ده‌نگی کچێک له گه‌رمیانه‌وه....
Wednesday, 16/04/2014, 12:00
1157 بینراوە
من کچێکی گه‌رمیانم
خزمینه من بریندارم
خێروخۆشیم نه‌دیوه
له ژیانا زۆر بێزارم
....................
له‌وه‌ته‌ی به بیرم دێ
ناوێکیان بۆ داناوم
کچێکی بێ دایک و باب
له ئه‌نفال به جێماوم
...................
له دووری دایک و باوکم
که‌س نه‌بوو نازم بگری
پێیان ده‌گوتم چه‌تیم
ئه‌تۆ بۆ هێنده ده‌گری
...................
له دووری دایک و باوکم
که‌لاوه بوو مه‌نزلم
له جیاتی یاریه‌کانم
خۆله‌پۆک بوو هه‌ڤالم
...................
له دووری دایک و باوکم
له خوێندنا بێ به‌ش کرام
به‌بێ سۆزی دایکه‌که‌م
نازانم چۆن په‌روه‌رده کرام
.......................
له‌وه‌ته‌ی له داک دابڕام
له سۆزی ئه‌و به‌دوورم
که گه‌وره بووم جا زانیم
من چه‌ند له ژیان مه‌غدوورم
............................
من کچێکی گه‌رمیانم
دوو جارئه‌نفال کراوم
جارێک به‌ده‌ستی دوژمن
جارێک به کورد کوژراوم
......................
خانوه قوڕه‌که‌ی باوانم
که لێ ی له‌دایک بویمه
ئێستاش هه‌روه‌ک و جاران
ئه‌و کۆشک و ته‌لارمه
......................
ده‌لێن وولات ڕزگار بوو
جا توخواکه‌ن به‌من چی
له جێ ی تۆله‌سه‌ندنه‌وه‌م
لێپرسراومه ئه‌نفال چی
..........................
خه‌مخۆرێکم ده‌وێتن
تۆله‌م بۆ بسێنته‌وه
بلێم ئۆخه‌ی نه‌مردم
باوانم وا هاتنه‌وه
.................
