٣١ ی ئاب

Sunday, 01/09/2013, 12:00

2265 بینراوە

بۆ پارتی و بارزانی ٣١ ئاب

شانازیەو بوون بە ئەرباب

گەلیش لەسایەی بوونە سەرداب

ئادیدیا و فکر و ئاکار و ئاداب

کەچی ئێستا ئەڵێن ئێمەین پێشمەرگەی ئەرباب



٣١ ئابی ١٩٩٦ بۆ یەکێتی

مایەپووچی و نوچدان و شکستی

لێك هەڵوەشانو لێکترازان و کرمەڕێزی

ڕۆژ دوای ڕۆژ پوکانە و ملکەچی

کەچی ئێشتا ئەڵێن زیندوەو نەمردوە تاڵەبانی



٣١ ئابی ئەوساڵە بۆ گەل و کوردستان

نەهامەتی و ئابڵوقەو ترس و جەرگسوتان

لەتکردنی خاك و ووڵات بۆ سۆران و بادینان

هەراجکردنی ژێر خان و سەروەت وسامان

کەچی هێشتا ئەڵێن ئێمە واین لەپێش یابان



٣١ ی ئاب بۆ شاری سلێمانی

جگە لەخوێن ڕشتن و ماڵوێرانی

کرا بەگوندێ لەجیاتی هەڵمەت وقوربانی

١٧ شوبات و لقی چوار و گوللەی بیکەی سی

تەقەکەران و پیاوانی پاراستن و زانیاری

کەچی هێشتا ئەڵێن سلێمانی پایتەختی ڕۆشنبیری



٣١ ئاب بۆ سەر هەولێری قەڵاو منارە

شەهید کردنی پێشمەرگەو موعارەزە بە زەبری پارە

پەرلەمانیان کردە گەراجی دەبابەو زریپۆش و سەیارە

بەعسی و پارتی و گاردی کۆماری هەموان عەیار بیستو چوارە

کەچی هێشتا ئەلێن دیموکراسی و ئاوەدانی سیمبولی شارە



٣١ ئابی ساڵی ١٩٩٦ بۆ مێژوو

خیانەت و سەرشۆڕی لەیاد نەچوو

گەل لێیان خۆش نابێ و دادگایی زوو

سەرانی و پارتی و بارزانی و جامەنای سوو١

ئەبنە پەندی زەمانە بۆ نەوەی نزیك و دوو ٢

کەچی ئێشتا ئەڵێن سەرۆکی کوردستانین بێ یەک و دوو



تێبینی)١ و ٢) تەنها بۆ لێكچوون و نیزیك بوونەوە