ڤى دزى بنیاسن
Saturday, 29/08/2009, 12:00
خەلكێ دهوكێ حێبەتى نەبن سەرەرەش و مسیف یێن بوینە هێلاینا قاتل و دزا و
ڤى ژاژى فروشیژى دێ حەوینیت هەروەكو فازل متنى و عزالدین بەروارى و جعفر
ابراهیم و گەلەكێن دى حەواندین و مەدالى پێڤەكرین.
پارێزگارێ دهوكێ تەمەر رەمەزان ل هەشتیان دا و لەبەر كێشەیەكا خویندارى پەیوەندى ب پارتى دیموكرات كریە و لسالا 1986 ب پلانەكا دارشتى دگەل بەرپرسێ سیخورى یێ بادینان و بەرنیاس ب خیانەتێ لسالێن هەشتیان سید ێالح چەمسەیدى ، هەڤال محمد سالح بوتى ب كوشتن ددەن ، و پشتى پلانا وان سەرگرتى دەلدەست دچیتە جهێ شەهید محمد سالح بوتى و دبیتە بەرپرسێ لیژنا ناوچا دهوك وپشتى سەرهلدانێ ژى دبیتە رێڤەبەرێ گشتى یا ئاسایش ل هەولێرێ وژبەر چەند كێشەیەكێن كەسوكى بپلانەكا دارشتى فرەنسو حریرى ژى ددەتە كوشتن وپاشى بئەمرێ بارزانى دبیتە پارێزگەهێ دهوكێ و دماوێ چار سالان دا ژ ژاژى فروشەكى دبیتە بلیاردێر.
هەرو لقەسرا گەلیێ دهوكێ ب دەفتەران دولاران سەرف دكەت بو هەڤال و هوگرێن خو و تاقما خو وبتنێ بو زك و بن زكێن خو ، راقێەو قەحبێن وى دتایبەتن و هەمیژى و هەر ئێكێ پارچەكا عەردى ل دلێ دهوكێ دایێ و ب سەدان دەفتەر ژى داینێ ومەشروبێ ویژى هەمى ژ ئەوروپا دهێت و دەمێ سەفەرێ ژى دكەتە ئەوروپا ب سەدان دەفتەرێن یوروى سەرف دكەت و هەتا مسروفاتێن وى بوینە جهێ حێبەتیا وان جهێن قەست دكەتێ ل ئەلمانیا و پرسارا وى دكەن كانێ ئەڤە كى یە و چ كەسە بڤى رەنگى پارەى درێژیت.
لدهوكێ بتنێ پتر ژ پێنج عیمارێن حەفت تەبەق هەنە وكارەك نینە دەستێ وى تێدا نەبیت و شریك نەبیت دگەلدا و نوكە یێ بویە ئێك ژ زەنگینترین كەسێن هەرێمێ و بەلكو یێ ل پێشیێ ، و پارەو مال و ملكێن خوژى هەمى ب ناڤێ برایێن خو پسمامێن خو و مروڤێن خو چێكرینە.
دەمێ مسعود بارزانى و نێچیرڤان هاتینە دهوكێ ب هزاران نامە ل سەر گەندەلیا وى وزێدەگاڤیا وى گەهشتینە دەستێ وان و پەردە لسەر رابوى ، خەلكێ دهوكێ ب ژڤانە كو ئەڤ كەسە دێ هێتە سزادان ، لێ بەروڤاژى ڤێ چەندێ سەیارە ژ مەكتەب سەروك هاتن و برە مێیفى و شوینا محاسبا وى بكەن پەرەكێ سپى دانا بەرسینگێ وى و گوتێ ب كەیفا خو بنڤیسە ، و هنارتە گەشتەكێ ل دەرڤەى وەلاتى بو هین كرنا زك و بن زكێَن وى.
خەلكێ دهوكێ حێبەتى نەبن سەرەرەش و مسیف یێن بوینە هێلاینا قاتل و دزا و ڤى ژاژى فروشیژى دێ حەوینیت هەروەكو فازل متنى و عزالدین بەروارى و جعفر ابراهیم و گەلەكێن دى حەواندین و مەدالى پێڤەكرین.
27/8/2009
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
