ئاسایشی زاخۆ 3 ئەندامی پارتی چارەسەری دیموكراتی كوردستان دەستگیر دەكات

Thursday, 28/01/2010, 12:00

رۆژی 28-1-2010 لە بازگەی نێوان زاخۆ و دهۆك سێ كادیری پارتی چارەسەری دیموكراتی كوردستان لەلایەن ئاسایشەوە دەستگیر دەكرێن. لەم بارەیەوە ئەحمەد رێكانی بەرپرسی رێكخستنەكانی پارتی چارەسەری لە دهۆك وتی پەیوەندیمان بە ئاسایشی دهۆكەوە كردووە، ئاسایش بێ ئاگایی خۆی راگەیاندووە و بڕیاریاداوە كە بەدوای بابەتەكەدا بچن. هەروەها ئەو بەرپرسە رایگەیاند كە ئەوان ئەم كردەوانە بە نایاسایی و ناڕەوا دەزانن و كاری بەمڕەنگە ناكەوێتە خزمەتی گەل و دەسكەوتەكانمانەوە. هەر بۆیە داوای كرد كە بەزووترین كات هەڤاڵەكانیان ئازاد بكرێن. هەروەها گوتی ئەگەر بەزووترین كات ئەتدامەكانیان ئازاد نەكرێن ئەوا پەنا دەبەنە بەر رێكخراوە نێو دەوڵەتیەكان.