کاک نەوشیرەوان یاری بەئاگر ناکات، لێ بازی بە کات دەکات

Thursday, 13/02/2014, 12:00

1601 بینراوە

 کات : یانی ژیان
 ژیان : یانی کاتی ئێستا و کاتی داهاتوو.
 کاتی ئێستا کاتی مرۆڤەکانی ئیستایە (نەوەی ئێستا)
 کاتی داهاتوو کاتی مرۆڤەکانی داهاتووە (نەوەی نوێ)
 ژیان دوای مردن بوونی نیە:
 نیچە فەیلەسوفە یاخییە هەمیشە زیندوکەی ئەڵمان دەڵێ:
   پێم بڵێ پێش لە دایک بوون من لە کوێ بووم .
  منیش پێتدەڵێم دوای مردن لە کوێم .
 بۆیە پێویستە مرۆڤ خەبات بۆ جوانی کاتێک بکات کە بوونی هەیە یانی ئێستاو داهاتوو.
 کامیان بڤەیە ؟ یاری بەئاگر؟ یان بازی بەکات ؟
  ئەگەر شەپۆلی توڕەی ئاگرێ . سنگی ناوچەیەک بگرێ . تەنیا بونەوەر و ناوچەکە دەسوتێنی نەک تەواوی نیشتمانێ.سروشتی سروشت وایەناوچەی سوتاو خۆی دروستدەکاتەوە. ئەی وایە تەواوی گۆی زەوی لە سەرەتادا پشکۆیەکی گرداربوو. کەسارد بۆوە ئەم زەویە جوانەی لێدروست بوو.
 سنوری ناوچەی سوتاوی سیاسی تەسکە . تەمەنی ئاگری سیاسی کورتە.
 ئاگری سیاسی یانی شورش و ڕاپەڕێن و توڕەبوون .
 بازی بەکات: سنوری گۆڕەپانی بازی کات زۆر فراوانە. قوربانییەکانی بە ملوێنەها مرۆڤن. نەک یەک نەوە چەند نەوەیەک ژیان و ئایندەیان دەبێت بەقوربانی لە دیدەی هەمووماندا ئاشکرایە سەرکردە سەقەتەکانی ساڵانی شەست(١٩٦٠) هەراکەی مەلا مستەفا ٥٤ ساڵە بازی بە ژیانی نەوە دوای نەوەی کوردەوە دەکەن.
 مرۆڤەکان دوای جەنگ ژیانیان خۆشدەوی. ژمارەی عاشقان زۆر دەبن.
 چونکە مرۆڤەکان لەئازاری جەنگەوە فیری چێش وەرگرتن لە ژیان دەبن.
 ٥٤ ساڵە کورد دەجەنگێ و کورد فێرنەبووە چێش لە ژیان وەرگرێ. بەری ٥٤ ساڵ جەنگی کوردی لەجیاتی ژمارەی عاشقەکان زۆر بێ . ئۆردویە مافیا دروست بوو.
 بۆشایی سیاسی ، بۆشای ڕۆشنبیری
 ترسناکترین قۆناغ لەژیانی مرۆڤ وکۆمەڵدا قۆناغی بۆشای هوشیاری و ڕۆشنبیرییە. سیاسەتیش بەشێکە لەڕۆشنبیری . ئەگەر دۆخێکی سیاسی بەرهەمی نەبوو ئەو دۆخە سیاسیە(بۆشایی سیاسیی) یە. ئەم تۆیرە سیاسیە . سیاسیە شاخاویەکانی کورد لێ تێناگەن.٥٤ ساڵ کوردکوشتن. کوردی هوشیار نەکردەوەلەگرفتەکەی خۆی. بۆیە هەمێشە کوردلە پاشکۆ و زبڵی میژوودایە. بۆشای سیاسی وڕۆشنبیری یانی نەبوونی پرینسیب وئامانج(ئیستراتیجی).
 کەگۆڕەپانی سیاسی کۆمەڵگایەک بەتاڵبوولەهزری ڕوونڕەوی ئەوە زۆر بەئاسانی ئەو بۆشاییە بە هزرێکی فایرۆزاوی پڕببێتەوە. وەک هزری(جەلالی و مەلای) ئەی ئەوەنیە ٥٤ ساڵە دوومێشکی پووتی سیاسی سەرکردایەتی کورد دەکەن؟
 ئەو خێڵەکیانە لە دونیا هیچ ناگەن
 تەنیا(ئاڵتون و شمشیر) نەبێ
 لۆرد کیرزۆن ساڵی ١٩٢١
 
