" بۆژۆ "
Monday, 16/12/2013, 12:00
لە هەر لێرەوارێکی وڵاتەکەمدا
لە قەدپاڵی چیا سەرکەشەکانی کوردوستاندا
بە پانتایی دەشت وچیمەنی ئەوخاکە ڕەنگینەدا
لە بەرزترین لووتکەی پڕ لە رەمزوڕازی
وڵاتی رۆژدا
لە ناو گوندو شاری وڵاتی شەهیدان
بۆژۆ رواوە بۆژۆ
رەچەی ئەو زۆڵانە لەقەتپاڵی کێوی بیانی و
لە چۆلستانی پڕ لە شەوارەی هەندەران
ناخواستە پەلکی داکوتاوە
وێنەی بەکرە شۆفارە و یەهوداو مەلای خەتێ
ئەنگوستی پەنجەی دێوئاسا
بەرەو وڵاتی کورد جەغزی کێشاوە .
١/٨/ ٢٠٠٤
جەعفەر/ کەریمی
یواسکولا/ فەنلەند
سرنج: بۆژۆ ،، گیایەکی ئەوەندە ناخۆش وبۆگەنە کە ماڵاتیش نایخۆن .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
