یەكێتى لە دژوارترین دوریاندا ...!

Monday, 24/10/2011, 12:00

ئەوە باس دەكریت ئایا تاك و لایەنەكان بۆ خویان میژوو و داهاتووى خویان دادەنێن یان كومەلێك روداو و فاكتەر زال دەبیت و چەند مەبەستی كتوپڕى دور لە ئیرادەیان دەستنیشانى ئەو داهاتوە دەكات و دەیسەپینیت و زورجار چارەنوس لە دەست خویان دەردەچیت و رێڕەوى كارەكان دەگۆڕیت.
حیزب و لایەنە سیاسیەكان ئەركى میژووى و نیشتمانى گەورەیان دەكەویتە سەر شان و بەرامبەر بە گەل و تاكەكانى كومەڵ بەرپرسیار دەبن . لە وولاتیكى دیكتاتورى و داگیركراودا ئەرك و خەباتیان یەجگار قورس و گرانە ، دەبێت هەنگاوەكانیان زور بە ووریایی و ئاگاداریەوە بنین و لە باریكى سەختدا كار بكەن . تەنها خەلكانى تیكۆشەرى زور لەخۆبوردو بەرگەى ئەو كارە دەگرن . رەنگە هیندیك جار لە ژیر فشاریشدا توشی شكست و لە یەكداترازان و نوچدانیش ببنەوە ، بەلام لە فرسەتی گونجاودا هەلدەستنەوە .
لە بارودوخى دیموكراسی و هەوڵدان بۆ گەیشتن بە دەسەلات ولە كاتی بەدەستهینانیدا ئەرك و ئامانج و پیداویستی و داوا و دروشمەكان دەگۆڕێن . گەر لە كاتى خەباتی نهینی و روبەروبونەوە دا دروشم و كومەلیك چالاكى بڕیاردەرى راستگویی و دروستی بیر وكار و كردەوەى ئەو حیزبە بوبێت ، وا لێرەدا مەبەستەكان بە بنەرەتى لەوە جیاوازن ، لە بەر ئەوەى كردارى پاش گەیشتن بە دەسەلات سەنگى مەحەكى هەموو گوتە و دروشم و بانگەوازەكانیانە . جەماوەر و لایەنگر و ئەندام و كادیرانی بەرەبەرە ماهیەتى بیر و هەلسوو كەوت و كردارى سەركردەكانیان بۆ دەردەكەویت و هەموو مەبەستە شاردراوەكانى زەمانى نهینیان لا ئاشكرا دەبیت و ناوەروكى لایەنەكە دەكەویتەروو .
یەكیتى نیشتمانى كوردستان لە ماوەى نزدیكەى دوو دەیەى دەسەلاتیدا گەرچ تا چەند سالى رابردوو بە ژمارە لە گەشەكردندا بوو ، بە روكەش بیرى سوشیال دیموكراتى كردبوە ریباز ، سەدان كادیرى زور شارەزاو بەتوانا و ئەزمون و دلسوز و روشنبیرى هەبوو ، زورینەى جەماوەر متمانە و ئومیدى پێ هەبوو ، بەڵام لە راستیدا نەیتوانى بە فیعلی ببیتە هەڵگرى بیرى سوشیال دیموكرات و پرنسبەكانى بەرجەستە بكات بەو هۆیەى لە ناوەرۆكدا ریزەكانى و یان زیاتر وورد تر بین زۆر لە سەركردەكانى لە ململانى سەختى نامبدئی و خەریكى دامەزراندن و دروستكردنى تاقمى جۆراوجوربوون بۆ خۆبەهیزكردن و سەپاندن و چەسپاندنى دەسەلات و پاراستنى بەرژەوەندى خۆ و دەوروبەەكانیان و شكاندنى لایەنی نەیاریان بوون و تا ئیستاش بە هەرچ ئامراز و شیواز و نرخێك بێت ، تەنانەت بە ناوزراندن و تیكشكانى حیزبەكەشیان بوبێت بە دەر لە پرنسبەكانى حیزبایەتى و هاوەل و دوستایەتى و پیشبركى شریفانەى دروست وپاراستنی بەرژەوەندى حیزبەكە و جەماوەر و پیداویستی و داواكانى گەل و راگرتنى یەكریزى خویان(1) ، ئەوەش بەو هویەى كە زورینەیان نە لە سوشیال دیموكرات گەیشتوون و نە بڕوایان پێیەتى و نە هەوڵیان داوە كادیر و ئەندام و لایەنگران لەوە بگەن و هەموو تاقمە نەیارەكان سەردەمانیك كوك بوون لە سەر لیدان و سەركوتكردن و پەراویز خستنی هەموو ئەو كادیر و كاربەدەستانەى دەستەمووى خۆیان