ئەمجارەپێشێلكاریەكان لەئەوروپاوەسەریان هەڵدا !!... هێرشكردنەسەر (قادرنادر)بەنموونە

Saturday, 23/01/2010, 12:00

ئەگەربەئینسافەوە بڵێین پێش هەڵبژاردنەكەى 25ىتەمووزى ساڵى ڕابردوو هەمومان ئەوڕاستیەمان باش دەزانى كەسلێمانى دەبێتە وێستگەى گۆڕانكارى سیاسی لەهەرێمى كوردستاندا,وەلێ ڕاگەیاندنەكانى دووحیزبى دەسەڵاتدار وبەتایبەتیش ڕاگەیاندنەكانى یەكێتى بەهاریان هێنابوە ئەژنۆو هەرئەوەندەى ((خۆیان ووتەنى)) دووسێ كورسیەكیان بۆلیستى خزمەتگوزارى وچاكسازى و,یەك دووكورسیەكیشیان بۆلیستى گۆڕان دانابوو!,بەلام هەروەك چۆن پێچەوانەكەیمان بەزیادەوەبینى((ئەوە باوازلەفرتوفێڵەكانى هەڵبژاردن بێنین)) كەدووحیزبى دەسەڵاتدار كردیان , كەچى ئەمڕۆش لەگەڵ نزیكبونەوەى هەڵبژاردنەكانى پەڕلەمانى عێراق هەمان ئەوسیناریۆیانەى هەڵبژاردنەكانى ڕابردوو هێواش هێواش دوبارەدەبنەوە....
لەهەڵمەتى هەڵبژاردنەكەى ڕابردوودا هەردووحیزبى دەسەڵاتدارئەوەندەبچوك ببونەوە تاكارگەیشتەئەو ڕادەیەى لەهەندێك شوێندا مەنجەڵى تیڤاڵو مەكسی ژنان دابەش بكەن ,ئەوەجگەلەوبەڵێنەقەبانەى كەلەڕاگەیاندنەكانیانەوە بەگشتى بەخەڵكیان دەداو هەزاران بەڵێنى دیكەى شەخسی لەناومەڵبەندولقەساردوسڕەكاندا دەبەخشران بەسەرخەڵكیداو ئەنجامى هەموئەوبەڵێنانەش ڕونوئاشكرایەوپێویست بەقسەكردن ناكات لەسەریان.بەڵام كاتێك ئێمەى ڕۆژنامەنوسان تەختیەى ئەوهەواڵە سەیروسەمەرانەمان بۆخەڵكى دەكرد ڕوبەڕوى لێدان وهەڕەشەو زیندانیكردن وچەندین جۆرپێشێلكارى دیكە دەبوینەوە.
ئەمڕۆش یەكێتى وپارتى ئەوڕاستیەدەزانن كەكوردەكانى تاراوگە لەزۆربەى وڵاتانى دەرەوەى هەرێم لەم هەڵبژاردنەداشمولى دەنگدان دەكەن وتاڕادەیەكى باش دەنگێكى دیاروبەرچاون لەبەرامبەر گۆڕانكاریەسیاسیەكانى عێراق بەگشتى وهەرێمى كوردستان بەتایبەتى,بەتایبەتیش یەكێتى بۆئەوەى ڕوبەڕوى گورزێكیدیكەى نموونەى هەڵبژاردنەكەى پێشونەبێتەوە وەك ئەوەى بەتایبەت لەسلێمانیدا ڕوویدا ,لەڕێگەى ڕێكخستنەكانی دەرەوەى كەوتۆتەسازدانى كۆڕوسیمیناربۆبەرپرسەباڵاكانی ,ئەوەبوپێشتر چەندكۆڕوكۆبونەوەیەكیان بۆعیمادئەحمەدڕێكخست و چەندڕۆژى ڕابردووش بۆمەلابەختیار.
