رێبەری گەلی كورد: نزیكایەتییەكانی ئاكەپە لەبابەتی گەڵاڵەنامەی یاسای بنچینەییدا پیلانێكن بەم بۆنەوە پەكەكەو دەوڵەت خۆیان بڕیاری شەڕ یان ئا

Saturday, 08/05/2010, 12:00

رێبەری گەلی كورد عەبدوڵڵائۆجەلان لە دیداری چوارشەممەی رابردوویدا لەگەڵ پارێزەرانیدا، لێدوانی گرنگی سەبارەت بە تەندروستی خۆی و گەڵالەنامەی یاسای دەستووری بنچینەیی راگەیاند. رێبەری گەلی كورد عەبدوڵڵا ئۆجەلان لە دیداری چوارشەممەی رابردوویدا لەگەڵ پارێزەرانیدا زانیاری نوێی سەبارەت بە تەندروستی خۆی راگەیاند.
ئۆجەلان لەمبارەیەوە گووتی: كاتێك كە خۆم دەنوشتێنمەوە، دادەنیشم و هەڵدەستمەوە سەرپێ، ئازار و زەحمەتی دەبینم. ئەگەری مەزن ئەوەیە كە ئەمە گرێدراوی هەڵومەرجی ئەم زیندانە نوێیە بێت. لەم ماوەی دواییدا كاتێك كە ئاو بەچاوم دەكەوێت و شل دەبێت، ئازار دەبینێت و دەخورێت. من زەحمەتی دەبینم. لەو باوەڕییە دام كە ئەمە بەهۆی كەشوهەوای ئێرەوە بێت. ئۆجەلان باسی لە گەڵالەنامەی یاسای بنچینەیی ئاكەپەی كردو گووتی:" من بەو ئەنجامە گەیشتم كە ئاكەپە دەیەوێت چی بكات. هەموو ئەم نزیكایەتییەی ئاكەپە كە لەبابەتی گەڵالەنامەی یاسای بنچینەییدا پیلانێكن. ئەو هەمواركردنەی كەوا سەبارەت بە دادگای بنچینەیی بە 337 دەنگ دەرباز كرا، من لە رادیۆدا گوێبیستی بووم. بەڵام ماددەی 8 بە 327 دەنگ مایەوە و دەرباز نەكرا. لەراستیدا ئەگەر ئاكەپە بیخواستبایە دەیتوانی ئەم ماددەیە ئەرێی بكات، هێزی ئەوان بەشی ئەوەی دەكرد، بەڵام بە ئەرێنەكردنی ئەم ماددەیە دەخوازن من و بەدەپە وەك بەرپرسی ئەمە نیشان بدەن و تاوانبارمان بكەن. ئەگەرنا ئەوانە ئەوەندە خەمخۆری دەرباز كردن و دەرباز نەكردنی ئەم ماددەیە نیین. بەبۆنەی دەربازنەكردنی ئەم ماددەیەوە دەخوازن من و بەدەپە بكەنە ئامانج. ئاكەپە دەیەوێت خۆی وەها نیشان بدات كە گوایە هەڵمەتێكی دیموكراتی ئەنجام دەدات، ئێمەش وەكو ئەوەی كە رێگیری لەو هەوڵدانانەی ئەو دەكەین نیشان بدات. ئەگەر بەراستی ئەوان لایەنگری دیموكراتیكبوونن، بۆچی لەسەر رووداوی ئەو دەستدرێژیانە راوەستە ناكات، كە لەم دواییانەدا لە سێرت روویاندا"؟
ئۆجەلان باسی ئەو وێكچوواندنەی هیتلەر- ئینینۆشی كرد كەوا ئەردۆغان لە پەرلەماندا گووتبووی و گووتی:" با ئەردۆغان زۆر لەدوور خۆی لە رۆحی ەیتلەر نەگەڕێت، با هەر تەنیا لە پارتەكەی خۆی بڕوانێت، سەیری سیاسەتی پارتەكەی خۆی بكات، بەسە. ئۆجەلان ئەو سیاسەتەی ئاكەپەشی وەها شرۆڤە كرد:" لەلایەكەوە بە دەستدرێژی زایەندی، لەلایەكی