(نوێکراوەتەوە)چارەنووسی نووسەرێکی کوردستانپۆست دیار نییە!

Sunday, 13/05/2012, 12:00

پاش ئەوەی کوردستانپۆست لە روونکردنەوەیەکدا باسی لە نووسەرێکی کوردستانپۆست کردبوو بە ناوی حەمید دۆسکی، کە بۆ ماوەی پێنج مانگ زیاترە، لەلایەن دەسەلاتی کوردییەوە گیراوە و چارەنووسی نازانرێت.
تا ئیستا چەند پەیوەندییەکمان پیوەکراوە و هەندێک زانیارییان بۆ ناردووین لەسەر ئەو نووسەرە، ئێمە لە خوارەوە ئەو زانیارییانەی کە بۆمان هاتووە بڵاوی دەکەینەوە، داواکارین لە خوێنەرە بەڕێزەکان هەر کەسێک زانیاریی تەواوتری لە لایە سەبارەت بە خیزان و کەسوکارەکەی، ژمارەی تەلەفون و ناونیشانییان، یان هەر زانیارییەکی تر تا بتوانین پەیوەندی بە رێکخراوی ئەمنستی و لایەنەکانی ترەوە بکەین.


نامەی یەکەم:
حەمید دوسكی خەڵكی دهۆكە و لە شەڕی ناوخۆە هاتۆتە سلێمانی، پێش 5 مانگ ئاوا چۆتە كەركوك بەقسەی خوی لە سلێمانی هەرەشەیان لێکردووە بەهۆی ئەو بابەتانەی کە لە کوردستانپۆستدا بڵاوی دەکردەوە، بەپێی زانیاریەكانم ئەلێن لە كەركوك یان گیراوە یاخود کوژراوە، جا تکایە کوردستانپۆست شتێکی بۆ بکەن، چونکە نووسەری خۆتان بووە شتێكی بۆ بكەن، بۆ خۆی مامۆستاشە، بەلام خانەنشین کراوە، كاری رۆژنامەوانی دژی دەستەلات ئەكرد و لە دایكبووی 1949 یە من زۆر رەفیقی بووم بوویە تكاتان لێ ئەكەم دواداچونی بو بكە، بە كەسوكار و بنەماڵەكەشیم ووتوە ئەلێن زۆر بە دوایی ئەگەڕێین، هیج لە سەری نازانین.


نامەی دووەم:
حەمید دۆسكی ناوی تەواوی (عبدالحمید ئەحمەد عەلی)یە, خەڵكی دهۆكە لە سالێ 1949 لە دایك بووە و بێشمەركەی كۆنە و لە شەری ناوخوە هاتۆتە سلێمانی و مامۆستا بوو پێش 3 ساڵ خانەنشین بووە و كاری رۆزنامەنوسی ئەكرد و بابەتی لە كوردستان بۆست لای خوتان بلاوی ئەكرد، بەهۆی ئەو بابەتانەوە هەرەشەی لێ ئەكرا بوویە لە سەرەتای مانكی 9ی ساڵی 2011 چوە كەركوك و لەو مانگەوە بێ سەر و شوێنە و كەسوكار و بنەماڵەكەشی ئەلێن زۆر زۆر بەدوای ئەگەڕێین، بەڵام كەس هیچمان پێ ناڵێن بەس ئەڵێن لەوانەیە لای دەستەەلات گیرابێت و دوایی کوشتوویانە چونكە لە كوردستان بوست شتی نووسیوە.

نامەی سێیەم:
ئەمە ژمارەی تەلەفونی  حەمید دۆسكییە كە لە مانگی 9ی سالی 2011 ئەو ژمارەیەی داخراوە