لە میژوودا باڵای سەردەشت لە باڵای مەلا مستەفا به‌رزتره
Wednesday, 29/09/2010, 12:00
1373 بینراوە
ئەوە تەنیا نووسەر نییە، كە میژوو دەنوسێتەوە. به‌ڵکو مرۆڤی نەخۆیندەواریش میژوو ده‌نووسێته‌وه، چونكە میژوو خودی خۆی دەنووسیتەوە.با نووسەری میژووی ئەم سەردەمە نووسەریكی دیار و ئەزمونداریش بێت، لێ كە ئەو نووسەرە لە ئاست ویستی دەسەڵاتی مافیای كوردیدا میژوو بنووسیتەوە، جاش بكات بە قارەمان و پیشمەرگە بکاته جاش و خۆشی ببێته ڕابەری بیر ریفۆرمخواز و مۆدیرنیزمان. چ كەڵكیكی هەیە بۆ ئیستا، ئه‌وه ئاینده‌یه بڕیار ده‌دات، که ئەو نووسەرە ده‌بێت بخرێته زبڵخانەوە و لێپرسینه‌وه‌ی له‌گه‌ڵدا بکرێت.
ئه‌گه‌ر ئه‌و قسه‌یه‌ی سه‌ریشه‌وه وه‌کو پرسیارێکیش وه‌ربگرین ده‌توانین وه‌ڵام بده‌ینه‌وه و بڵێین: لە سیستەمی فاشی ومافیادا لەزۆر ووڵاتانی جیهانەدا نووسەری سەر بەفاشی و دیكتاتۆر هەبووە، هێنده هونه‌رمه‌ندانه توانیویانە بەو توانا هونەریی نووسینەیان، نەوەی نۆی لەخشتەبەرن و بیخەنە خزمەت سیاسەتی دیكتاتۆرەكانەوە. هیتلەر و سەددام چۆن پیویستیان بەتەكنەلۆژیای سەربازیی و ژەنەراڵی هوشیار هەبوو، ئاواش پیویستیان بە نووسەری درۆزن و ساختەچی كۆمەڵكوژ هەبووە.
بڤەیی جاش بە چەك، هی جاشنووسه‌رانیش بە پینوس: جاش ئەو كەسەیە، كە خیانەت لە نیشتمان و گەلەكەی دەكات، لێره‌دا گرنگ جۆری چەكەكە نییە.
جاشێكی چەكدار شوناسنامەی مۆڕاڵ وكرداری شاراوە نییە. چەكە و لە شانی دایە. جاشنووسەر ئەو نووسەرە درۆزن و دزەیە، كە لە ڕووی نووسینەكانیدا خۆی لەبەرەی ئۆپۆزیسیۆن نیشان دەدا و بەنیهینیش لەتەك ویستی دیكتاتۆرەكاندا تەبایە. سترۆكتۆری دزیی و درۆ زۆر لەی ەكەوە نزیكن. بۆیە سیاسییه‌کی دز و درۆزن، لە تەك نووسەره دز و درۆزنه‌کاندا به ئاسانی یه‌کتری قبووڵ ده‌که‌ن و ئاسان دەبن بەیەك جەستەی پیسی كۆمەڵگا. بڤەی ئەم نووسەرانە زۆر پیسترە لەجاشی چەك لەشان.
بۆ گۆرینی ڕەوتی سیاسیی و ئابوریی و هۆشیاری كۆمەڵگا، ئەركی سەرشانی ڕۆشنبیر و نووسەرانە، نەك سیاسییەكان. نووسەری ڕەسەن هەمیشە دەبێت که‌سایه‌تییه‌کی (ئۆپۆزسیوین) بێت. ئۆپۆزیسوۆن بوون بە تەنیا بە نووسین نییە بەڵكو بە كردار و هەڵوێستە. تیكەڵاوبوونی دوو دەست لە ئاست جیبەجیكردنی تاوانیكدا هەردوو دەستەكە تاوانبارن نەك یەك دەست. كەواتە پینووسی نووسەریكی جاش خراپتر كۆمەڵگا زامدار دەكات وەك له جاشێکی چەك له‌سه‌رشان.