تریشەوە بەرێگەی خوێندنگای شەوانەی خۆجێییەوە، هەروەها بەرێگەی گرتنی سیاسەتمەدارانی كورد تۆ هەوڵبدەی كۆمەڵكوژی لەسەر كوردان پێكبێنیت و لەلایەكی دیكەشەوە دێیت و داوای پشتیوانی لەكوردان دەكەیت. پێویستە ئاكەپە لەم بابەتەدا نیازپاك و لەدلەوە بێت. وەك بڵێی هیچ گرێدانێك لەنێوان گەڵالەنامەی گۆڕینی یاسای بنچینەیی بەم هەموو رووداوانەی ئەم دواییەوە نەبێت، نیشاندانی ئەمە وەك هەوڵدانی دیموكراتیك و دەستنیشان كردنی من و بەدەپە وەك تاوانبار لەم مەسەلەیەدا بێئینسافیی و بێویژدانییە. ئاكەپە بەم گەڵالەنامەی یاسای بنچینەییە دەیەوێت هەموو دەستكەوتەكان بكاتە ماڵ بۆ خۆی. ئەوەی دەیەوێت جێبەجێی بكات بەردەوامكردن و بههێزكردنی دەسەڵاتدارێتی سیاسی خۆیەتی.
ئەوانە بۆچی ئەوەندە دژایەتی من دەكەن؟ لەبەر ئەوەی من پیلانەكەی ئاكەپەم تێك دا، بۆیە ئەوەندە هێرش دەكەنە سەر من. كەس ناتوانێت لەم مەسەلەیەدا ئێمە تاوانبار بكات. ئێوە ئەو كۆمەڵكوژییە نابینن، ئێوە ئەمە بەكار ناەێنن، لەكاتێكدا دەستدرێژی زایەندی لەسەر كچێكی سێ سالە پێك دێت و گفتوگۆی لەسەر ناكرێت، كەچی دێن من و بەدەپە تاوانبار دەكەن. ئۆجەلان گووتی؛ ئێمە نە دەكەوینە ناو رەوشی مەهەپە و جەهەپە و نە دەشبینە لایەنگری ئاكەپە، داوای لە بەدەپەش كرد كەوا خەباتی خۆی سەبارەت یاسای بنچینەیی بەردەوام بكات.
ئۆجەلان لەم هەفتەیەشدا باسی گرنگی دوو رێبازی ناو توركیا كردو گووتی:" یەكێك لەو رێبازانە مەهەپە و جەهەپە نوێنەرایەتی دەكەن، ئەوەی تریش رێبازی كەناوەندی دەسەڵاتدارێتییەكەی شارەكانی قۆنیا- قەیسەرییە رێبازی ئیسلامی - توركێتیییە كەوا ئاكەپە نوێنەرایەتی ئەم رێبازە دەكات. ئۆجەلان گووتی؛ ئێمە لەنێوان ئەم دوو رێبازەی توركێتیدا هیچ یەكێكیان هەڵنابژێرین، چەمكەكانی توركێتی ئیسلامی دەسەڵاتدار رێبازی هەرە مەترسیدارە. ئۆجەلان لەمبارەیەوە ئەم شرۆڤەیەی كرد:" هەردوو چەمكی توركایەتیش چەمكی فاشیزمییانەن، هەردوو فاشیزمیش فاشیزمی بەدەزگاكراون. سەبارەت بە بابەتی كوردان مەهەپە و جەهەپە بەشاراوەیی ەاوكاری ئاكەپە دەكەن. من بە بەڕێز ئەردۆغان دەڵێم؛ ەاوكارانی شاراوەی تۆ بایكاڵ و باخچەلیین. لەبنەڕەتدا ئاكەپە دیموكراتی ناەێنێت، بەڵكو هەوڵ دەدات دەسەڵاتدارێتی خۆی قایمتر و سەقامگیرتر بكات، خوازیارانی دیموكراتیكبوون مژوول بكات. ئێمە، ئەرگەنەكۆن و عەسكەر بەگژ یەكتردا بدات و شەڕی یەكتر بكەین و لاوازمان بكات، ئاكەپەش خۆی دوورەپەرێز بگرێت. لەپشت ئەم سیاسەتەدا ئەمریكا هەیە، ئینگلستان هەیە."
