با بەگشت ئایدیا جیاوازەكانەوە ڕاڤە لە سەر گۆڕان بكەین!
Sunday, 07/11/2010, 12:00
1424 بینراوە
هەموو هەڵەیەك ڕاستییەكی تیدایە. هەموو ڕاستیەكیش هەڵەیەكی تیدایە. هەردوو چمكەكەش لە خزمەتی گه‌یشتنن به ڕاستیی.
گۆڕان نەبێ هەڵەیە و نەبێ راستییە. دەكرێ سەرنجی ڕۆشنبیرانی دەرەوەی دەسەڵاتی مافیا كوردی، بەچاویكی ترەوە بڕواننە گۆڕان . سەرنجەكان پۆزەتیف بن یان نیگیتیف هەردووكیان خزمەت بەگۆڕان دەكەن سەرنجەكان هەر ڕەنگێكی هەبێ (هەم هه‌ڵه‌یه ... هەم ڕاستییە).
هەڵەیە: ئەگەرداخوازی سەرنجدەر بۆ ئەركی گۆڕان داخوازییەك بێ زیاتر لەهێزی سیاسی و ئابوری وكۆمەڵایەتی گۆڕان.ئەمە هەڵەیە و ڕاستییەكی تێدایە كەڕاستی توانای گۆڕان ئاشكرادەكات.
ڕاستە: گۆران لە ڕەحمی ویستی گۆڕاندا زمانی سیاسی بژا. گۆڕان بزوتنەوەیەكی هزری ڕەخنەگرانەیە لەدەسەڵاتی سیاسیی و ئابوریی كۆمەڵایەتی و سیستەمی سیاسیی مافیای كوردستان. ئەم ڕاستییەش هەڵەیەكی تیدایە . ئەگەر بڵێن گۆڕان بێ ڕەخنەیە.
گۆڕانكارییەكان زۆر خیران و مرۆڤەكان زۆر لاوازن ئەوە تاوانی تاكی سادەی كورد نییە كە فریای هەنگاوی خیرا لە ئاستی گۆڕانكاری خیرا ناکه‌وێت. بەڵكو ئەوە تاوانی كه‌لتورێك و ئاستیی هوشیاریی ڕۆشنبیرانی كوردە كە دەسەڵاتی ترادیسیونی پریمیتیفی كوردی پیرۆز دەكات. لە 20 ساڵی ڕابردووی دوای پیرۆسترۆكیا گۆڕانی سیاسەتی جیهان و پیشكەوتنی تەكنەلۆژیای میدیا، گۆڕانكاری زۆر خیرا ڕوویداوە. كورد لە هەردوو سەرچاوەكە واتە گۆڕانكاریی سیستەمی سیاسیی جیهان و تەكنەلۆژیای میدیا وەك پێویست بۆ كیشە گرژەكەی خۆی كەڵكی لێوەرنەگرتووە. چاره‌سه‌ری كیشەی نەتەوەی كورد، پەیدابوونی چەند ملیۆنەرێكی دۆلار نییە. بەڵكو كێشەیەكی گرژی مرۆڤه، .ئەگەر باشووری كوردستان بكەین بە چەقی سەرنجی ئەم بابەتە ئەوە لە دوای ڕاپەڕینەوە تا ئیستا ژمارەی ملیۆنەرەكانی كورد له زۆربوون. گەیشتن بە مافەکان. ئەم كۆماسیاسییەی ئیستا كە كورد تیدا دەژی زۆر بڤەیە. ئەوە تەنیا پزیشكە، كە مرۆڤ لە كۆما رزگار دەكات نەك (دوعا و پاڕانه‌وه).
پزیشكێك بۆ ڕزگاركردنی مرۆڤێك لە كۆما، زللە یان لێدانێك بەكاردەهینێ ئەوە (ئەشكەنجە و تیرۆر) نییە، بەڵكو چارەسەرە. بۆیە توڕەبوون و ڕاچڵەكین بۆ جەستەی كۆمای سیاسی باشوری كوردستان پیویستە.
