کۆ ژان

Friday, 18/07/2014, 12:00

1690 بینراوە

دەمێك ساڵە ئەم دڵەی من

حەساری زامێکی قوڵی

پڕ ئازارە

گەلێك وەختە چاوەکانم

کەنداوی قەتیس ماوی

فرمێسکێکی پڕ هاوارە

سەردەمانێکە دەستەکانم

لەرزۆک و گرتەی گۆچانی

ڕێگایەکی سەخت و دوورە

گویکانم دەنگەکان تێکەڵدەکەن

هەم دەنگی مرۆڤن

هەم ڕەشەبا هەم لوورە

دەروونمە ئەسوتێ لاشەمە

وەک کورەی ئاگرە

نەما خەندە لەسەر لێوم

لەگەڵ کۆچت هەمووی تۆرا

کاتێ ڕۆیشتی بەجێت هێشتم

لەزەتی دونیا هەمووی لەلام گۆڕا

ئەگەر یادگاری نەبا ئازیزەکەم

ئەمیش ماوەیەکە کە لێم زویرە

دەمێ بوو خامۆش بوو بوو

لەشم لەبن گۆڕا

سەد ئەوەندی تر بناڵم قاییللم

مەرهەم و دەوایە خەیاڵت

هەم بۆ دیی یە و هەم بۆ لەشم

دەسا دەستم بەدامانت

تێکمەدە ، وونمەکە لێم

بۆ هەناسەیەکیش

شێوە و ڕووخسارت

کەمن بەو خەونەوە بژیم

لەوە زیاتر مەمکوژە نەبا

دولبەر لەو دونیا

دۆزەخ بێ جێو مەکانت