زوڵمەت نامە

Sunday, 16/05/2010, 12:00

بەر لە زوڵمەت
كورد كوردە، كورد نە جاشی ئەم وڵات و ئەو وڵاتە نە پیاوى ئیسرائیلە و نە جاسوسی یەكێتی سۆڤیەت. كورد دەمامك ناكاتە دەموچاوى پلانى خیانەتكاریی و بڵێ ئەمە تەنها سیاسەتە و ئامانجمان كوردستانى ئازادە.
كوردستانى ئازاد كوردستانى ئازادە و بۆ كاركردن لەم پێناوەدا پێویستیمان بە پشتیوانى ئیسرائیل نیە و هاوكاری تورك و فارس و عەرەبیشمان ناوێت، كورد كە لەشاخ بۆ ئازادى ئەجەنگێت، چ ئیشێكى بە دۆستایەتى نەیارانى هەیە.
تورك لە قەندیل كورد ئەكوژێت و لە هەولێر و سلێمانى و دهۆك لەسایەی سەرۆكی خائینەوە، خەریكن كچی كورد فەساد ئەكەن.
فارس تۆپبارانمان ئەكات و كەچی نەوەزاكانى مەلا مچەفا دیبلۆماسیەتى كورد و ئێران بە وەدەستهێنانى ئامانجی دوور و نزیك وەسف دەكەن كە شتی وا نەك لە سیاسەتدا بەڵكو لە قوتووى هیچ عەتارێكدا نیە.
تورك ئەتكمان ئەكات و كەچی جەلال تاڵەبانى كورد فرۆش لە سەر گۆڕی ئەتاتوركی وەك سەگ تۆپیو ئەڵاڵێتەوە و فاتیحا بۆ هاوڕێ دێرینەكەى ئەخوێنێت.
لێرەوە...
كورد جاسوسی یەكێتى سۆڤیەت نییە. جاسوسی ئیسرائیل نیە. جاسوسی ئێران نیە. جاسوسی توركیا نیە. پیاوى ئەمەریكا نیە. هی عارەبی ئەنفالچی و نا ئینسان نیە. كورد كووووووررررردە كورد.
تف لە سەرۆكێك كە پیاوى ئیسرائیلە. تف لە سەرۆكێك كە وەك سەگ كلكە لەقە بۆ ئەمەریكا و ئێران و تورك ئەكات. تف لە سەرۆكێك لە مەسئولێك لە هەر كوردێك كە وەك كورد لەو بەغایە سەری بۆ بڕیاری عارەب دانا و هێشتی كەركوك بكەنە مەخسەلە.
كورد كورد ناكوژێت. 36 هەزار شەهیدی ناوخۆ كە لەسەر دەستى مەلا مچەفا و كورەكانى كران و لەسەر دەستى شێخ جەلال كراوە هەروا وون نابێت و ڕۆژێك دادێت وەك سەگ پەتتان بكەین لەسەر ئەو خوێنە ڕژاوانە و گۆرەكەى مەلا مچەفاش هەڵبدەینەوە و میزى تێبكەین.
ئێوە ئەى وەزیر و گزیر و درۆزن و پیاوكوژ و تولە و تانجیەكانى ماڵی مەلا و ماڵى جەلال و هێرۆ، قوم قوم نەوتى ئەوكەركوكە و ئەم نیشتیمانە هەتیوەتان لە ڕیخۆڵە دەردەهێنیینەوە. دزیەكانتان بە رەقەم تۆماركراوە و لە لەوحی مەحفوزى یادەوەری نەوەى نوێ دا سەیڤ كراوە.
ئەزمەڕ و گۆیژە نەك لەسەر هێرۆ بەڵكو لەسەر زەردەشت كە تاقانە پێغەمبەری كوردە تاپۆ ناكرێت! شار لەسەر ئێوە تاپۆ ناكرێت. كاغەز ئەسوتێت بەڵام راستی لە جەهەنەمیشدا هەر راستیە و ناسوتێت. بشمرن هەر ئەبێت گۆڕەكانتان هەڵبدەینەوە و بتانسوتێنین تا ببنە دەرس بۆ بێگانە و دوژمنى كورد، تا ببنە عیبرەت بۆ زەمان و بۆ نەوە و نەتیجەتان.
تۆش سەرۆكى خائین، لە ئینتیفازەكەدا لە تاران و كەرەج بوویت و ئەوەتەى هەیت هەر خۆفرۆشیت زانیووە. بازاڕی نیشتیمان لە هەولێر، ژێرەكەى گۆڕی باوباپیرانمانە نایەڵین هەروا بەئاسانى بیبەیت نایەڵین ئەم هەموو نەوتە و ئەم هەموو پارەیە هەروا ئاسان خۆت و توتكە سەگەكەى كوڕت بیخۆن و بیبەن و بیدزن.