(دەسەڵاتێك بۆ ڕووخاندن جەماوەرێك بۆ ڕاپەڕین) ئه‌م دروشمه سه‌رنجی راکێشام. ئه‌مه هوشیاری كوردستانپۆستی زیاتر ئاشكراكرد. هیچ تاوان و دەستكەوتێك لەدەرەوەی توانانی مرۆڤ نییە. مارتین لۆتەر كەسێكی سیاسیی نەبوو. بڕوای وابوو دەوڵەت لەخوداوە دەسەڵاتی پیدراوە، بۆیە هەموو زۆڵم و زۆر و تاوانێك، كە دەوڵەت بەرامبەر بەگەل دەیكات ئەوە سزای خودایە بۆ گەلیگی خراپ، چونكە ئەگەر گەلێك باش بێت دەسەڵاتی خراپ پەسەند ناكات، بۆیە گۆڕینی ئەم سیستەمە پیسە سیاسیەی باشوور، تەنیا لە ئەستۆی تاكی كوردە، بەتایبەتی ڕۆشنبیرانی جەربەزە، نەك مشەخۆرەكانی سه‌ر سفەرەی مافایای كوردی.
گۆڕان چ وەك بزوتنەوە، چ وەك دیاردە، چ وەك ڕاچڵەكینیكی هزریی و سیاسیی زۆر پێویستە ڕاڤەی لەسەر بكرێت، چونكە هیزێك نییە وەك گۆڕان جەربه‌زانه بەرنگاری دەسەڵاتی مافیا كورد ببێتەوە. گۆڕان پێویستە ببێتە چەكوشێك بۆ ڕمانی دەسەڵاتی ترادسیونی دیكتاتۆری خیزانی سیاسی كورد. گۆڕان ناتوانی چەكوشێكی بەهێز بێت ئەگەر لە ناخی خود ڕەخنە نەگرێت و ڕەخنەی دەرەوەی خود پەسەند نەكات. بۆیە گشت ڕەخنەكانی گۆڕان پەسەندن.
قەیران بەشێكە لە ژیان. تێگەیشتن لە قەیران تێگەیشتنە لە ژیان تەنیا كورد لە قەیراندا نییە. قەیران بەقۆڵایی میژووی گشت نەتەوەكان بوونی هەبووە. قەیرانی ئیمە لەچەند سەرێكەوەیە. ترسناكترینیان قەیرانی ناوخودی كۆمەڵگایە, كە بووتە چەند بەشێك:
1: كۆمەڵە كەسانێكی سادە داكۆكی لە دەسەڵاتێك دەكەن كە نۆینەری كۆلۆنالیستی كوردستان و تاڵانكەری سامانی كوردە ئه‌ویش (جەلالی ومەلایی).
2: تاقمە چەواشەكەرەی میدیای دەسەڵات.
3:. ڕۆشنبیرانی شۆڕشگیری دەرەوەی ئەو دوو بازنە دڕكاوییە. واته رۆشنبیرانی ڕادیكاڵی بی پرینسیبی نەتەوەیی. ئەوەی ترسناكە ڕاڤەكردنی ئەم چمكەیە لە سەر ئەڵتەرناتیڤی كوردیی بەزمانیكی نالۆژێك لەسەر گۆڕان و گۆڕانکاریی.
(رەها) لە سیاسەتدا بوونی نییە، ئەگەڕ گۆڕٍان بخەینە نیو هاوكێشەیەكی ماتماتیكییەوە ڕێژەی (سفر، یان 100)ی بۆ دابنێین ئەم دوو ڕیژەیە لە سیاسەتدا ڕۆڵی نییە، چونکه هیچ پارتێك نە سفرە و نە سەدە. سفر و سەد هەردووكیان ڕێژەیەكی ماتماتیكی سنوردارن. گۆڕان سفر نییە و سەدیش نییە، به‌ڵام لە نێوەندی سفری سیاسیی و سەدی سیاسی بوونی هەیە.
با بەگشت ئایدیا جیاوازەكانەوە ڕاڤە لە سەر گۆڕان بكەین لە كۆمەڵگای كوردییدا ژمارەی ئایدییاكان زۆرن.كامیان خزمەت بەگرفتەكەمان دەكات؟ گرفتی ئیمە كۆلۆنیالیكردنی نیشتمان و ئابوریی و خاك و مافمانە. بۆیە سەختە چونكە ئەوە تەنیا كۆلۆنیالیستی بیگانە نییە، که كوردستان و كورد و كلتورەكەمانی كۆلۆنیالكردەوە, بەڵكو كۆلۆنیالیستی كوردیشه (جەلالی ومەلایی) ، که بوونەتە كۆلۆنیالیستی ناوەوەی كورد. بۆ رزگاربوونمان لەكۆلۆنیالیستی (عەرەب.فارس.تورك) پیویستە له پێشدا خۆمان لە كۆلۆنالیستی(جەلالی و مەلالی) ڕزگار بكەین، ئه‌گەر هەموو ئایدیاكانی باشوور بخەینە ژیر پرسیاره‌وه. كامیان خزمەت بەتاكی كورد وكیشەكەی دەگەیەنێ.
