کورد و سەرکردەی ئێکسپایەر

Thursday, 05/03/2009, 12:00

1264 بینراوە

کورد دائیم ھۆی شکستی و نەبوونی دەوڵەت و پارچەپارچەبوونی خاک و ھەموو نەھامەتییەکی تری خستۆتە پاڵ وڵات و خەڵکی بێگانە . تا چەند ساڵێ لەمەوبەریش ھەر ھەمان قەوان لێ ئەدرا و ھەموو ھۆکانی نەگەرانەوەی کەرکوک و ناوچە دابڕاوەکانی تر ئەخرایە پاڵ حکومەتی ناوەندی. ئەوە چەند ساڵێکە بە تایبەتی دوای رووخانی رژێمی سەدام خەڵکێ ھەیە سەرانی کورد بە ھۆی نەھامەتی ئەمڕۆی کورد دائەنێ. ئێستا ئەزانێ نەگەڕانەوەی کەرکوک خەتاکەی پارتی و یەکێتیە ، لەبەر بەرژەوەندی حزبی خۆیان و گیرفان پڕکردن ئاگایان لە کەرکوک نیە و ئاوڕێک لە ئاوارەکانی کەرکوک نایەنەوە . سەری (کردە) وەکان سەرکردەکانن. جێگای دڵخۆشیە ھەنگاوێک ھاتوینەتە پێشەوە و لە سەرانی کورد گەیشتوین.

با قسەیەک بۆ خوا بکەین . ئایا ھۆی نەھامەتی ئەمرۆی کورد تەنیا سەرانی کوردە . ئایا خەڵکی کورد ھیچ لۆمەیەکی بەر ناکەوێ . ئایا کورد لە خۆی گەیشتوە و ئەزانی چی ئەوێت .ئەگەر کورد ئەیەوێ سەربەخۆ بێ بۆ دەنگ بۆ پارتی و یەکێتی ئەیا کە ملکەچیان ئەکا . بۆ دەنگ ناکا پارتی و یەکێتی بە داریا ئەیەن بە بەردیا ئەیەن بێ ئاوی ئەکەن بێ کارەبای ئەکەن کەچی ھیچ ناکا . جار جار چەند سەد کەسێ خۆپیشاندانێ ئەکا و چەند داخوازییەک ئەنێرن و ھیچی تر . باقی خەڵکەکە رازی و مورتاحن . ئەم میلەتە ئاوی لێ ببرە و کارەبای لێ ببرە و بە تورکیا و ئێرانی بفرۆشە ھەر رازیە . ئەم میللەتەی ئێمە ھەقە لە پێشا لۆمەی خۆی بکا ئینجا جارێکی کەش ھی خۆی ئینجا لۆمەی یەکێتی (تەفرەقە) و پارتی(عەشیرەت) بکا . ئەم میلەتی کوردە سەرۆک پەرستە و لەوە ئەچێ فێر بوبێ یەکێ یا رێکخراوێ بیبا بەرێوە . قسەی خۆمان بێ ئەگەر تاڵانی (تاڵەبانی) و بازاڕی (بارزانی) ش بڕوا کورد گەرمیانیێ یا کوێستانیێ یا ھەر نەبو تورکمانێ ئەکا بە سەرۆک بۆ ئەوەی بەڕێوەی بەرێ . بە کوردیەکەی لەوە ئەچێ کورد سەرکردەی ئاوای بوێ . ئەم شیعرە ئەکەم بە دیاری بۆتان.