من مه‌سعودم
Monday, 03/08/2009, 12:00
من مه‌سعودم سەرۆك خێڵم
كورسى بۆ كەس جێناهێڵم
میراتى باوكمە جێماوە
شەرەفمان لە سەر داناوە
بیستومە كە لەو لاو ئەملا
هەندێ ناحەز و بەرەڵا
توانج و پلارم تێ ئەگرن
گوایا ڕەخنە لە من ئەگرن
كەى من لە ڕەخنە ترساوم
كێیە چاو ببڕێتە چاوم
هەرچى ئەیڵێن گرنگ نییە
باكم لە قسەى هیچ كەس نییە
ئەكەم ئەدەم ئەدزم ئەخۆم
ماڵى میللەت ئەبەم بۆ خۆم
من كوڕى مەلا مستەفام
هەر بە خانەوادە ڕیسوام
دزم جەردەم كەوا سوورم
من جاشێكى بێ سنورم
دۆستى شێخ زاناى رەحمەتیم
هاوڕێى دەست گەمە و بێتاقەتیم
چەند هونەرى جوانى لا بوو
زانایەكى زۆر زانا بوو
هەزار رەحمەت بێ لە گۆڕى
زوو زوو جەوى پێم ئەگۆڕى
هەر چەندە عەقڵ نەزۆكم
تا چوار ساڵى تر سەرۆكم
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
