ئایا کوردستان ئارامه‌بۆ سه‌رۆکی 31 ی ئاب؟
Saturday, 05/06/2010, 12:00
له‌ڕاستیدا ئه‌گه‌ر مه‌به‌ست له‌ئارامی ئه‌وه‌بێ که‌ئایا هه‌ر هاوڵاتی یه‌کی کوردستان به‌بێ چه‌ک له‌ڕۆژو شه‌و و نیوه‌شه‌ودا بتوانێ به‌ته‌واوی کوردستاندا بگه‌ڕێ و گه‌شتی خۆی بکا، وه‌به‌بێ ئه‌وه‌ی هیچ ترسێکی له‌خۆی هه‌بێ له‌به‌رگری کردن له‌دادگا کاتێ تووشی کێشه‌یه‌ک ده‌بێ، یان ڕاستتر بڵێین کاتێ تووشی کێشه‌یه‌کی ده‌که‌ن؟ وه‌یا زۆر هۆکاری تریش، ئه‌وا بێگوومان ئاماره‌کان وا نیشان ده‌ده‌ن که‌نه‌خێر کوردستان نائارامه‌بۆ کۆمه‌ڵگا به‌گشتی. وه‌به‌تایبه‌تیش له‌سه‌ر مه‌سه‌له‌ی به‌رگریکردن له‌خۆی له‌دادگا.
ئه‌و نائارامیه‌ی کوردستان بۆ که‌سێک له‌که‌سێکی تره‌وه‌جیاوازه. چونکه بۆ که‌سێکی ڕه‌خنه‌گری وه‌ک ڕۆژنامه‌نووس ، نووسه‌ر یا هه‌ر ڕه‌خنه‌گرێکی تر ترسناکتره له‌که‌سێکی که‌ڕه‌خنه‌ناگرێ وه‌یا ده‌ری نابڕێ. به‌ڵام له‌ڕاستیدا ئه‌م نائارامیه‌ی کوردستان بۆ چینی زۆر زیاتر به‌ژماره‌له‌نووسه‌ر و ڕۆژنامه‌نووسانیش هه‌ر نائارامه. چوونکه‌ئه‌وه‌تا پارتی و سه‌رۆکه‌کلک زه‌رده‌که‌ی پارتی به‌ئاشکرا ده‌یانه‌وێ به‌رگ و ناسنامه‌ی ڕۆژنامه‌نووسی له‌شه‌هید سه‌رده‌شت بستێننه‌وه‌و، ته‌نها به‌خوێندکار یا به‌قه‌ولی خۆیان به‌قوتابی ناوزه‌دی بکه‌ن. ئه‌گه‌ر قه‌رار بێ سه‌رده‌شت ته‌نها ڕۆژنامه‌نووس، نووسه‌ر وه‌یا قوتابی بوبێ؟ وه‌یا هه‌ر سێکیان له‌یه‌ک کاتدا هیچ له‌وه‌ناگۆڕێ که‌کوردستان وڵاتێکی نائارامه. به‌تایبه‌ت ئه‌گه‌ر قسه‌که‌ی پارتی ڕاست بێ که سه‌رده‌شت ته‌نها قوتابی بوبێ ئه‌وا به‌ڵگه‌ی ئه‌وه‌یه‌که‌کوردستان به‌تایبه‌تی پایته‌ختی بنه‌ماڵه‌زۆر نائارامه‌بۆ چینی قوتابیان که‌ڕێژه‌یه‌کی زۆر زیاترن له‌نووسه‌ر و ڕۆژنامه‌نووسان.
سه‌یر له‌وه‌دایه‌که‌بنه‌ماڵه‌ی کلک زه‌ردی 31ی ئاب وا هه‌ست ده‌که‌ن که‌سه‌رده‌شتی جوانه‌مه‌رگ ته‌نها به‌قوتابی ناوی بهێنرێ له‌گرنگی دۆسیه‌که‌ی که‌م ده‌کاته‌وه، به‌ڵام بۆ ئه‌وه‌ئێمه‌ده‌ڵێین له‌بێخه‌به‌ران که‌شک سه‌ڵاوات.