ڕێبەری گەلی كورد عەبدوڵڵا ئۆجەلان، سەبارەت بە چارەسەری پرسی كوردیش، پەیامی گرنگی دا .ئۆجەلان گووتی:"لەمەودوا، ئیتر من ڕێگە نادەم سەرقاڵمان بكەن، من تا مانگی حوزەیرانیش چاوەڕێ دەكەم، ئەگەر ئیرادەی چارەسەری پێشنەكەوێت، ئەوا من لەم نێوەدا خۆم دەكشێمەوە. ڕێبەری گەلی كورد عەبدوڵڵا ئۆجەلان دەستنیشانی كرد كە لە ڕۆژهەڵاتی ناویندا ڕێككەوتن لە دژی كوردان پێشدەخرێت و شرۆڤەیەكی وەهای كرد:"
ئێران ، سوریا و توركیا ڕێككەوتن لە دژی كوردان ئەنجامدەدەن. ئەمەش زۆر مەترسیدارە. لە ئێراق، سەركردەكانی باشوریان هێنایە پێشەوە ، دەیانەوێت پەیوەندیەكانیان لەگەڵ ئەرمەنستان دا سەرەڕاست بكەنەوە ،ڕێككەوتن هەیە، لە پاش ئەوەی كە بە پیلانگێڕییەك منیان لە سوریا وەدەر نا، ئەو پێشكەوتنەش لەو بوارەدا دەستیپێكرد، پەیوەندی ئەمەش بە پیلانگێرییەكەوە هەیە، بە هەمان شێوەش ئەمڕۆ دەیانەوێت بەدەپە تەسلیم بگرن و پەكەكە لەناوببەن. هەوڵ دەدەن بەدەپە تەسلیم بگرن و بەوەش گەمارۆی پەكەكە بدەن، منیش لێرە ڕووبەرووی مردن بكەنەوە، بەڵام لە لایەك بە هەوڵدانی من و لە لایەك بە هەوڵدانی پەكەكە و لە لایەكی دیكەوە بە هەوڵدانی گەلەكەمان، ئەو گەمەیەش مایەپوچ دەبێت.
ئۆجەلان سەرنجیشی ڕاكێشایە سەر ئۆپەراسیۆنی قڕكردنی سیاسی و گووتی: ویستیان بەدەپە تەسلیم بگرن، بەڵام ئەحمەد تورك و پەرلەمانتاران بەو گەمەیە فریویان نەخوارد و گەمەكەیان پوچەڵ كردەوە، هێرشەكەی سامسونیش بە ەۆی ئەوە مایە پوچ بوونەوە، پێكەات. ئۆجەلان، ئەم هەفتەیەش 2 مەرجی خۆی بۆ چارەسەری خستە ڕوو و رایگەیاند: ئەو 2 مەرجەش، یەكەمینیان مافەكانی دەستووری بنچینەیین، كە مەرجی بەردەم مافی مرۆڤ و دیموكراسین، ئەوەش بە واتای دەستووری بنچینەیی دێت، داڕشتن و دروستكردنی دەستووری بنچینەیی دیموكراتی، بە واتایی مافی دیموكراتی دێت، دەبێت مافی كوردان بە دەستووری بنچینەیی مسۆگەر بكرێت. مەرجی دووەمیش، مەرجی ئاساییشیە، ئەو مەرجەش ، لە دەستووری بنچینەییدا ، دەبێت سەرە راست بكرێتەوە ، دەبێت ببێتە مایەی ئاسایش بۆ هەموو كۆمەڵگە ، دەبێت بشبێتە ەۆكاری ئاسایشیی گەلی كوردیش.
