سوپا وجه‌ندرمه‌ی ده‌وڵه‌تی فاشی تورک دوو لاویان شه‌هیدکرد..
Sunday, 05/04/2009, 12:00
به بۆنه‌ی رۆژی له دایکبوونی ئۆجه‌لان که له 4/4 دایه(سه‌رۆکی پارتی کرێکارانی کوردستان که ئێستا له زیندانی ئیمراڵیه و به پیلانیکی نێوده‌وڵه‌تی راده‌ستی تورکیا کرایه‌وه)، خه‌ڵکی کوردستان له باکور که دوای ئه‌و سه‌رکه‌وتنه دیرۆکییه که له هه‌ڵبژاردنه‌کانی شاره‌وانییه‌کانی باکوری کوردستان و تورکیا به‌ده‌ستیان هێنا ، ویستیان به‌م بۆنه‌یه‌وه له شوینی له دایک بوونی ئۆجه‌لان(گوندی ئه‌ماره) ئاهه‌نگێکی وه‌فاداری بۆ بگێرن و له‌وێدا 60 نه‌مامی گه‌وره وه‌ک ئاماژه بۆ 60ساڵه‌ی ته‌مه‌نی ئۆجه‌لان بڕوینن ، به‌لام سوپا و جه‌ندرمه‌ی تورک به‌ریان به ئاپۆڕه‌ی خه‌ڵکی گرت و شه‌ڕ و پیکدادانی توند هاته ئاراوه و له ئه‌نجامی هێرشه هۆڤیانه‌کانی ده‌وڵه‌تی تورکی دوو لاو ته‌مه‌ن 21 ساڵه شه‌هید ببن و 60 که‌سی دیکه‌ش بریندار بوون.. ده‌وڵه‌تی تورکیا که خۆی نه‌گرت له به‌رده‌م شکسته‌کانیان له ده‌نگدان و دیمۆکراسی، ناچار په‌نای بۆ تیرۆر و توند و تیژی برد.
ده‌بێ ده‌سه‌ڵاتی فاشی تورکیا له کاتی هاتنی ئۆباما به چ چاوه‌ڕوویه‌که‌وه باس له دیموکراسی تورکیا بکات و له هه‌مان کاتیشدا ئۆباما له به‌رده‌م تاقیکردنه‌وه‌یه‌ک دایه ده‌بێ قسه‌یه‌ک بکات ده‌رهه‌ق به‌و ره‌وشه‌ی که ده‌سه‌ڵاتدارانی تورکیا به ناوی دیموکراسییه‌وه هێناویانه‌ته ئاراوه.
به‌یانی ئۆباما ده‌گاته تورکیا ، له‌وێدا وته‌یه‌ک له په‌رله‌مانی تورکیا پێشکێش ده‌کات و، به جیا له گه‌ڵ هه‌رچوار پارته سه‌ره‌کییه‌که‌ی تورکیا که DTP یه‌کێکه له‌وان کۆده‌بێته‌وه. ئه‌م کۆبوونه‌وانه بۆته جێگه‌ی ناره‌حه‌تییه‌کی زۆری فاشسته‌کانی تورک و پییانوایه سه‌رکه‌وتنه‌کانی DTP وایکرد ئۆباما کۆبوونه‌وه‌یان له گه‌ڵدا بکات و ،که زۆر شیکردنه‌وه‌ی جۆراوجۆری رۆژنامه‌کانی تورکیا وای بۆ ده‌چن که DTP له کۆبوونه‌وه‌که داوا له ئۆباما ده‌کاتو پییده‌ڵێن: PKK هه‌موو کوردی له پشته و ئه‌وانیش نوێنه‌ری راسته‌قینه‌ی ئه‌وانن ، بۆیه ناکرێت گه‌لێک به تیرۆر ناوزه‌د بکرێت.
ده‌وڵه‌تی فاشی تورکیا به سه‌رۆکایه‌تی AKP ی فاشست ، زۆر ناره‌حه‌ته و ده‌یه‌وێت به هه‌ر به‌هایه‌ک بێت ئۆباما ئه‌و کۆبوونه‌وه له گه‌ڵ نوێنه‌رانی کورد نه‌کات ، هه‌ر بۆیه وه‌ک شێت و هاری لیهاتووه و که‌وتووته گیانی خه‌ڵکی سڤیل و توندوتوژییان ده‌رهه‌ق ئه‌نجام ده‌دا.
فه‌رموون کلیک له‌سه‌ر ئه‌م لینکه بکه‌ن بۆ بینینی تاوان و تیرۆری ده‌وڵه‌تی تورک:
http://www.youtube.com/watch?v=e8sLBJhgygI
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
