سه‌رۆک
Friday, 18/01/2013, 12:00
خه‌لکی ده‌توانن پیم بڵێن
ووشه‌ی سه‌رۆک مانای چی یه؟
سه‌رکرده‌ی پێنج ملێۆن نه‌فه‌ر
کارو وه‌زیفه‌که‌ی چی یه؟
خه‌ڵکی ئێمه پێویستیمان
به ڕێبه‌ر و سه‌رۆک نییه
بۆ په‌ڕینه‌وه‌ش له ده‌ریای
ئه‌م سه‌رنگونی و به‌ندییه
بڕۆن گه‌نجینه‌ی نیشتیمان
سه‌ره‌ونخون بکه‌نه‌وه
زاری مناڵی هه‌ژار و
که‌م ده‌رامه‌ت پڕکه‌نه‌وه
سه‌رێک که سکی برسی بێت
چۆن ده‌توانێ بیرکاته‌وه
چی پێویستی به سه‌رۆکه
شه‌و به ژان ڕۆژ بکاته‌وه
سه‌رێک عه‌هدی مناڵی خۆی
تا چاوی کراوه‌ته‌وه
نه‌هامه‌تی و چه‌وساندنه‌وه
له به‌شی بڕاوه‌ته‌وه
دادوه‌ری چی؟ کێ دادوه‌ره؟
که ڕووی قه‌زا بوو به گاڵۆک
هه‌موی به فه‌رمانی گه‌وره و
معالی جه‌نابی سه‌رۆک
نیشتیمانێکی زه‌لیله
بۆچیه‌تی پاشا و سه‌رۆک
زاناترین که‌سمان بووه
به گێله‌پیاو و حه‌مه‌دۆک
داد له به‌رپرس
داد له پاشا
داد
له ده‌ست و له دائیره‌ی
فه‌خامه‌ت و ئالی سه‌رۆک
به‌کرحه‌بیب
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