ئۆجەلان ڕاشیگەیاند: ئەگەر 2 مەرجەكەی ئەو جێبەجێ بكرێن ، ئەوا دەرفەتی چارەسەری دێتەئاراوە، ئۆجەلان وەها بانگەوازیەكی كرد گووتی: بەر لە ئێستاش من وەها بانگەوازیەكم كرد بوو، ئەگەر ئەو مەرجانەم پەسند بكرێت ، ئەوا ئەو كاتە من هێزە چەكدارەكان لە شوێنێك كۆدەكەمەوە، من لە شوێنێكدا بە گوێرەی ئێوە و ئەوان كۆیان دەكەمەوە، بۆ ئەوە من ئەو توانایەم هەیە، من گووتم: باوەڕیم بەوە هەیە. من لەگەڵ ئەوان بم ، لەگەڵ ئەوان نەبم جیاوازی نییە، ئامادەم ، فەرموون ئەوە هێزی سەربازی ڕێكخستن، دەتوانن، لە قەندیل، جیلۆ، جودی و سوبحانیش كۆببنەوە، ئەگەر مەرجەكانم بە جێ بەێنن ، ئەو توانایەم هەیە وەها شتێك پێك بێنم ،بۆ ئەوەش پێویست ناكات من لە لای ئەوان بم.
ئۆجەلان بەبیری هێنایەوە كە لە ساڵی 1993 وە ، لەپێناوی ئاشتی دا، تێدەكۆشێت و لەو بارەشەوە گووتی: 8 ساڵ ئاكەپە ، سەرقاڵمان دەكات، لەمەودوا ئیتر من كەس سەرقاڵ ناكەم و ڕێگەش نادەم كەس سەرقاڵم بكات ، من بانگ لە سەرۆك وەزیران دەكەم ، هەستێت و بڵیت، من دەمەوێت لەگەڵ كورداندا ئاشتی دەكەم ، ئەو ئیرادەیە نیشان بدات ، بۆ چارەسەریش ئێمە هەموو هێزەكانمان لە ناوچەیەكدا كۆدەكەینەوە ،من هەرە دوایی تا كۆتایی مانگی گوڵان و سەرەتای مانگی حوزەیران چاوەڕێ دەكەم ، ئەگەر سەبارەت بە ئاشتی ، ئیرادەیەك پیشنەكەوێت ئەوا لە ئێستا بەدواوە من بەرپرسیاری پەسند ناكەم ، من بە كەجەكەش دەڵێم، تەندروستی من ئیدی بەشی وەها دۆخێك ناكات ، پاشان حكومەت چی دەكات، كەجەكە چی دەكات، شەڕ دەكەن، ئاشتی دەكەن، لە نێو خۆیاندا پرسەكان چۆن هەڵدەسنگێنن ، با بە خۆیان بڕیاری خۆیان بدەن ، لەمەو بەدوا ئیدی من لە نێوانیاندا، دەردەچم ، لە پاش مانگی حوزەیراندا هەموو شتێك ڕوون دەبێتەوە، بۆ پێشكەوتنەكانیش ، ئیدی لەمەودوا كەس ناتوانێت من بەرپرسیار بگرێت، من ئەوە بەشێوەیەكی كراوە دەڵێم ،ئەوەش دوایین بانگەوازی منە.
