چل ملیون

Friday, 25/02/2011, 12:00

چل ملیون ئه‌ڤرۆکه‌ رابن
سه‌رخوه‌بوون هات به‌رده‌ری
دا کو ب ئازادیێ هوون شابن
ها دێ هێتن سه‌روه ری

بایێ ئازادیێ د هێتن
چ خوه‌ش هین و دلڤه‌که‌ر
مه‌شخه‌ل و گوڕی ئو پێتن
به‌س بمینه‌ بێ زه‌ڤه‌ر

نه‌کێمتر ئه‌م ژ ڤێ جیهانێ
مێزه‌که‌ کانێ چما ؟
وه‌م ئێخستین ڤێ کوتانێ
سنگێ مه‌ پڕکر ژ رما

گه‌لێن ژێر ده‌ست سه‌رهه‌لدانه‌
هه‌م هه‌وار و گازیه‌
ئه‌ڤ شه‌ڕێ مان و نه‌مانه‌
ته‌نها دز نه‌ رازی یه‌

مێزه‌که‌ تونس و مسرێ
وان سه‌رۆکێن پیس چه‌په‌ل
چه‌ند ملیار کربوونه‌ پاخلێ
ژ بلی مال و که‌ل و په‌ل

گه‌ل ئه‌ڤرۆکه‌ ب چاڤ و ده‌ستن
که‌س نه‌شێت خو راگریت
دز و مز ژی د هار و مه‌ستن
نه‌حه‌ققی ها دێ مریت

گوھ نه‌ده‌ن پیس و گلێشا
دره‌و ئو بێ دادیا
گه‌ر ئه‌ڤرۆکه‌ هین نه‌ڕابن
قه‌د ناگه‌هن خوزییا ۰

شیرزاد زین العابدین

۲٥ـ۰۲ـ۲۰۱۱