سیاسەت سیاسەتە. درۆ كردن و میللەت فریودان و خۆڵكردنە چاوى میللەت و دزی و فزى و خاك فرۆشتن و جاسوسی كردن و دووبەرەكى درووست كردن و قەسر و قەمەرە و قەڵاو ڤێلا و بازرگانى و ماڵی فەقیر خواردن سیاسەت نیە ئەى سەرۆكى عەزیزم ئەى وەزیری جاسوس.
سیاسەت سیاسەتە. مل حیزكردن بۆ ئەمەریكا و ئێران و هەر كەڵشێرێك كە بیەوێ پیاتا بتسێ، سیاسەت نیە.
كورد كوشتن سیاسەتە؟ ئەى دزى سیاسەتە؟ ئەى كەركوك فرۆشتن سیاسەتە سەرۆك؟ پارە بەخشینەوە لەكاتى هەڵبژاردندا سیاسەتە؟ ژنى شەهید لاقە كردن و كچی شەهید فەساد كردن سیاسەتە كاك مەلا بەختیار و كاك حاكم قایەر؟
كوشتنى شەهید (بەكر عەلی پشدەری) سیاسەتە كاك سالار عەزیز؟ سەرۆك ئەى كوشتنى سۆران و زەردەشت و دكتۆر عبدالستار سیاسەتە. ئەمانەش دەستى ئێران و توركیا و عەرەب بوون، بێگانە هانى ئەدان پەردە لەسەر دزی و كارە ناشەرعیەكانتان هەڵبدەنەوە؟ ئەى كاك جەباری گۆڕ بەگۆڕ كوشتى شەهیدی شاعیر (كۆساری) چی بوو ؟ ئەویش تیرۆریست بوو؟
ئەى خۆ خۆرەكان، ئەى نەوەى مەلامچەفا؟ كوا خوێنى عەلی عەسكەری و ئەو سەركردە راستگۆیانەى كە خۆتان كوشتان(پیاوى مەزن بەچەكى مەزن دێتە كوشتن)؟ ok. كەواتە ئەبێت پیاوى گچكەش بە چەكى گچكە بكوژرێت و ئەبێت ئێوە بە بەردە دالاسیك ڕەجم بكرێنەوە.
كاك جەلال تاڵەبانى؟ مامە ڕیشەت كوشت بەس بیرت چوو كە كەركوك و گەرمیان هەموویان مامە ڕیشەن؟ ئارامت كوشت و نەتزانى سلێمانى پڕە لە ئارام و ئاسۆی دەلاك. ئارامت كوشت و واتزانى مامەڕیشەكانى كەركوك تۆڵەى ئارام ناكەنەوە.
مەلا بەختیار؟ جەمالی عەلی باپیرت لەگەڵ ئاراسی برایدا كردە دووژمن و یەكترت پێ بڕاندنەوە؟ ئەى بیرت چوو ئێرە شارەكەى عەولە سیسی قارەمانە نەك شاری ئەو جاشانەى پێش ئەوەى فیرار بكەیت رەفیقت بوون؟ ئەی بیرت چوو هەزاران عەولە سیس ماوە تا لە خوێنى خۆتدا بتگەوزێنن و تۆڵەى جەمال و ئاراست لێبكەنەوە؟
ئیتر سەردەم گوزەراوە، زۆر ئاگاداری خۆتان بن، هەموو گەڕەكێكی هەولێر، هەموو ماڵێكى هۆلاكۆ بەزێن زەردەشتێكى تیایە و ئێوەش ئەمر بفەرموون جوان پاسەوانیتان بكەن.
ئیتر سەردەم گوزەراوە و بەردەركى سەرا پڕە لە عەولەسیسی قارەمان و ئاسۆی دەلاكی نەبەرد و شەهید ئارامى دڵێر و ئاراس و جەمالی برا.
كەركوكى فرۆشراویش ئەم بێ ئەدەبیە قبوڵ ناكات. هاكا مامەڕیشە بە خۆی و لانكرۆزەرە شڕەكەیەوە هاتە سەرتان و ڕیسوای كردن.
كۆمپانیاكانتان(كۆمپانیای دارین و نۆكان)!؟
(ئێمە هەموو زەردەشتین)
دروشمى خوێندكاران و چەوساوەكانى كوردستان بوو لە ڕێپێوانى دژ بە تیرۆركردنى كاكە زەردەشتى هاوڕێم.
جاسوس و راپۆرت نوسەكانتان بخەنە شوێنم و ئامادەیان بكەن بۆ كوشتنمان بەڵام وا منیشتان كوشت وا هەزاری وەكو منیشتان كوشت!! ئێمە هەموومان زەردەشتین.


پێشكەشە:

- بە ڕۆژە سەختەكانى خەبات كە ئەم ڕۆژگارەیان بۆ تاڵانچیەكان درووست كرد و ئەم دزانەیان كرد بە سەرۆك و مەرۆكمان.
- بەو ڕۆژەش كە منى تیا ئەكوژیت سەرۆك!
- بە گیانى پاكی ئەو شەهیدانەى كە دزەكانى ئەمڕۆ لێیان بێ باكن.



پێكەشە بە گیانى هاوڕێم زەردەشت عوسمان
(زەرە گیان من شینەم)