چاودێری كوردۆساید پشتیوانی له مانگرتنی كه‌سوكاری بورهان حه‌مه خان ده‌كات
Monday, 30/08/2010, 12:00
پاش ئه‌وه‌ی كاك بورهان حه‌مه خان به 4 مانگ زیندانی حوكم درا , خێزانه به‌ڕێزه‌كه‌ی سه‌عدیه ئه‌حمه‌د بڕیاری داوه به خۆپیشاندان بچێته گۆڕستانی ئه‌نفال كراوان له ناحیه‌ی رزگاری و له‌وێ هاوكات له گه‌ڵ هاوسه‌ره‌كه‌ی له زیندانه‌وه ده‌ست ده‌ده‌نه مانگرتن .
ئێمه وه‌ك چاودێری كوردۆساید وێرای پشتیوانی له‌م هه‌نگاوه , له ئاستی ناوخۆو ده‌ره‌وه پشتیوانی له‌م هه‌ڵوێسته ده‌كه‌ین و داواكارین هه‌موو ڕێكخراوه‌كانی تایبه‌ت به پرسی جینۆساید و مافی مرۆڤ له كوردستان پشتیوانی له‌م هه‌نگاوه بكه‌ن و به‌شدار بن له مانگرتنی سه‌عدییه خان و كاكه بورهان.
هاوکات بەتوندی رەخنە لەهەلوێستی وەزارەتی شەهیدان دەگرین ، کەلە ئاست زیندانیکردنی ئەو بنەمالەیە کەمتەرخەمە . وە پەرلەمانی کوردستانیش هەنگاو بۆ چارەسەرکردنی کێشە کانی وەک برهان حەمە خانی ٩ کەسی ئەنفالکراو یاسا یەک دەرناکات .
وەلێرەدا رای دەگەیەنین کە چاودێری کوردۆساید تواناکانی خۆی دەخاتە گەر بۆ ئازادکردنی کاکە برهانی حەمە خان .
چاودێری كوردۆساید- چاك
Kurdocide Watch
www.kurdocide.com
www.kurdocidewatch.net
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
