رێگا له ئیعدامكردنی زانیار و لوقمان مورادی بگرن
Monday, 07/01/2013, 12:00
به پێی هه‌واڵه‌كان دادگای رژێمی دڕنده‌و دژی مرۆڤی كۆماری ئیسلامی ئێران له ئوستانی كوردستان سه‌ردانی زیندانی گه‌وهه‌ر ده‌شتی شاری كه‌رجی كردووه تا بڕیاری ئیعدامی داسه‌پاو به‌سه‌ر هه‌ردوو زیندانی كورد زانیار و لوقمان ئیقباڵ مورادی جێبه‌جێبكرێت ,ئه‌گه‌ری زۆره له رۆژانی نزیكی داهاتوو دا ئه‌م حوكمانه جێ به‌جێ بكرێن و هه‌ردوو زیندانی كورد ئیعدام بكرێت .
به وته‌ی باوکی زانیار مورادی ، ئیمام جومعه‌ی مه‌ریوان له ڕۆژی هه‌ینیه‌وه بۆ ئاماده‌بوون له جێبه‌جێکردنی ئه‌و سزا دژه مرۆڤانه‌یه چووه‌ته تاران كه زانیار و لوقمان موردای تۆمه‌تبارن به کووشتنی کوره‌كه‌ی , ناوبراوان له دادگاییه‌کی (10) خووله‌کیدا سزای له‌سێداره‌دانیان به‌سه‌ردا سه‌پێنرا.
ئیقباڵ مورادی باوکی زانیار مورادی وتی:" ئیمام جومعه‌ی مه‌ریوان پیشتر له نوێژی هه‌ینیدا رایگه‌یاندبوو که زانیار و لوقمان بکوژی کوره‌که‌ی ئه‌و نین. "
شایانی باسه زانیار و لوقمان مرادی له ڕێکه‌وتی 17 ی ئۆکتۆبری ساڵی 2009 له مه‌ریوان قۆڵبه‌ست کران و پاش نۆ مانگ له ئه‌شکه‌نجه‌دانیان له 22ی دێسه‌مبه‌ری ه‌وه 2010 به تۆمه‌تی 'موحارب' ((واته دژیاتیکردنی خودا)) سزای له‌سێداره‌دانیان به‌سه‌ردا سه‌پێندرا.
له چه‌ند هه‌فته‌ی ڕابردوودا داوای پێداچوونه‌وه‌ی سزای له‌سێداره‌دانی زانیار و لوقمان مورادی له‌لایه‌ن دادگای پێداچوونه‌وه‌وه ڕه‌تکرایه‌وه و حوکمه‌که‌یان بۆ جێبه‌جێكردنی بڕیار به‌ڕێکرا .
جگه له‌م دوو زیندانییه , له ئێسادا 21 چالاكی سیاسی مه‌ده‌نی كوردی دیكه له زیندانه‌كانی كۆماری ئیسلامی ئێران چاوه‌ڕوانی جێبه‌جێكردنی بڕیاری له سێداره‌دان ده‌كه‌ن كه بریین له‌مانه‌ی خواره‌وه
: حه‌بیبوڵا له‌تیفی ، شێرکۆ مه‌عاریفی ، روسته‌م ئارکیا، ، فه‌رهاد چالش، ڕه‌مه‌زان ئه‌حمه‌د، ئه‌نوه‌ر رۆسته‌می، شاکر باقی، سه‌ید سامی حوسه‌ین و سه‌ید جه‌مال مه‌حه‌مه‌دی، موسته‌فا سه‌لیمی، ره‌شیدا ئاخ که‌ندی ، حه‌بیبوڵا گوڵپه‌ری پوور، سمکۆ خورشیدی ، سیراوان نه‌ژاوی ، ئیبراهیم عیسا پوور ، رزگار ئه‌فشاری ،عه‌لی ئه‌فشاری ، هۆشه‌نگ ره‌زایی ، ره‌زا اسماعیلی ، به‌هروز ئاڵخانی ، به‌خیتار میعماری.
لێره‌وه بانگه‌وازی سه‌رجه‌م رێكخراوه‌كانی مافی مرۆڤ و پارت و لایه‌نه سیاسییه‌كان و كه‌سانی مرۆڤ دۆست ده‌كه‌ین به‌ر به جێبه‌جێكردنی ئه‌م بڕیاره دڕندانه‌یه بگرن و ناڕه‌زایه‌تی ئه‌نجام بده‌ن .
داكۆكی له كاكه زانیار و لوقمان و زیندانیانی سیاسی و مه‌ده‌نی كورد له رۆژهه‌ڵاتی كوردستان ئه‌ركی هه‌مووانه .
Kurdistan Without Genocide
رێكخراوی كوردستان بێ جینۆساید
7-1-2013
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