ئایدیاكانی ئیمڕۆ كۆمۆنیست: كۆمۆنیستەكان لە ئاستی جیهاندا شكستییان خوارد.
ئیسلام: ئیسلام وەك دین. وەك فەلسەفە. وەك ئیسلامی سیاسیی هەر یەكە لەمانە خویندنەوەی تایبەتی هەیە. لە ئەوروپادا شەری مەزهەبەكان بوو بە هۆی پرۆسێسی ڕزگاریی نەتەوەیی. لەجیهانی ئیسلامییدا پێچەوانە شەری مەزهەبەكانی نێو ئیسلام (شیعە و سونە) بوو بەهۆی داتەپینی هەستی نەتەوایەتی عەرەبی (كە خاوەنی ڕەسەنی ئیسلامن) بۆ نمونە (عێراق. شیعە و سنە. لوبنان شیعە و سونە. فەلەستین. سوننە).
پیویستە ڕێز لە محمد وەك ڕٍابەری گرنگترین شۆرشی هزری كۆمەڵگای پریمتیفی عەرەبی بگیرێت. پێویستە ڕێز لە موسوڵمان بگیرێت. لێ زۆر پێویستە لە كیشەی نەتەوایەتییدا، چاویكی سیاسیی لە ئاست بەرژەوەندی نەتەوەییدا ڕاڤە لەسەری (ئیسلامی سیاسیی) بكرێت. هیچ ئایدیایەك پێویست نییە، ئەگەرچارەسەری نەتەوەیی لە ئامیزی نەگرێت.لە هەمان كاتدا ئەركی (ئایدۆلۆژی نەتەوەیی) لە ئامیزگرتنی گشت (ئایدێكانە) (دیموكرات. ئیسلام. كۆمۆنیست. سۆسیالیست. لیبریال. کۆنزەرفاتیف .... هتد) بەم هەموو ڕەنگانە یەك تابلۆ دەنه‌خشێنن ئەویش تابلۆی كەرامەتی نەتەوەییە واته بوونی (دەوڵەت) لەم سنورە بترازێ هیچ ئادیۆلۆژیەك نرخ و ڕێزی ڕەنگی نییە. جوانی تابلۆ تەنیا لە ڕەنگەكانی تابلۆكەدا نییە، بەڵكو لەچۆارچیوەی تابلۆكەدایە. یانی سنوری نیشتمانی بۆ نەتەوەیەك.
گۆڕان لە دەرەوەی بازنەی پەرلەمان و لەناو بزنەی پەرلەمان گۆڕان كۆمەڵی ئەركی هەیە. جیاواز لە ئەركی هەر ڕێكخراوێكی تری كوردی. ئەركی لە پەرلەمانی كوردستان. ئەركی لە پەرلەمانی عیراق. دوای تیپەڕبوونی نزیكەی 9 مانگ بەسەر هەڵبژاردن و نەگەیشتن بە سه‌ره‌نجامێک لە نیوان کورد و پارتە عەره‌بەكاندا. ئه‌مه نیشانەی نەبوونی ئاوزان و ڕیزی دیموكراسییە. گۆڕان وەك بەشێك لەجەستەی سیاسیی كورد. لە ڕەحمی قەیرانەكاندا لەدایك بوو. هەڵەیەكی سیاسیی گەورەیە لە تەك (جەلالی و مەلایدا) چ لە پەرلەمانی كوردستان چ لەپەرلەمانی عیراقدا (ئیتلاف) بكات. ڕەنگی گۆڕان بە (ڕەنگی ئۆپۆزیسۆینەوە) جوانە ئەوە تەنیا پارتە زۆر دەنگەكانی پەرلەمان نییە، كە خزمەت بەكیشەی نیشتمانی دەكه‌ن؟ بەڵكو ئەو دەنگی ئۆپۆزیسۆنە پتەوكەری ویستەكانی جەماوەره. خۆكشانەوەی گۆڕان لە ئیتلافی كوردستانی خۆكشانەوەیەكی زۆر زرنگانەی سیاسیی بوو. دەنگی ئۆپۆزیسونی گۆڕان لە پەرلەمانی عێراقدا دەبێتە هۆی كزبوونی دەنگی مافیا كوردیی. و گۆڕانی ئاوزانی سیاسیی عەرەبی عیراقی.
فرانكفۆرت 2010-11-07