ئەوەى لێرەدا پێویستەبگوترێت ئەمڕۆ ئەستەمە بۆحیزبێك وابەئاسانى بەسۆزو ڕەحموسیلەى كۆڕێك یان كۆبونەوەیەكى چەندكاتژمێری كەبەدەمەقاڵ وشەڕەتەماتە كۆتای دێت بتوانێت ئەوسپەیسە فراوانەى نێوان خۆیوخەڵكى تاراوگەپڕبكاتەوە چونكەبەرپرسانى یەكێتى باش ئەوڕاستیەدەزانن كەزۆرینەى كوردانى تاراوگە لەدەست نەبونى عەدالەت وهەروەها بونى گەندەڵى ومۆنۆپۆلكردن ومەحسوبیات ومەنسوبیاتى خۆیان وحیزبەهاوپەیمانەكەیان سەریان هەڵگرتوە و ڕویان كردۆتە تاراوگە((بەتایبەت ئەوانەى كەلەدواى ساڵى1991)) وە كوردستانیان جێهێشتوە,هەرئەوەشە وایكردوە وەكچۆن لەهەڵمەتى هەڵبژاردنەكەى پێشودا ئەم حیزبەتوشى هیستریا ببو چەندین پێشێلكارى بەرامبەربەڕۆژنامەنوسانى هەرێم كردومێدیاى سەربەخۆوئەهلى نەمادەستى دەرەكى نەخاتەپاڵ وهیچ لیستێكى ڕكابەریان نەما بەخیانەتكارو سەركردەكانى بەخائین وجاسوس تۆمەتبارنەكات,ئەمڕۆش بەهەمان شێوە ئەوپەتاى هستریایە دووبارە لەحیزبدا سەریهەڵداوەتەوە و گەرەكیانەهەمان سیناریۆ لەووڵاتانى تاراوگە دووبارە بكەنەوە,كەدەتوانین نموونەى ئەوپێشێلكاریەى لەسویدبەرامبەر ڕۆژنامەنووس قادرنادركرا وەك زیندوترین نموونە بێنینەوە,بەڵام یەكێتى بێئاگالەوەى وێڕاى ئەوپێشێلكاریانەى كەلەهەڵبژاردنەكانى ڕابردوودا لەهەرێمى كوردستان ئەنجامیدا لەهیچ وڵاتێكى ئەوروپابۆى ناچێتەسەر وهاوكات سەدبەرامبەر ئەوسۆسیال دیموكرات بونەى كەشانازى پێوەدەكات دەكەوێتەژێرپرسیارەوە.
باشەلێرەداپرسیارئەوەیە,ئایاڕۆژنامەنووس قادرنادر لەهۆڵى كۆبونەوەكەدا بۆمبى لاڕێى بۆمەلابەختیار داناو ئەندامانى ڕێكخستنەكانى سویدى یەكێتى دركیان بەمەترسیكرد ئاوا پێشێلكاریان بەرامبەر كاك قادركرد؟!,,یان قادرنادر بەوزمانەزفت وتاڵوناشرینەگفتوگۆى لەگەڵ مەلابەختیارداكرد كەموریدەكانى هەردووحیزبى دەسەڵاتدار لەشەڕى ناوخۆدا لەفەرهەنگەكاندا دەگەڕان بۆ هەڵێنجانى ووشەناشرینەكان و دژبەیەكترى بەكاریان دەهێنا؟!...
دیارە ئاشكرایە ڕۆژنامەنووس قادرنادر وەك هەرئامادەبویەكى ئەو كۆڕە تەنها هەدەفى پرسیاركردن, یاخود چەند تێبینیەك یان ڕەخنەیەك بوە لەسەر كۆڕەكەى مەلابەختیار,بەڵام ئەوە جارێكیترئەوڕاستیەدەسەلمێنێت كەیەكێتى و یەكێتیەكان ئەمڕۆ ئەوەندەناسك بونەتەوە تەنانەت بەرگەى پرسیارێك یاخود ڕەخنەیەك ناگرن!!,دەنادەبێ ئەوسیحرە چیبێت كەمەجالى ڕۆژنامەنوسێك نادرێت بۆگفتوگۆكردن؟؟.
لەلایەكى دیكەوە دەبێت مەلابەختیارو تەواوى بەرپرسانى یەكێتى وپارتیش ئەوڕاستیەباش بزانن هەركاتێك گەرەكیان بوو كۆڕێك یان سیمینارێكى جەماوەرى لەیەكێك لەوڵاتانى ئەوروپادا بگێڕن زۆر ئاسایبێت بەلایانەوە ئەگەر ڕوبەڕوى هەر ڕووداوێكى نموونەى تەماتەبارانكردنەكەى نەرویج ببنەوە,چونكە ئەوان لەوڵاتێكدا كۆڕدەگێڕن كەبەفیعلى لەقیمەى دیموكراسیەتدایە,نەك وەك ئەوەى كە ئەوەندەبچوك ببنەوە پرسیارى ڕۆژنامەنوسێك ئەوسەروەریانەیان لەكەداربكات كەخۆیان شانازى پێوەدەكەن...
وەدەبێت چاوەڕێى ئەوەش بكەن هەركەسێك تەماتە, یان هەرشتێكى دیكەیان تێدەگرێت دوورنیە دواجارخەڵاتیش بكرێت وەك ئەوفەرهەنگە مۆدێرنەى كەتاڵەبانى هێنایەكایەوە وئەو ڕۆژنامەنوسەى خەڵاتكرد كەپێڵاوەكانى گرتەمونتەزەر زەیدى!!.
[email protected]