لە بەشێكی دیكەی لێدوانەكەیدا ، ئۆجەلان وەها پەیامێكی ئاڕاستەی كۆما جڤاكێن كوردستان كەجەكە كرد: "بە خۆتان دەرفەتەكانی خۆتان باشتر دەزانن، ئیدی ئەو كارە ئێوە بەرێوەی دەبەن ، ئاشتی و شەڕ لە دەستی ئێوە دایە ، بۆ ئەوەش بە خۆتان بڕیار دەدەن ،ئایا دەتوانن لە سەدا 80 لە بوارەكانی، سیاسی، كۆمەڵایەتی، ئابوری و كولتووریدا ، خۆتان بەڕێكخستن بكەن ،ئایا دەتوانن ، ئەكادیمای سیاسی و دیموكراتی دابمەزرێنن، وەها دەڵێن: لە شارەكاندا ، سەرهەڵدان و پێكدادان دەست پێدەكەین ، ئێمە توندوتیژی دێنینە ئاستی ناوین ،من ئەوە ناڵێم ، بە خۆیان وا دەڵێن ، بۆ ئەوانەش خۆیان بریاری خۆیان دەدەن، هەروەها ئۆجەلان، چارەسەری پرسی كوردی لە لایەن ئێرانیشەوە هەڵسەنگاندو گووتی: بۆ ئەوەی ئێرانیش خۆی لەم گەمارۆیە ڕزگار بكات، دەبێت دیموكراسی پێشبخات. ئۆجەلان سەرنجی بۆسەر شەڕی تایبەتی دەولەتی تورك ڕاكێشا. سەبارەت بەو ڕووداوانەی لە سێرت و بەرواری كەوتوونەتەوە، گووتی پێویستە خوێندنگەكانی شەوانە باشتر ببنە مایەی تێگەیشتن. ئۆجەلان لەو بەشەی دیدارەكەیدا دەستنیشانی كرد كە ئەو دەستدرێژیانەی لە سێرت و بەرواری لەدژی منداڵان ڕوویانداوە، ڕووڕەشییەكی مەزنە و بەشێوەیەكی بەرنامە بۆداڕێژراو بەڕێوەچوون.
سەبارەت بەو مژارە ئۆجەلان بەو شێوەیە لە هەڵسەنگاندنەكەی بەردەوام بوو: بەو كردەوانە، لایەنی كرداری ئەنجامدانی كۆمەڵكوژییەك خۆش دەكەن. ئەو هەموو كەسە لەو دەستدرێژیانە بەشداریان كردووە، تا ئێستا ئاشكرا نەبوون. دوو سالە ئەو دۆخە بەردەوامە. ڕوونبۆتەوە كە لەو كارەدا دەستی پیاوانی دەولەت هەیە. ئەوانەی لەسەرەوەن بەرپرسیارن. سەرنجڕاكێشە كە لە سێرت ئەو ڕووداوانە دەكەونەوە. لەوێ كوردان بە ڕێگای هەڵبژاردنەكان ئەو هەرێمەیان بەدەست خست، هەربۆیە دەیانهەوێ تۆلە لە كوردان بكەنەوە. ئەو دەستدرێژیانەی لە سێرت و بەرواری ڕوویانداوە، لەدژی هەموو گەلی كورد بووە. دەیانەوێ بەڕێگای ئەو دەستدرێژیانەوە، شەرەفی سێرت و بەرواری ژێر بكەن. دەیانەوێ لەكەداری بكەن. من پێشتر وتبووم دەبێ لەبەرامبەر ئەو دەستدرێژیانە، قیامەت هەستێنن. كچانی منداڵ چاوترسێن دەكەن و هەرچی بیانهەوێ بەسەریان دێنن. ئەمە وەحشیگەراییە. تێناگەم مرۆڤ چۆن دەتوانێ لەبەرامبەر ئەو دەستدرێژیانەدا بێدەنگ بێت. ئەو منداڵانە لە بنەمالەكانیان، چاند و زمانی خۆیان دووردەخرێنەوە. منداڵانی كورد كە زمانی توركی نازانن، زمانی زگماكیان لەبیر دەبەنەوە. ئەوەیە دیموكراسی ئاكەپە؟ پێویستە ڕۆشەنبیرانی ئێمە، لێكۆڵینەوە دەربارەی خوێنگەكانی شەوانە بكەن و ڕاوەستەی لەسەر بكەن.