نین و بە ویستی ئەوان هەلسو كەوت ناكەن ولە فەلەكى ئەواندا ناسورینەوە ، زۆربەشیان توشى غرور ولە خۆبایبوون (داو العڤمه) بووبون بەشیوەیەك بە هیچ تێر نەدەبوون (ئەوانەى كە تا ئیستاش لە ناو یەكیتى ماون یان لە گۆڕانن یاخود بە ناوى ترەوە كار دەكەن بە بێ جیاوازى) . زۆریشمان لە سەر ئەو مەبەستانە نوسیوە و هوشدارمان داوە بەلام بە داخەوە لە بەرى پشتگیرى و دەستخوشى وبە پیرى هاتن و چارەسەرى گونجاو ، دورخستنەوە و گومانلێكردن و هەولى ئازۆلەكردن و دوزینەوەى كیشە و گرفت و ناو ناتۆرە بۆ ئەو كادیرانە و ریگاگرتن لەوان بۆ بەشدارى لە كۆنگرەكان و هەموو كاریكی تریش ولامى هەوڵەكانى ئەوان بوە (2) . كادیرەكانى بیر و ئەوانەى نەچونەتە ژیر بارى گروپكەرى و نەبوون بە پیاوى خەلك هەموو پەراویز خراون (ئەمە هەلوێستی سەران و كارەكتەرەكانى هەموو لایەنەكانى ململانى دەگریتەوە كە لە ناو یەكیتى مابیتنەوە یان نە) . چەندین جار بە تاك و كومەل كادیرە هەرە دلسوزەكان هەولیان داوە سەركردایەتى و ناوەندەكانى بڕیار لەو بارە ئالۆزە بگەیەنن و مەترسیەكان و دژوارى قوناغەكەیان بۆ روون بكەنەوە و چارەسەریش پیشنیار بكەن ، بەلام ئەو كارەكتەرانە نە بیستوویانە و نە خویان لەوە گەیاندوە وەك ئەوەى هیچ نەبوبێت بەردەوام بوونە لە هەلویست و كردەوە و كارە نەگونجاوەكانیان . یەكیتى چەند جار جیابوونەوەى تیدا روداوە ، ململانى تەقیەوەتەوە كە گرنگترین و پر مەترسیدارترینیان جیابونەوەى كاك نەوشیروان و چەندین كارەكتەر و فیگورى تر و دەیان كادیرى پیشكەوتوو بوو . هەرچەند ئەوە لە زۆربەدا لە سەر دەسەلات و بەرژەوەندى تاقم و ململانى كەسایەتى بوو (لەبەر ئەوەى زور لەوانەى جیا بوونەتەوە گەر باس لە گەندەڵى و زۆر شتی تر بكریت رەنگە ئەوان پشكى زیاتریان بەركەویت و بەوان گۆڕانكارى ئەنجام نادریت (3)) . ناوچەكە هاتە شەڵەقاندن و باى هەستانەوە و رەدكردنەوەى دیكتاتوریەت و قورغكردنى دەسەلات هەڵیكرد و لە چەند وولات گۆرانكارى بنەرەتى رویداو بەردەوامە . لە كوردستانیش نارەزایى گەیشتە رادەى رویشتنە سەرشەقام و و تەقینەوە و توندوتیژیش ، بە روكەش نەبێت بە خودا نەرویشتنەوە و خەبەریان نەبوەوە و دەلێیت نە بایان بینیوە و نە باران . ترسانى خەلك لە تیكچونى بارەكە و لە ناوچونى ئەو وەزعەى دواى روخانى رژیم هاتوەتە كایەوە بە پشتگیرى خۆیان و دوبارە بروادانەوە بەوان لە قەلەم دەدەن ، ئەوە نازانن كە ئیستا مەترسیەكان زیاترن و كادیر و ئەندامانیش لە هەمووكات نارازیترن و زوریان ئەوان و كردەوەكانیانیان قەبول نیە ، ئەوەش دوا فرێەت بوە بە یەكیتى دراوە بو بەخوداچونەوە لە بەر رابردووى و بروا نەبوون و متمانە نەكردن بەوانى تریش و بەزەیی زورى خەلك بە رابردوى كەسایەتی هیندیك لە سەركردەكانى واى كردوە نەهیلدریت بارەكە ئالوزتر بیت ، بەلام مەترسیەكان ئیستا زیاترن ، ئەو چارەسەر وباسی ریفورمانە هەر روكەش و زور سەتحین و هیچى بنەرەتى نین ... ئوپوزسیونیش خەریكى بچراندنى دەستكەوتی سیاسی خویەتى بە سودوەرگرتن لە بارودوخەكە و سازش و مامەلە كردن لەسەریان لە گەل لایەنەكانى دەسەلاتدا .
