تالەبانی ددانی پێدا دەنێت، کە بەڵێ من وتم ئاڵای کوردستان لابدەن

Friday, 21/10/2011, 12:00

خوێنەرێکی بەڕێزی کوردستانپۆست ئەم فلیمە ڤیدیۆیەی بۆ ناردووین وەک بەڵگەیەک، کە تالەبانی بە دەمی خۆی ددان بەوەدا دەنێت و دەڵێت: بەڵی لە ئوسترالیا کاتێک بینیوێتی ئاڵای عێراق دانەنراوە تەنها ئاڵای کوردستان بووە، پێیان دەڵێت کەوابوو ئاڵای کوردستانیش لابەرن.
ئەو بەڕێزە لە نامەیەکدا کە بۆی ناردووین وا دەڵێت:

سه‌ڵاو كاك که‌مالی به‌رێز و برایانی كوردستان پۆستی تێكۆشه‌ر :
به‌رێزان كاتێك ئه‌م ووتاره‌م له‌ ماڵپه‌ره‌كه‌تاندا خوێنده‌وه‌

له‌٢٠/١٠/٢٩١١ له‌نوسینی ئه‌زمر
به‌ناونیشانی : بە ئاڵای کوردستان، بە مادەی ١٤٠ و دەوڵەتی کوردیی، درێژە بە ژیانی خۆیان دەدەن. هه‌ر بۆیه‌ ناچار بووم بۆ پشتیوانی له‌ ئه‌زمر و پشتراستكردنه‌وه‌ بیرو بۆچوونه‌كه‌ی به‌داگرتنی ئه‌م لێدوانه‌ی جه‌لال تاڵه‌بانی له‌ ئوسترالیادا كه‌ به‌كورده‌كانی شاری سدنی ووت ئه‌ی كوا عه‌له‌می عێراقی؟ ئه‌وانیش له‌وه‌ڵامدا ووتیان نیه‌. جه‌لالیش له‌م فلیمه‌ كۆنه‌دا به‌ئیعترافی خۆی و به‌توره‌ییه‌وه‌ به‌كورده‌كان ده‌ڵێت ده‌ی ئه‌و عه‌له‌مه‌ش لادن. واته‌ ئاڵای كوردستانیش لاده‌ن. ئیتر بۆچی ئێمه زه‌رزه‌نشتی مالیكی به‌كه‌ین؟

تالەبانی لێرەدا دەڵیت من دەمەوێت لە سەر هەموو باڵەخانەیەکی سلێمانی ئاڵای عێراق شەکاوە بێت، هەروەک چۆن لە شارەکانی تری عێراقدا دەشەکێتەوە: