شه‌وانه‌ی داهاتی كۆمپانياكانی (قه‌يوانی يه‌كێتی و عێراق ئۆيڵی پارتی) ده‌گاته ٢٠٠ ده‌فته‌ر دۆلار
Sunday, 18/09/2011, 12:00
كوردستانپۆست/ په‌يامنێری ديبه‌گه
به پيی سه‌رچاوه‌يه‌ك كه خۆی يه‌كيك بووه له شۆڤێری تانكه‌ره‌كانی كۆمپانيای عێراق ئۆێلی پارتی ، ئه‌وه‌ی ئاشكرا كرد، كه زياتر له ٢٠ رۆژه به بڕياری به‌رهه‌م ساڵح گشت ئه‌و ته‌نكه‌رانه‌ی سه‌ربه و دوو كۆمپانيايه‌نه نين ده‌ركراون، كه خۆيان نزيكه‌ی ٥٠ ته‌نكه‌رده‌ده‌ن!
ئه‌وه‌شی ئاشكرا كردووه كه ته‌نها داهاتی ئه‌و نه‌وته‌ی كۆمپانيای قه‌يوانی يه‌كيتی باری ده‌كه‌ن بايی نزيكه‌ی ٨٠ ده‌فته‌ر دۆلار ده‌بێت، ئه‌وه‌ی كۆمپانيای عێراق ئۆيلی پارتیيش ده‌ريده‌كات بای ١٢٠ ده‌فته‌ر دۆلاره و دابه‌شی ده‌كه‌نه سه‌ر پاڵاوتگه‌كانی گه‌ورگۆسك و پالاوتگه‌كه‌ی نێچيره‌ڤان بارزانی كه (شێخ بازی) كۆنه شه‌ريكی عوده‌ی كوری سه‌دام سه‌رپه‌رشتی ده‌كات.
هه‌روه‌ها سه‌رچاوه‌كه ئه‌وه‌شی ئاشكرا كردووه زياتر له ٥٠ پالاوگه‌ی ئه‌هلی كه داخرابوون ئيستا هه‌موويان ده‌ستيان به كاركردن كردۆته‌وه، كه ١٥ پالاوه‌تگه‌يان مولكی (سيروان بارزانی) خاوه‌نی كوره‌ك تيليكۆمه و برازای مه‌سعود بارزانی ، ١٦ پالاوتگه‌شيان سه‌ربه ده‌زگای پرۆژه تايبه‌ته‌كانی يه‌كيتیيه، كه هيرۆی هاوسه‌ری تاله‌بانی سه‌په‌رشتی ده‌كات.
سه‌رچاوه‌يه‌ك له (چاوشين) نوينه‌ری سيروان بارزانیيه‌وه ئه‌وه‌ی دركاندووه، كه (سيروان بارزانی) مانگانه ٢ مليۆن ليتر سوته‌مه‌نی له (بيجي)یه‌وه بۆ ديت و به گرانترين نرخ به هاولاتيانی ده‌فرۆشيته‌وه!
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
