زامی په‌پوله
Saturday, 23/08/2014, 12:00
2143 بینراوە
من زامی ئه‌و په‌پوله‌یه‌م دوای سوتانی به چرای ژین
دیسانه‌وه ماجی ده‌کات تیشکی بلوری ئاگرین
لێم ببوره به‌م ناوه‌خته ، په‌نجه‌ره‌ی ژوورم لێگرتی
له سوێی زامی ئه‌م برینه‌م هاتم و سوجده‌م بۆ بردی
خۆده‌شزانیت دڵم دیسان بۆ عه‌شقت ده‌بێ ده‌سته‌مۆ
ئیتر شه‌وان له پیاڵه‌یه‌ک ژانی شیعرا ده‌بێت به تۆ
چه‌ند به‌تامه سوتانی وا ، چه‌ند ئه‌و زامه‌م لاشیرینه
تامه‌زرۆم بۆ جێژی تاڵی ، ئه‌م خه‌مه پڕ هه‌ڵوه‌رینه
به‌کرحه‌بیب
