چەند وێنەیەك ژعشقەكا دلساخ

Monday, 15/04/2013, 12:00

من تو ڤیاى
مینا كەنیا دلێ ساڤا
ل دەریێ پەرچەمێن تە یێن خودانێن داڤا
من تو ڤیاى
مینا پەیڤا دەڤێ چاڤا
تو ژدفنا بەرازێ حێچ دپەشیاى و
دبوى نڤشێ كجا بەكوى ،
ل سەردەمێ شەمبوزبونا ئەوا چاڤا
من تو ڤیاى
مینا دینا ئەز هەر ل پەى تە دهاتم
ئەز دەلیلێ رێكا تە بوم
من بەرزە نەدكر ..نە ..شوینا چ پێنگاڤا
ئمبراتوریەتەك بوم ژ عەشقێ
ئە ڤروكە ژى ،
ل بەر دیوارێت وەلاتێ خو
خەریبێ خەمباریا چاڤێت تەمە و
كورە كرم فلاشباكێ :
"ئەوەل كو یارێ د امە یەك زەریەك عنایەت
قسمەت مە خەمر وجامە ددەفتەرا هیدایەت"
لێ چ بكەم نوكە
بێ خودانم
ل ئاسمانى..
ئەزێ بویمە پەروانەیەك
هەر بایێ بێت
هەر قەلێ مەشكا ئاوازەكا قغینى دكێتن
من دكەتە نێجیرا دلساخیا عشقە كا ناموبوى
دخازم تو من ژبیرنەكەى ، دا ئەز خو ژ بیر نەكەم و نەبمە دیلێ تارستانا ، ئەى خودا.. ئەڤە روژا تە تەماشەى من كرى ئەز فێربویمە مەیزە كرنا تە ، هەكە هات و هندى سەرێ دەرزیكێ تو بەرێ خو ژ من وەربگێرى ئەز دبمە (مەم) ل گزیرتا (ئەهریمان) لێ قرال و دزكێ نەهەنكێ (یونان)ى دا دپەنگم و لنهالا مرنێ ددێمێ تەرا ل خو دگەرهم .
هەرێ نوكە ئەز چ بكەم ؟
ببمە نڤشتوكا دەست خوداوەندێ عەشقێ ؟
یان (ماركسى) بكەم رەوشا گوڤەندا مەشقێ ؟
ناسناما من
بویە دێمێ پیرانى و گریا من گەوریا بارزانى
هەردوو ب چاڤێ گومانێ تەماشەى من وتە دكەن
دلساخى ل كولانكێن كومارا بەهەشتا مە هاتیە قنارەكرن .
گول سترینە و ئەز ژى بلبلێ وندابوى وبێ پەرم .
دەستنڤێسێ ژ كاربەردانا من ژ پەیاما خاتینوكا
ئەڤرو ،
مەیا دناڤ شیشەیێ دلێ شكەستى یە و
هێڤیا من مرنا ب ساخى دایە من
ئەڤجا،
هەرە وب چونا تە مرنا من
شاهیە ل گورەپانا بەكوى
ل تەپیروزە ..فهێتى ونافرانا بخوین
ل من پیروزە شەهیدبون و سەركێ زاڤاى .
10/2/2011