كورد میللەتیكی بێ ئایندەیە، هۆكەی نەبوونی ئیستراجیی و بیرنەكردنەوەیە لەئایندە. ئیستا هیواكانی كورد لەباشوری كوردستاندا لەسەربناغەیكی بۆش وەستاوە. ستراتجی ده‌سه‌ڵات بۆ ئاینده‌ی ئه‌و کۆمه‌ڵگایه که به‌ناو رابه‌رایه‌تیی ده‌کات، تەنیا پركردنی گیرفان وقەبكردنی سەرماییەی تاكە. ئەو هەموو سامان و میگەڵە مرۆڤەی له دەوری جەلالی و مەلایی بەهڵكردنی ڕەشەبای تورەبوونی ناسوینالیستی عەرەبی دەبن بەهەڵم. خەباتی كورد لەباشوردا بۆ زیادبوونی ژماریەی دەوڵەمنده‌كان نەبووە، به‌ڵکو بۆ بەدەستهینانی ماڤی ئه‌و میلله‌ته چه‌وساوه‌یه و ئازادیی بوو. چوارساڵ حوكم وحەوت مانگ تیپەری بەسەر هەڵبژاردندا. گەلی كورد لە (كۆمادایە) ڕۆشنبیرانی كۆمەڵگایەگ لەم دۆزە بیده‌نگ بن دەبێ چ ئاستیكی هوشیاری ئەم كۆمەڵگایە پیشان بدات و بەرەو ئاینده‌یه‌کی رۆشن بەرێێ بكات؟ نووسین بە هەموو چمكەكانیەوە لەلای زووربەی نووسەرانی باشور و دەوری دەسەڵات بۆتە (سۆزانی) لەته‌ك ڕێزمدا بۆ (ئافرەتی لەشفرۆش). تێبینی: جیاوازی له نێوان سۆزانیی و له‌شفرۆشدا هه‌یه، له رووی ئابووری و کۆمه‌ڵایه‌تیی و ده‌رونییه‌وه.
ئەوەتا شیعر بەو جەستە ناسك و رۆحە رۆمانسی و شیعرییەوە لای شیركۆ بێكەس سۆزانییه‌کی جوانە هەر سەرمایەدارێك گەرەكی بێت جەستەی ناسكی شێعرێک دەخاتە باوه‌شییه‌وه و بەر تیغی ئارەزوویان. ئه‌ویش له پێناو پاداشتی پارچە زەوییەك . ڕۆمان و نوسینی بەختیارعلی .ئاراس. ریبین، هەڵكەوت. وەك جەستەی ئەو ئافرەتە ناسكەپاكە گەرمیانیە كەجاشەكانی گەرمیان دەیانخستە بەرتیغی ئارەزووی ئەفسەرانی بەعس. ئەوە نییە دەزگای سەردەم ڕۆڵی: (ئەمنە سورەكە) دەبینیت ئەو خانمەی لێنزیك ببیتەوە دەبێ گومرگی جەستەی لێ بستێنرێت!