ڕێبەری گەلی كورد عەبدوڵڵا ئۆجەلان لەدژی ئەو دەستدرێژیە زایەندیانەی دەكرێنە سەر منداڵانی كورد بەو شێوەیە دووا: دەستدرێژی زایەندی دەكەنە سەر منداڵانی سێ سالە. ئەوە بەواتای بێڕێزی و بێشەخسییەتكردنە. ئایا دەیانهەوێ بەرێگای ئەو دەستدرێژیانە، داواكارییەكانیان بسەپێنن؟ دەیانەوێ كوردان بێچارە بكەن. بۆیە دەڵێم ئەو بەواتای كۆمەڵكوژی كوردان دێت. شتی هەرە بەنرخ، كولتوور و زمانە. زمان و كولتوور شكۆمەندی گەلێكە. من هیچ كات ئەوە لەبیر ناكەم كاتێك كە منداڵ بووم، زۆر بەگرانی ڕەخنەم لە دایكمم دەگرت و پێم دەگوت تۆ لەگەڵ مندالەكاندا بۆچی بە زمانی كوردی قسە ناكەی و فێری كولتوورەكەتیان ناكەی؟ باش لەبیرم دێت، لەبن كەپرێكدا بووم، مرشكێك و جوجكەكانیم نیشانی دایكم دا، پێم وت، تەماشاكە ئەو مریشكەش بەزمانی خۆی لەگەڵ جوچكەكانیدا پەیوەندی دادەنێن. تۆ بەقەدەر مریشكێكیش من ناپارێزی. لەو سەردەمەدا من توركیم باش نەدەزانی و لە خوێندنگا ڕووبەڕووی زەحمەتییەكەی زۆر دەبومەوە. تاماشاكە لەو تەمەنەشدا ئێمە ناكۆكیمان هەبوو. یەكەمین سەرهەڵدانی ئێمە بەو شێوەیە بوو. بێگومان دواتر ئەو سەرهەڵدانەمان پێشخست، بەگوڕترمان كرد و تا ڕۆژگاری ئەمڕۆمان هێنا. ئۆجەلان ڕەخنەی لە كەمی ناڕەزاییەكان گرت لە بەرامبەر كردەوەكانی قڕكردن و ،گووتی قڕكردن زۆر ڕهەەندی هەیە و ،داوای كرد كە بەدەپە ئەو مەسەلەیە بباتە بەردەست نەتەوە یەكگرتووەكانەوە.
ئۆجەلان باسی لە تێكۆشانی ئازادی ژن كرد و ئاماژەی بەوە كرد كە دەبێ پەرە بە دیموكراسی ژنان بدرێ. رێبەری گەلی كورد عەبدوڵڵا ئۆجەلان سەرەخۆشی لە بنەمالەی عوسمان یەگیت كرد كە لە ئۆپەراسیۆنی قڕكردنی سیاسیدا ژیانی لەدەستدا و وتی هەزار و 500 سیاسەتمەداری كورد بێ ئەوەی كە دادگایی بكرێن ئەوە ساڵێكە گیراون و ، وەها درێژەی بە هەڵسەنگاندنەكەی دا: هەموو شێوازێكی قڕ كردن ئەنجام دەدەن، قڕ كردنی سیاسی ، ئابوری ، كولتوری و سروشت قڕ دەكەن ، هیچ كەسێك دەنگی لێوە نایەت ، منداڵان لە بنەمالەكانیان دادەبڕێنن ، هیچ نارەزاییەك نییە، ڕووداوی دەستدڕێژی هەن ، هیچ كەسێك شتێكی لە دەست نایەت، بە بەرچاوتانەوە كولتوورتان و كەلەپوورتان و سروشتتان لە ناودەبەن ، بەنداو دروست دەكەن ، هیچ نارەزاییەك نیشان نەدەن ، ناتوانن ڕێگریان لێ بكەن ، تەنیا سەیر دەكەن ، ئەمە دڵی مرۆڤ زۆر دێشێنێ ، قڕ كردنی ئەرمەنیەكان كە پێی دەڵێن كارەساتی مەزن بە گرتن و بێ سەروشوێن كردنی 220 رۆشنبیری ئەرمەنی لە 24 نیسانی ساڵی 1915 دەستی پێكرد ، بەڵام بۆ كوردەكان ئەو ژمارە 1500 ە، ئەوانەی دەیانەوێ بە قڕ كردنی سیاسی بیكەن ئەوەیە كە كوردان بێ ئیرادە بكەن و ، ڕادەستیان بن ، قڕكردنی كوردان لە ژوورە گازەكانی ەیتلەر كەمتر نییە. ڕێبەری گەلی كورد عەبدوڵڵا ئۆجەلان سەرنجی بۆ سەر گرنگی تێكۆشانی لە دژی دەستدرێژی زایەندی ڕاكێشا و بانگی لە ژنان كرد و وتی: تا مرۆڤ لەو كولتوورە دەستدرێژەیە تێنەپەڕێن ، شەڕی لە بەرامبەر نەكەن ، نە خۆشەویستی دەبێ نە نان ، نە حەزكردن دەبێ نە عەشق ، بۆ ئازادی ژنان مەرجە كە مرۆڤ شەڕی كولتووری دەستدرێژی بكات.
