفتار کرد. ئەڕۆ شۆڕش وەرگەڕاوەتە بارودۆدخێک کە دەسەڵاتی کوردی کە هاواری دەوڵەتی کوردی گوێچکەی ئاسمانی کەڕ کردبوو خەریکە کەشەفمان بۆ دەگێڕێ تا مووچەی مانگێکی خەڵک دابین کا!!ئەو رۆژانە رستەی،، مووچەی مانگانە بەغدا نامانداتێ کاوێژی بنێشتە خۆشکەی ژێنڕاڵەکانی بنە ماڵەی بارزانییە!
لە مانگی مەی ساڵی ١٩٤٤،، کۆمەڵەی ژیانەوەی کورد (ژ، ک) بە هاوکاری هاوپەیمانەکانی (ج: مەبەست چالاکانی باشووری وڵاتە کە هاتبونە رۆژهەڵای وڵات ،، ئەمین رەواندزی،، عێززەت عەبدولعەزیز ،، مستافا خۆشناو،، شێخ قادرسلێمانی ،،سەید عەبدولعەزیز گەیلانی و رەفیق حیلمی .) گەڵاڵە ئاڵایەکی سێ رەنگیان بۆ نیشانی نەتەوەیی داڕشت،، رەنگی سوور لە سەرەوە،، رەنگی سپی لە ناوەڕاست،، وەرنگی کەسک لە بنەوە. بۆ دروشمی نەتەوەییش ،، خۆرێک لە نێوان دوو گوڵە گەنم،، وێنەی چیایەک ،، پێنووسێک لە ناوەندیدا، وەکی ئاڵای کوردوستانی گەوەرە پەسند کرا.(سەرچاوە: حوکومەتی میڵڵیی کوردوستان مهاباد ساڵی ١٩٤٦،،لە نوسینی،، ولیام ئیگڵتۆن جونیۆر،، وەرگێڕانەوی ،، جەنابی ماحەممەد سەمەدی،، پێداچوونەوەی ،، جەنابی عەوڵا سەمەدی) .
یەک: من نازنم رۆژگار گاڵتەمان پێدەکا یانژی بۆ خۆمان گاڵتە بە خۆمان دەکین ؟ ئەو ئاڵایەی کە کاک مەسعود بارزانی بە زۆر پێمان دەقەبڵێنێ! زۆر حیزبیش لە پشتسەر خۆیانیدادەنێن، ئەگەر تەواوی دونیا لێی وەرگرن دەوڵەتی فاشیستی تورک قەبوڵی ناکەن لە کوێی هێناوە؟ چون لە کاتی سەردانەکانیان بۆ تورکیە لە جیاتی ئاڵا،، ئافتاوە وژێر ئافتاوەمان بۆ دادەنێن!؟ بە پێی کام بەڵگە ئەو ئاڵایە هی سەردەمی کۆمارە؟ ئایا شەهید پێشەوا ئەو ئاڵایەی داوەتە دەست مەڕحومی بارزانی ؟ وگۆیا گوتویە ئەو ئاڵایەم بۆ بپارێزە . (خۆزگە پێشەوا زیندوو بایە پاراستنی ئەو ئاڵایەی دیتبا) یان ئینگڵتۆن درۆ دەکا یانژی ئێمە کوێرە دیرۆکین .
دوو : باشوری کوردوستان بۆتە شوێنی ،کۆر و سمینار ، کۆنفڕانس و......چەپە ڕاستی پرسو گرفتی جیهانی وتاری قەبە قەبەی لەسەر دەدرێ! لە هیچ کوێی ئەو دونیایەدا بە ڕادەی هەولێرو سلێمانی بابەتی هەستیاری سەردەم شڕۆوە ناکرێ! کۆڕبەندەکانی زل زل و مووچەی نەناردنی مانگێک لە لایان بەغداوە وەزعی پەرێشانی کورد کورتە قسەیەکم وەبیر دێنێتەوە کە باسی دەکەم.دەڵێن : کابرایەک هەموو رۆژێ کە دەهاتەوە ماڵێ ژنەکەی وەبەر شەق وکوتەک دەداو دەیگوت بۆ خواردنت دروست نەکەردوو؟ نازانی من برسیمی؟ ژنی ماڵوێرانیش کاتێک کە دەگریا دەیگوت : خۆ هیچمان لە ماڵێدا نییە چۆن خواردن دروست کەم؟ !
سەیری ئەو سەردێڕە کەن کە لە ٣و٤ ئەم مانگەدا لە سلێمانی لە کاتی هاتنی ، فاشیست رەگەز پەرستی تورک،، داود ئۆغڵو،، قسەی لەسەر کرا.سەردێڕ : گرفتەکانی دەوڵەتانی رۆژهەڵاتی ناوەڕێست .!! کەسێک نەزانێ دەڵێ گرفتەکانی خۆمان تەواوی چارەسەر کراون تەنیا هی رۆژهەڵاتی ناوەڕاست نەبێ! یا خەڵک گاڵتەیە یان گاڵتەمان پێدەکەن ! دوو کەس لەو کۆڕەدا سرنجیان راکێشام : داود ئۆغڵو کە چەند وشەی بە کوردی قسەکرد وچەپڵەیەکی زۆریان بۆ لێدا! وپێی خەنی بون. ئەوە لە حاڵێکدایە کەس لێی نەپر سی چەند زیندانی کوردو هەیە کە نەخۆشن ؟ گرفتی رۆژهەڵاتی ناوەڕاست بە سیستمێک چارەسەردەبێ کە کێشەکانی ناو خۆی چارەسەرکا.
سێ : فەرموودەکانی کوڕی شارۆنی کورد لە هەموان سەیرتربوو، قوبادی تاڵەبانی فەرمەووی ،، لە رۆژهەڵاتی ناوەڕاست دێمۆکڕاسی بونی نییە دەبێ حەولی بۆ بدەین! (ئەو سوسولە وادەزانێ دێمکڕاسی ئاواڵ کراسی ژنانە کە زوو بیدووری یان دەمەڵ قۆپانی پیاوانە بە کاتژمێرێک جلدوور بیدوورێ) .منیش پێی دەڵێم ،تۆ وەدوای شوێنی باوکت کەوە وبا خەڵک بزانێ مامیان لە کوێیە؟،، هەرکات لۆمپەنێکی وەک مەحمود سەنگاوی کە ئەندامی دەفتەری سیاسی حیزبە شەکەتو ماندووکەی ئێوەیە درا بە دادگاو لەسەر قارەمانێکی وەکی کاوە گەرمیانی بە جەزای خۆی گەیی باسی رۆژهەڵاتی ناوەڕاست بکە.
چوار : ١٨مانگ لەوەی پێش سەرۆک کۆماری کۆی سەنجەق و زڕەگوێز (مستەفای هیجری و بێچووە دەرەبەگی مەنشووروفارسیزان ،عەڵای مۆهتەدی . دوو دەفتەری سووریان بە بەر چاوی خەڵکدا گۆڕیەوە وگوتیان ،، ئێمە دوو حیزبی سەرەکین ئەزمونی باشوری کوردوستان بۆ ئێمە ئەزمونێکی باشە !پێیان دەڵێم: کورد، کوردی ساڵان نییە ئێوە بە هاسانی ناتوانن تاسکڵاومان لەسەر نێن.هەمبانەی قسەکانتان دەڵێێ جەواڵە بە قەیاسەی شەتەک دراو لە فکری مووچەی مانگانەتاندا بن باشترە.
وەسسەلام .
جەعفەر کەریمی /٥/٣/٢٠١٤