یاد و شیوەنی سەردەشتسهردهشت تەمەنی ئەوەندە فریا كەوتو رێگای پێدرا،.میژوویەك بنووسیتەوە باڵاتر بێت لەباڵای هه‌موو مێژووی مەلامستەفا. باڵای میژوو بەكورت و دریژیی (تەمەن) نییە، بەڵكو بە مۆڕاڵ و هەڵویست وكردارە. ئەوەی پیویستە که بپرسین: ئایا سه‌رده‌شت بۆ بەو تەمەنە جوانەوە ژیانی خۆش دەویست؟ ئایا سه‌رده‌شت دەبێتە دیاردە؟ دەبێتە فاكتەری گوڕینی سه‌ره‌تایه‌ک، بۆ زیادبوونی نووسه‌ری جه‌ربه‌زه و گۆڕینی بیرکردنه‌وه‌ی نووسه‌ران؟ زۆرن ئەوانەی وەك سەردەشت شەیدای سەروەریین. زۆرن ئەو نوسەرانەی شین بۆ سەردەشت دەكەن، که خۆیان بكوژی سەردەشتەكانی داهاتوون. ئایا پەیامی سەردەشت و سۆران (ئاوینە و هاووڵاتی.لیڤین) هەمان پەیامی سۆران وسه‌رده‌شتە؟ وه‌ڵام: نەخیر. سۆران و سه‌رده‌شت نەخەڵات, نەپارچە زەویی، نەمووچە, نەناز و نیعمەت و ده‌ستبه‌سه‌رداهێنانی ده‌سه‌ڵاتی مافیایان هه‌ڵ نەمژی. چۆن دەكری بڕٍوا بەوە بكرێت، که (لڤین و ئاوینە و هاووڵاتی) پەڵەی خوینی جەستەی لاوی سۆران بكەن بە مەدالیا و لە سنگی جەلالییه‌کانی وه‌ک (عیماد ئەحمەد) بده‌ن؟ ئایا ئەو خەڵاتە شایانی(مامۆستاجمال نەبەز. پەشیو. كوردستانپۆست)نەبوو؟ ئەمە سۆكایەتیی بوو بە ڕۆحی سۆران. پەنجە خۆیناوییەكانی دەسەڵات بەكاڵی بەمیدیای ئۆپۆزسیونەوە دیارە, چۆن تا ئیستا هەردوو خیزانی مافیا لە ناخەوە دژی یەكن، ئاواش لەناوخۆیاندا میدیاكانیان دابەشكردەوە. که‌س ناتوانێت مه‌رامه‌کانیان بناسێته‌وه، لەسەردەمی شەڕی نێوان مەلایی و جەلالیدا لەتەك برای به‌ڕێزم دكتۆر كمال میراودەلیدا بووم، ئه‌و کاته (هاوار و هەتاو)مان ده‌رده‌کرد. دژی ئەو شەرە بووین. رۆژیك جەلالییەك لە له‌ندن پێی وتم مام جەلال رایسپاردووم پیتان بڵێم چەند یارمەتیتان گەرەكە ئامادەم ولەسەر هەمان ریتم رەخنە بگرن. منیش به‌و جەلالییەم ووتم: من بڕوام وایە ئەوەی تاوانێك بكات هەردوو دەستی تاوانبارە، نەك ته‌نها یەك دەستیی .تاوانی جەلالی لە مەلایی كاڵتر نییە. ئەو كەسێكی دیموكراتیخۆاز نییە، تا كۆمەك بە ئۆپۆزسیوین بەبێ بەرامبەر بكات، نا ئێمـه پێویستمان بە یارمەتی نییە. دەكرێ ئیستا (ئاوێنە و هاووڵاتی و لڤین) بەشێك نەبن لە كوردستانی نۆی؟
كاك شوان ده‌نووسێ، که جەلال لە كۆریكدا بە نووسەرانی ووتبوو: به هێندەی ژمارەی ئێوە من یارمەتی شێركۆ بیكەسم داوە. ئای كە شەرمە خەجاڵەتییە نووسەر بۆ مافیایەكی وەك جەلال بچەمێتەوە.
ئەگەر ئەركی دابینكردنی ئایندەیەكی جوان بۆ كۆمەڵگا، ئەركی نووسەران بێت! ئەوە نووسەرانی ئیستای باشووری كوردستان، نەك ئایندەیەكی جوان دابین ناكەن بەڵكو ئەوان بەشێكن لەدەسەڵاتی مافیا، بۆیه ئەركی نووسەرانی ئۆپۆزیسونی دەرەوەی دەسەڵات گران و پیرۆزە، چونكە پێویسته ئیمە راستگۆبین لە تەك مۆراڵی خۆماندا، نەك شەیدای گیرفان و خزمه‌تکردنی خوودی خۆمان بین.
فرانكفۆرت 28-09-2010
