لەدەرەوەی کات و شوێنم

Monday, 24/03/2014, 12:00

وتم: سوچێ لەدڵمت بۆ تەرخان دەکەم
هاتی و
شوێنت تیا نەبووەوە
وتم: نیوەیت پێ ئەدەم
زانیم ئەویش بەشی شکۆمەندیت ناکا
بۆیە پەشیمان بوومەوە و
دواجار
هەموویم بەخشی بەتۆ و
ئێستا لەدەرەوەی کات و شوێنم
گەر هیچ دەنگێ لەسەر ئەم بوونە نەمێنێ
من بێدەنگی تۆ ئەدوێنم،
تا ئاوڕم دایەوە
ئەو وتی:
چۆن مانگ ناژی
بێ تاریکی شەو
ئەستێرە بێماچ
ئەو چاوانەی ناچێتە خەو
چۆن لەبەر زامی عەشق
ئاسمان و زەوی لەیەك دوورن
ژین و مردن
لەبەر پاکی عەشقی ئێمە
لە شیوەی گوڵە باخ سوورن.

سۆزی بابانی

***

سەمای ڕۆح

با لەتۆدا بمێنمه‌وه‌ .. ئاوارەی هیچ شوێنێکم مه‌که‌.....
دەمه‌وێت‌ لەقوڵای خه‌مه‌کانت مه‌له ‌بکەم
ئه‌گه‌ر بزانم خنکاویشم....
دەمەوێت لەگەڵ ڕۆحتا سەما بکەم
ئه‌گه‌ر بزانم شێت ده‌بم.
ئه‌وه ‌بریارمه‌.....

سوزی بابانی