وەزارەتى ئەوقافى هەرێم سڵاو

Saturday, 24/07/2010, 12:00

دەمێكە بەنیازم ئەم نامەیەتان بۆ بنێرم بەو هیوایەى ئەم زانا ئاینیەتان بیربكەوێتەوە. كەتەواوى ژیانى خۆى لەپێناو ئاین و پەروەردەكردنى ڕۆڵەكانى كورد سەرف كردووە كەئەویش(عومەر سلێمان)ە ناسراوە بە(مەلا عومەرى خدران) مامۆستاى پایەبەرز ئێستا بەهۆى نەخۆشیەوە لەسەر جێگا كەوتووە، و لەبابەتێكى پێشوتردا بەكورتى ئاماژەمان بەژیانى مامۆستاى خۆشەویست كردبوو چەند لایەنێك مامۆستایان بەسەركردەوە بەڵام بەداخەوە ئەوەى ئێمە چاوەڕێمان دەكرد وادەرنەچوو لەكاتێكدا نامەكەمان ئاراستەى هەریەكە لەوەزارەتى ئەوقاف و یەكێتى زانایان و لیژنەى ئەوقافى پەرلەمان و سەرجەم لایەنە ئیسلامیەكانى كوردستان كردبوو، بەڵام مخابن زۆر لایەن لۆكەی میسریان خستە گوێچكەكانیان بەڵام بۆ ئەوەى چیتر ئیعراجیان نەكەین نامەى ئەمجارە تەنیا بۆ وەزارەتى ئەوقافە ئەویش كرۆكى مەبەست ئەوەیە مامۆستا چەندین ساڵ لەبوارى خۆیدا خزمەتى كردووە، بەشێوەیەك كەپسپۆڕیى و لێهاتوویەكى زۆرى هەبووە بەڵام ئێستا لەلایەن پارتى دیموكراتى كوردستانەوە موچەیەكى ڕێزلێنانى هەیە ئەویش بڕەكەى ئەوەندە كەمە من شەرم دەكەم باسى بكەم، لێرەدا دەپرسم وەزارەتى ئەوقاف بۆچى ئەم مامۆستا بەڕێزە موچەى نیە ئایا ئێوە بەچ پێوەرێك موچە دەدەن بەزانایانى لێهاتوو بەتوانا تكایە چاوەڕوانى وەڵامێكى ئەرێنیم.
ئەوەش بابەتى پێشووترە هەرسەبارەت بەم مامۆستا بەڕێزە






شاعیرێكى پایەبەرز دەڵێت(نۆبڵ وەرگر كەڵە پیاوان،زانا و دانا و پیتوڵەكان كاربەدەستە بەڕێزەكان هەمووان قەرزارى مامۆستان) پیشەى مامۆستایەتى زۆر زۆر پیرۆزە چونكە لەسەر ئەم زەمینە هیچ كەسێك نیە بەقەدەر مامۆستا بەویژدان بێت چونكە ئەو زانستەی پێیەتى هیوایەتى بیبەخشێت بەفێرخوازانى بەڵام شۆك دەمگرێت كاتێك مامۆستایەكى ماندوو نەناس مامۆستایەك ڕیشى ڕەشى سپى كرد لەگەڵ ئەو كەسانەى بەدوایى زانست و زانیاریدا وێڵن(عومەر سلێمان واتەیى)ناسراوە بە مەلا عومەرى خدران مامۆستاى پایە بەرز ئێستا تەمەنى پیرۆزى لەشەست ساڵى تێپەڕى كردووە و نەخۆشى خستوویەتە سەر جێگە مامۆستا گەنجایەتى خۆى و خۆشترین ساتەكانى ژیانى لەحوجرەكەیدا لەگەڵ فەقێ و مەلاكاندا تێپەڕكردووە بەڵام ئیمڕۆ كەنەخۆشى خستویەتە ناوجێگە هیچ كەس و لایەنێك بۆ چەند چركەیەكیش بێت ناچن خزمەتى مامۆستا ئەو مامۆستایەى بەبڕواى من لەدوایى كۆچى دوایى مامۆستا مەلا عبدالكریمى مودەڕیس ئەومان بۆ ماوە لەژیاندا زۆریش جێگەى خۆشحاڵیە مامۆستاى پایە بەرز تالەژیاندا ماوە خزمەتى بكەین و بەسەردانیكردن و یاخود لەبارى مادى و مەعنەویدا هاوكارى مامۆستایى پایە بەرز بكەین،
بەڕێزان:
وەكو لەناوەڕۆكى بابەتەكەمدا ئاماژەم پێكردووە بۆ وەزارەتى ئەوقاف و لایەنە ئیسلامیەكان مەبەستم لێرەدا ئەوەیە كەئەمان پەیوەندارن بەهاوكاریكردنى ئەم مامۆستا بەڕێزە یەكێتى زانایانى ئاینیشمان بیرنەچێت ئەوانیش پێویستە بەئەركى سەر شانى خۆیان هەستن لەگەڵ وەزارەتى ئەوقاف و لایەنە ئیسلامیەكان بەپەلە بەهاناى مامۆستاى پایەبەرزەوە بچن چونكە ئەوەندەى من شارەزاى مامۆستاى پایە بەرز و بەڕێزبم تائێستا هەزاران بڕوانامەى لەبوارى زانستى شەرعى و قورئان و فەرموودە بەخشیوە بۆیە هاوكاریكردنى ئەركێكى زۆر پیرۆزە بەڵام دواتر هیچ هاوكاریەك و بەسەركردنەوەیەكى كەس و مامۆستا قبوڵ ناكەین كاتێك مامۆستا ماڵئاوایى لەدونیا بكات و بەجێمان بهێڵێت چونكە ئەوكاتە مامۆستا پشوودەدات كە تالەژیاندا ماوە بەسەربكرێتەوە لەبارى مادیى و مەعنەویدا هاوكاریبكرێت چاوەڕوانى هەوڵ و هیمەتى هەموو لایەكتانمان،
ئەو كەس و لایەنانەى پێویستە ئەم هاوكارى ئەم مامۆستا پایە بەرزە بكەن،
1)وەزارەتى ئەوقافى هەرێم،
2)یەكێتى زانایانى ئاینى.
3)كۆمەڵى ئیسلامى كوردستان.
4)یەكگرتووى ئیسلامى كوردستان.
5)بزوتنەوەى ئیسلامى كوردستان.
6)لیژنەى ئەوقاف و كاروبارى ئاینى لەپەرلەمانى كوردستان.
*هەروەها مامۆستایانى ئاینى بەڕێزیش پێویستە بەئەركى سەرشانى خۆیان هەڵبستن هاوكارى ئەم مامۆستا بەڕێزەیان بكەن چونكە لەدەستچوونى ئەم مامۆستا بەڕێزە كارەساتێكى گەورەیە بۆ ناوچەكەمان پێشتر مامۆستا مەلا سەلام حەیدەرى و دواتر مامۆستا باقى هەرتەلى ماڵئاواییان لەدنیا كرد ئێستاش ئەم مامۆستا بەڕێزە بارى تەندروستى ناجێگیرە و پێویستە ئێوە هاوكارى بكەن،
[email protected]