ئه‌وه‌ی که‌ناوه‌ڕۆکی بابه‌ته‌کی ئێمه‌یه‌لێره‌دا ئه‌وه‌یه‌که‌ئایا کوردستان بۆ به‌ناو سه‌رۆکی هه‌رێم ئارامه؟ له‌ڕاستیدا وه‌ڵامه‌که‌ی ئه‌گه‌رچی وه‌ک هه‌ویر ئاوی زۆر ده‌کێشێ، به‌ڵام هه‌وڵده‌ده‌ین زۆر به‌کورتی و به‌پوختی وه‌ڵامی ئه‌م پرسیاره‌بده‌ینه‌وه.
سه‌رۆکی خۆ داسه‌پێنه‌ری هه‌رێم هیچ مه‌ترسی یه‌کی نی یه‌وه‌ک ئه‌وه‌ی که‌له‌جێگایه‌کی کوردستان بڕفێنرێ، وه‌یا تیرۆر بکرێ، وه‌یا نه‌توانێ بچێته‌هه‌ر جێگایه‌ک که‌پێی خۆش بێ، به‌ڵام به‌پارێزگاری لێکردنی له‌لایه‌ن سه‌دان (ئه‌گه‌ر نه‌ڵێین هه‌زاران) پاسه‌وانی تایبه‌ت و ڕاهێنراو و جگه‌له‌سه‌ر سۆره‌بارزانیه‌هه‌موو شته‌کان. وه‌بارزانی ده‌توانێ بچێته‌په‌ڕله‌مان و ناو کابینه‌ی ڕوزه‌ردی بنه‌ماڵه‌کان و زانکۆکان و یا هه‌رجێگایه‌کی تر، هه‌ڵبه‌تا وه‌ک خۆدایه‌ک یان گه‌وره‌تریش. به‌ڵام له‌ڕاستیدا ناتوانێ به‌ئاشکرایی ڕۆژنامه‌نووسان و په‌یامنێران بچێته‌هه‌ر جێگایه‌ک و وه‌یان ئه‌گه‌ر ڕۆژنامه‌نووسان ئاماده‌شبن، ئه‌وا مافیان لێده‌سێنرێته‌وه‌له‌وه‌ی که‌بتوانن ئازادانه‌پرسیاری خۆیان بکه‌ن، وه‌ک ئه‌وه‌ی که‌له‌تازه‌ترین سه‌فه‌ریدا بۆ پاڕله‌مان ڕێگایان نه‌دا هیچ ڕۆژنامه‌نووسێک بچێته‌ناو هۆڵی په‌ڕله‌مانه‌وه. ئه‌و کاته‌ی که‌ڕۆژنامه‌نووس یا په‌یامنێرێکیش بۆی هه‌بێ بچێ ئه‌وا ته‌نها ماستاوچیه‌شه‌خسیه‌ت خۆفرۆشه‌کان ده‌توانن بچن، که‌ئه‌وانیش جگه‌له‌زووڕنا لێدان هیچ پرسیارێک له‌خودایه‌که‌یان ناکه‌ن که‌تۆزێک له‌ته‌ک پرسیاری ڕۆژنامه‌نووسه‌ئازاده‌کان یان میلله‌ت یه‌کبگرێته‌وه. باشه‌ئه‌گه‌ر مه‌سعودێک به‌و هه‌موو سه‌یارانه‌وه‌که‌پڕن له‌تیرۆریست و ئینسان کوژ، پڕن له‌ئینسانی ڕۆبۆتی، پڕن له‌وه‌ی که‌مرۆڤ کوشتن و سه‌گ کوشتنیان لا وه‌ک و یه‌که، پڕن له‌و سه‌ر سوورانه‌ی که‌خه‌ڵکی سۆران وه‌ک سه‌گیش چاو لێناکه‌ن، نائارام بێ بۆی ئه‌ی ده‌بێ بۆ خه‌ڵکی ڕه‌ش و رووت چۆن بێ؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
