بیره‌وه‌رییه‌کانی زرار سلێمان به‌گ: (شه‌ڕی من له‌گه‌ڵ ئیبلیسدا)
Wednesday, 10/08/2011, 12:00
بیرەوەرییه‌کانم ساڵانی ١٩٤٣/١٩٧٧دا زرار سڵێمان دەرگەڵەیی.
دوای نووسینی بەشی یەکەم لەسەر ئەم کتێبە، هەواڵمان بۆ هات کە ئەم کتێبە کراوەتە فارسی، بەناو نیشانی (نبرد من با ابلیس/ از جمهوری مهاباد تا تبعیدگاه شورویی) واته " شه ری من ده‌گه‌ڵ ئیبلیسدا" ئه‌مه ناوی بیره‌وه‌رییه‌کانی زرار سلێمان به‌گه، که رۆژی 7ی ئه‌م مانگه به‌و ناونیشانه‌ی سه‌ره‌وه بڵاوکراوه‌ته‌وه. ئه‌م کتیبه به قه‌له‌می میژوونوسییکی کورد له تاران کراوه به فارسی و 3300 دانه‌ی لێچاپ کراوه.
ئه‌وه‌ی جێگای سه‌رنجه له کتێبه‌که‌دا بایه‌خی پێدراوه، ده‌قی ئه‌و قسه‌یه‌یه، که مه‌لا مسته‌فا به قازی موحه‌مه‌دی ووتووه:(
قازی موحه‌مه‌د خائین بووه)، ئه‌مه‌ش وه‌کو هه‌ندێک له نووسه‌رانی ئێران پێشتر قسه‌یان له سه‌ری کردبوو، به‌مه ده‌مڕاستیان کردۆته‌وه، که به‌ڵێ راسته مه‌لا مسته‌فا به قازی وتووه: "
قازی موحه‌مه‌د خوێڕی و ترسنۆک بووه" به تایبه‌تی عیرفان قانیعی فه‌رد له وتویژه‌که‌یدا باسی له‌وه کردووه و به‌ڵگه‌ی له‌به‌ر ده‌ستایه، ئه‌وه‌ی جێگای سه‌رنجه زرار سلێمان به‌گیش له زۆر شوێنی بیره‌وه‌رییه‌کانییدا وتوویه‌تی مه‌لا مسته‌فا قسه‌ی تری کرد، که شایه‌نی باسکرد نییه!
سه‌رچاوه‌یه‌ک له هه‌ولێره‌وه به کوردستانپۆستی راگه‌یاند، که‌وا پاش بڵاوکردنه‌وه‌ی بیره‌وه‌رییه‌کانی زرار سلێمان به‌گ، پارتیی له قادر عه‌زیزی سکرتێری حیزبی زه‌حمه‌تکێشان تووڕه بووه و سه‌رزه‌نشتیی کردووه، چونکه حیزبه‌که‌ی قادر عه‌زیز پاره‌ی تێچوونی کتێبه‌که‌یان گرتۆته ئه‌وستۆی خۆیان، له‌و کاته‌وه په‌یوه‌ندیی پارتیی له‌گه‌ڵ قادر عه‌زیزدا باش و گه‌رمو گووڕ نییه، هه‌روه‌ها پارتی زور دژی ئه‌و وتویژه هه‌ڵسا، که گوایه مه‌لا مسته‌فا به قازی موحه‌مه‌دی نه‌وتووه ترسنۆک و خوێڕیی.
پاش ده‌رچوونی بیره‌وه‌رییه‌کانی زرار به‌گ، پارتیی رای سپارد، ته‌نانه‌ت به مه‌به‌ستیی تیرۆرکردنی چوونه سه‌ر ماڵی زرار به‌گ و چه‌ند روومانه‌یه‌کیان فڕێدایه نێو ماڵه‌که‌ی، تا ئیستاش که‌سوکاره‌که‌ی له‌لایه‌ن بنه‌ماڵه‌ی بارزانییه فشاری زۆر ده‌کرێته سه‌ری و هه‌ڕه‌شه‌یان لێده‌کرێت، داواده‌که‌ن زرار به‌گ ناچار بکه‌ن په‌شیمان بێته‌وه و بڵێن زرار به‌گ پیر و خه‌ره‌فاوه، هه‌رچییه‌کی نووسیوه راست نییه.
بیره‌وه‌رییه‌کانی زرار به‌گ، که به فارسیی بڵاوکرایه‌وه ئیستا زۆر له نووسه‌رانی ئێران له‌سه‌ر ئه‌و مێژووه که‌وتوونه‌ته نووسین و قسه‌ی له‌سه‌ر ده‌که‌ن، ئه‌و لینکانه‌ی خواره‌وه به‌شێکن له‌و وتار و کۆمێنتارانه‌ی، که باسیی له بیره‌وه‌رییه‌کان ده‌کات:
***************************
وتار له رۆژنامه‌کانی ئێرانی سه‌باره‌ت به زرار سلیمان به‌گ ده‌رچوو؛ که لێره‌دا ده‌توانی ببینی:
پایان ترجمه‌ی نبرد من با ابلیس/ خاگرات زرار سلیمان بیک
هاریکار و نووسه‌ری کوردستانپۆست کاک (ئه‌زمڕ) به ناو بیره‌وه‌رییه‌کاندا چۆته‌وه له چه‌ند به‌شێکدا قسه‌ی خۆی کردووه، ئێمه به‌رده‌وام ده‌بین له سه‌ر بڵاوکردنه‌وه‌ی نووسینه‌که‌ی کاک ئه‌زمڕ.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