ئۆجەلان رایگەیاند كە ئەو زۆر بایەخ بە كۆنفرانسی ژنان لە ئامەد دەدات و ، لەسەر ئەوەش وتی: بزوتنەوەی ژنانی دیموكراتی و ئازادیخواز زۆر گرنگە ، گرنكە لەچوارچێوەی ئازادی ژندا مرۆڤ پەرە بە دیموكراسی ژن بدات ، ژنان لە باكووری كوردستان دەتوانن دەبارەی بابەتەكە ەاوكاری پارچەكانی تری كوردستان بكەن ، پێشەنگیان بكەن ، لە ڕاستیدا زۆر شت هەیە مرۆڤ ئاماژەی پێ بكات. لەسەر ئەو فیستیڤالەی كە سبەینێ لە تاتوان پێك دێ ئۆجەلان پەیامێكی دا و وتی: هەڤاڵێكی ژن لە گرتوخانەی سەمسور گیراوە یان لە خەڵات ، دیارە كە زۆر نەخۆشیەكی گرانی هەیە ، لە نوسینێكیدا دەڵێت كە گەورەترین خەونی ئەوەیە كە كاتێك كە گرتووخانە ەاتە دەرەوە لە تاتوان ئاكادیمیایەكی ژنان بكاتەوە ، لەوانەیە كە لە ئایندەدا شتی جوانتر و گرنگتر پێك بێن، دەوروبەری تاتوان و وان، دەوربەری چەمی وان لە ڕووی مێژوویی و كولتووریەوە ، زۆر گرنگن ، لە ڕووی كولتووریەوە دەڤەری دەولەمەندن ، جێی داستان ئاسان ، سەرێكی دەگاتەوە زاگرۆس ، ئەوەی تری دەگاتەوە قەفقاسیا و ، ئەوەی دیكەی دەگاتەوە ئانتۆلیا، لە ڕووی ەونەر و جوانكاریەوە تاتوان گونجاوە بۆ فیستیڤاڵ، ئەگەر هەلە نەبم، بۆ زیلانیش هەمان هەڵسەنگاندن هەیە، دەلێن لەوێ كولتووری ژن ، كۆمەڵگەی ژنان هەیە، كولتووربوونی ژن لەوێ گرنگە ، هەر بۆئەوەش دەكرێ تاتوان ببێتە نمونەیەكی باشی خۆبەڕێوەبردنی دیموكراتی و سازمانكاری كۆمەڵایەتی، جێیەكە بۆ ئەوە باشە، مرۆڤ دەكرێ لەوێ ئاكادیمیای سیاسی ژن دابمەزرێنێ، بەو بۆنەیەوە یادی ەۆزان مزگین و كچێكی لوبنانی دەكەمەوە كە ناوی نایەتەوە یادم. ئەوانە لای من پەروەردەیان بینی، بۆ ئەوەی كە نەكەوێتە دەست دژومن ، مزگین لە تاتوان بە دەستی خۆی كۆتایی بە ژیانی خۆی هێنا، كچێكی لوبنانیش هەبوو، بۆ ئەوەی كە نەكەوێتە دەست دوژمن بە دەستی خۆی كۆتایی بە ژیانی خۆی هێنا، شهەید مزگین و ئەو كچە لوبنانیەش قەرەمانێك بوون، هەردووكیشیان لای ئێمە گەورە بوون، شهەیدانی زۆر بە بەهای گەلەكەمانن.