 کورد میللەتێکی بێ موڕاڵە.
 پێش ئەوەی تۆڕەبیت بۆ تێگەیشتن لە موڕاڵ بڕوانە ئەم لینکە
 )* تکایە لێرەدا لینکی ووتاری...نەک کۆسرەت هەموومان لە هۆڵی تاقیکردنەوەی مۆڕاڵداین) لە پەیچەکەی کوردستانپۆشت دا هەیە.
 کەسێک.
 گەلێک.
 نەتەوەیەک .
 ئیستراتیجێتی بوو بەکۆکردنەوەی سامان. ناتوانی پێوەری مۆڕاڵی هەبێ.کە پێوەری مۆڕاڵیش نەبوو(بەها مرۆییەکان) بوونی نیە. خەباتی نیشتمانی ونەتەوایەتی خەباتە لە پێناوی بەهای(مرۆڤایەتیدا). نەک سامان.
 ئێستا باشوری کوردستان بەترسناکترین قۆناغی بۆشای سیاسی و بێ موڕاڵی تاکی کوردا تێدەپەڕی قۆناغێکی هێندە ترسناکە چاوەڕی هەموو کارەساتێکی مروی دەکرێ.کورد لەغەمی ئایندەدا نییە. ئەوەی مێشکی تاکی کوردی لە ڕوونڕەوی بیرکردنەوە بەتاڵکردوە(سامان . پارەیە).
 سامان و پارە چەكێک بۆ زۆرانگرتن لە تەک کەرامەتی مرۆڤدا. پێش ئەوەی سوپای ئەمەریکی عیراق داگیر بکات بە هۆی ئابڵوقەی ئابوریەوە کورد و عەرەب یان بە سنورێک برسی کرد. تەنیا بیر لە پارەبکەنەوە.کە سەدام ڕما پارە ڕژا. ئیتر بە کورد وعەرەبەوە بیریان لە ئەرکە نیشتمانی و نەتەوەیەکان نەکردەوە. ئەم پلانە مرۆڤە کاڵفامەکان لێتێناگەن...بڕوانن چون پارە بوو بە ئیستراتیجێتی سیاسەکان . نووسەران ، مزگەوت...گەورەتین بابەتی پەرلەمان.
 گەلێکێش بیرکردنەوەی تەنیا پارەبێ گەلێکی ڕسوایە. ئەمە رسوابوون نیە بە بریاری عەرەبێ مۆچەی ملیونەها خێزانی کورد ببڕێ؟
 لەساڵی ١٩٢٣ ساڵی لکاندنی باشوری کوردستان بە عیراقەوە تا ئیستا وبە درێژای هەشت ساڵ جەنگی عیراق و ئیران موچەی مامۆستا لە باشوری کوردستان نەبڕابوو. کە مافیاکانی کورد بوون بە خاوەنی سامان. بەڕێزترین تۆێژی کۆمەڵگا(مامۆستا) موچەی نەبێ. ئەمە کۆمەڵگایە.. یان بەرغەل ؟
 ئەمە هەڵەی ئەو سیاسیە دەبنگانەبوون واژویان لەسەرعیراقی بوونی باشوری کوردستان کرد.
 ئەوە سزایی مالکی و شهرستانیە.لەسەر بەتاڵنفرۆشتنی پیتڕۆڵێ باشور لە لەلایەن هەردوو خێزانی  جەلالی و مەلای مافیاوەوە .
 