یەكیتی نە بە ریشەیی بە خودا رویشتوەتەوە و نە بارى ناوخوى چاك كردوە و نە ریفورمى جیدى ئەنجام داوە و نە بە راستى روى كردوەتە بیر و بەرنامە و كار و هەلسووكەوت و كردارى سوشیال دیموكراتانە و نە بە گژ گەندەلى و هەلپەرستیدا چوتەوە و نە مەبەستى گروپ و تاقمگەرى چارەسەركردوە و نە كادیرە باشەكانى هیناوەتە پیشەوە نە رولى پێ بەخشیون و نە قیادەكەى ئیستاشى لە زوربەدا موئەهەلن بۆ ئەوە . گەر مەبەستەكان هەر وا برَون و سكرتیرى گشتى یەكیتى بۆ خوى راستەوخۆ نەیەتە سەر خەت و دەستنەكەن بە هەنگاونان بۆ نویبونەوەى حیزبەكە لە بنچینەوە و روكردنە كار و كردارى راستەقینەى سوشیال دبموكراتانە بە بیر و بەرنامە و هەلویست و بەركنار بوونى زوربەى قیادەى كون ( كە من بۆ خوم بە دورى دەزانم و گەشبین نیم بكریت هەرچەند ئارەزومە) ، وا حالەتى دووەم روودەدات ئەوەش لەیەكترازانى یەكیتی بە ماناى بونى بە چەند پارچە و رەوت و لایەن بە دوركەوتنەوەى شەخێى مام جەلال لە ساحەكە بە هەرچ هویەك بوبێت یان رەنگە ئەوە لە ژیانى خویشیدا رووبدات . لەملاشەوە ئەوانەى لە دەرەوەى یەكیتى كە چاوەروانى شوێنگرتنەوەى مام جەلالن لە كاتى چولبوونى شوینیدا وا رەنگە یاریكردنیكی نەگونجاو بێت بۆ خویان و زیان بێت بۆ ئەو بزوتنەوەى نوینەرایەتى دەكەن ، لە بەر ئەوەى یەكێك یان لایەنیك گرەو لە سەر تەمەن و ئەگەر بكات لە سیاسەتدا هەڵەى گەورە یە و زۆر جار ئەنجامەكان بە ویستی ئەو نابێت . ئەوانەش كە پیشبینی پیشترى ئەم مەبەستە و بائەگەشەى چاككردنی بارى یەكیتی ئیمەمانانیان بە خەیال و نوقلانە و یوتوپا زانیوە لە ماوەیەكی نزیكدا دروستی ئەوەیان بو دەسەلمیت گەر زۆر بە پەلە كادیرە دلسوزەكان روبەرووى ئەو مەبەستە نەبنەوە فشار نەكەن بۆ گوڕبنى ....میژویش شایەدى ئەو راستیەیە ...
پەراویزەكان
1- بروانە دلشاد تالەبانى ، كوردستانی نوى(زنجیرەى سوشیال دیموكرات لە 6/4 ناوراستى تموز 2007، ریفورمخوازى لە نیوان واقیع و خەیالدا ژ 4452 ، حیزب و دەسەلات (پاشكوى كونگرە 41) ، گورانى بنەرەتى یان ریفورم لە سیستەمی سیاسیدا (ئاسو 1013
2- دلشاد تالەبانى ، ك ن (نویكردنەوە لە ناوەوە ، یان هەولى پەرتەوازە كردن لە دەرەوە؟4953 ، ئایا كونگرە هەموو دەرد و برینەكان تیمار دەكات پاشكوى كونگرە 42 ؟ كى بروات بو كونگرە پاشكوى كونگرە 45
3- دلشاد تالەبانی ، ك ن (گرنگى بونی ى ن ك بە ئەندامی سوشیالیست ئینترناسیونال 4620 ، ئایا یەكیتى تواناى نویبونەوەى تیدا ماوە 4935) . لە هاولاتی : تاقمگەرى خەریكە دواگورزى دەهاویتە جەستەى یەكیتى ...لە 31/5/2010 ، ئەنجامەكانى كونگرەى ى ن ك لە ئاستی پیداویستیەكان نەبوو لە دوایەكانى مانگى 6/2010) و دەیان نوسینی تر لە روژنامە و گوڤارەكان و فیس بوك و كوردستان پوست و نامەى تایبەت بو مام جەلال و ئەندامانی م س ى یەكیتى و دەیان بەرپرس و كادیرى تر ...