 ئۆپۆزیسۆێن چیدەکات ؟ لەم ڕاستیە دەگات؟
 هەڵەی ئۆپۆزیسۆێن و هەڵەی دەسەڵات (گەوجی کۆمەڵگا) یە
 چۆنکە ئۆپۆزیسۆێن و دەسەڵات هەردووکیان لەیەک کۆمەڵن
 هیچ کۆمەڵگایەک بێ تاوان نیە
 هیچ کۆمەڵگایەک بێ سزا نیە
 تاوانی کۆمەڵگای کوردی بێدەنگییە لە تاوانی دەسەڵات
 تاوانی دەسەڵات سزای دەسەڵاتە.
 لە بێدەنگی کۆمەڵ لە هەڵەی دەسەڵات.
 
 
 بازی کاتی کاک نەوشیرەوان:
 لەسەرەتای ساڵانی ناوەدەوە دەستی پێکرد دژی دەسەڵاتی ڕەهاو دیکتاتۆڕی جەلال ماوەیەک لەلندن هەواری خۆی خست.. لە جیاتی ئەوەی باڵەخانەی جەلالیزم بڕمێنێ. هەواری لەسەر گردی خست . ئەو ساتە باڵەخانەی جەلالی سوپایەکی توکمەو و ئابوریەکی قەبە و دەزگایەکی میدای بەهێز ئەمانەی بۆ کۆمەڵی سەرسەری بەجێهێشت. بڕوانە چ بەزمێکە ئێستا هەرشەقاوەیەک لەسەرکردایەتی  سوپای خۆی. میدیای خۆی. مزگەوتی خۆی. بانکی خۆی.شاعیری خۆی. مۆسیقایری خۆی.دادوەری خۆی.پارێزەری خۆی. بەڵێندەری خۆی. تیرۆرستی خۆی . لەشفرۆشی خۆی. گەوادی خۆی. ئەمە کادیرانی(کۆمەڵەی مارکسی وللینی) بوون.
 ئەوەی لە هوشیاری کۆمەڵ نەگات ناتوانی نەخشەی گۆڕانی کۆمەڵ بکێشێ.
 دیموکراسەتیزەکردنی کۆمەڵگای ڕۆژهەڵاتی درۆیەکی زللە کۆمەڵگای پێ ژیر دەکرێ.ئێمە لە قۆناغی ڕزگاری نیشتمانین.. نەک ڕیفۆڕمی سیستەمی سیاسی وکۆمەڵایەتی..کەواتە گۆڕان بەم ڕەمتە سیاسیەی بێ تووڕەبوونی شەقام لە جێگەی خۆی بازی دەکات.
 شەڕی پەرلەمان
 چوار ساڵە گۆڕان لە پەرلەمانی هەولێر و بەغداد بوونی هەیە. ڕۆڵی لە گۆڕینی یەک بڕگەی یاسادا نەبووە کەلە ئاست بەرژەوەندی نەتەوەی کوردا بێت. زووربەی زۆری چەلەحانیەکانیان تەنیا لەدەوەری(پارە . سامان ، موچە) کۆا دەستکەوتی چوار ساڵ خەباتی پەرلەمانی گۆڕان لەمەڕ مادەی 140؟
 دانوساندن ڕیگەیەکی ئاسانە بۆ چۆکدادان وشکستی.ئەگەر لە سێبەریدا هێزێک لە پشت مێزی گفتوگۆوە نەبێ ... وەزیری دەروەی ئەمەریکی(جۆرج شۆڵتز)
 
 لەدوای شێخی نەمرەوە کورد بازی بەکات دەکات. جارێک بۆ ژیان نەسوتاوە
 شەڕی ئامانجدار باشترە لە ئاشتی بێ ئامانج
 چەند جۆر شەڕ هەیە..هێندەش جۆری چەک هەیە
 مەبەستی ئەم وتارە شەری کلاسیکی و تیرۆر نیە... شەری شەقام و ڕاپەڕینە.
 بۆ ڕمانی دەسەڵاتی مافیای کوردی. نەک دیموکراتیەکی بێ هوشیاری سیاسی.
 چاوەڕی وتاری داهاتوو.. بەڵگەیەکی میژووی بن.
 با بزانن سەرکردایەتی کورد چەند بێ ئاگان لە هوشیاریە سیاسی.