((لژیر پەردەى (على تەتەر) هوزەكا خەباتكەر نەشكینە))

Sunday, 27/09/2009, 12:00

زانا نیروەیى بەرى ماوەكى كەسەكى لژیر ناڤى(چاڤدیرەك) بابەتەك بناڤى(پاراستن ل دهوكێ مادین بێ هوشكەر بەلاڤ دكەت) بەلاڤ كر ,پاشان د ووتارەكا دیتر دا د بەرسڤا دو كەسان بناڤى (رامان احمد) و (بابى ژیمانێ) دیسان تومەتین مەزنتر پالدانە پال (د.عەلى تەتەر) , لى تشتى ڤیجارى ناڤبرى جیاواز كرى ژ بابەتین دیتر تومەتبار كرنا كومەلگەها تەناهى و هوزا نیروەى یا ب بەلاڤ كرنا مادین بى هوشكەر بویە . كو ئەڤ چەندە ژى زورتشتین نهینى لجەم ڤى كەسى ئاشكرا دكەت , كەكى من ئەز مروڤەكى عەشیرەت پەریس نینم و لى هەبونا عەشیرەتان ل كوردستانى تا نوكە واقعەكى خورتە و دڤیت بتنى بو (تعارفوا) بیت نە بو چ تشەكى دیتر , لى دەما كەسەك هیرەشى بكەتە سەر عەشیرەتەكا دیتر ئەڤەهیمایى هوز پەریسى و پاشڤەمانا وى كەسى یە , نەخاسمە دەما تەرو هشكان پیكڤە بسوتینیت , لەوما هەر دو بابەتین تە بتنى هیمایى دژایەتى یا تەیە دگەل هوزا خەباتكەرا(نیروەیى) و كومەلگەها تەناهى كو خەلكەكى جیاواز و ژ هەمى هوزان تیدا دژین لێ خالا هەڤپشكا وان , هەڤ خەباتى و خو گوریكرنا وانە بو ئاخا وەلاتى و كەرامەتا ڤى میللەتى , لەوما هیچ تشتەك ژ بابەتین تە دیار نابیت ژبلى دژایەتى یا تە بو خەبات و قوربانى دانا گەلى مە و هەر كەسى دریكا كوردایەتێ خەبات كربیت تو ب دوژمنى خو دزانى و د هەولا نەهیلانا وان و ناڤ زراندنا وان دایى , هوزا نیروەیى یا هەر ژ سەردەمى شیخ عبدالسلام بارزانى تا نوكە تیكەلى خەبات و بەرخودانى بوینە و ژ ڤى خەباتكارى یا خو ژى نەچار بوینە دگەل زور كەس و فەوجین جاش و سیخوران بكەڤنە شەر و هەڤركى یان و ئەز باوەرم ژى یان تو ئیك ژ وان سیخور و جاشان بوى یان ژى كورى ئیك ژ وان سیخور و جاشانى كو بدەستى پیشمەرگین قارەمانین ڤێ هوزى هاتیە كوشتن , لەوما تە ئەڤ عیناد و كەربە ژ ڤێ هوزى و كورین خەباتكەرین ڤى هوزى هەیە , هەر وەسان كومەلگەها تەناهى وەك دیاریەك ژلاى حكومەتا هەریمى بو خەباتكەرین ژ ئیرانى ڤەگەریاین هاتیە بەخشین و نوكە پتر ژ (2000) مالان لێ ئاكنجینە كو بەهرا پتر ژ (نیروەیى دوسكى بەروارى نهیلى) و خەلكەكى جودا جودا پیك دهیت , كو نوكە ژى 70% ژ خەلكى ڤى كومەلگەهى پیشمەرگەنە ل بەروكێن پیشڤەیین پاراستنا هەریمى راوەستیاینە . كو ئەز باوەرم ئەڤ چەندە ب دلى تە نینە و تەدڤیا ئەو ژى مینا تە د بەرەیا دیترا دژى كوردایەتى بانە . چونكە دەما مروڤ حەز ل كەسەكى نەكەت دێ خەونین خراب پێڤە بینیت و ئا تە ژى ئەڤ خەونا خراب ب هوزا نیروەیى و كومەلگەها تەناهى ڤە دیتیە . كو براستى جهى شەرمزاریى یە.
وە بابەتى تە سەبارەت ب بەلاڤ كرنا مادین بى هوشكەر , براستى ئەڤە نەك بتنى تشتەكى سەیرو و نەوەیە بەلكو ئەركى (عەلى تەتەر) دژایەتى یا ڤى كارى چەپەلە و تا نوكە ب دەهان كەس ژ بازرگان و كەسین بكار بەرین ڤى مادەیى بدەستى پاراستنى هاتینە گرتن كو رول و جهدى عەلى تەتەر زورى بەرچاڤە و تا نوكە ژى چەندین نەحەز بو وى سەبارەت ڤان چالاكیین وى بو پەیدا بوینە . ئەو ناڤین تە ریز كرین ژى هەمى پیشمەرگە و خەباتكەرن و ژ كەسایەتیین هوزا نیروى یانە كو زور دویرن ژ ڤى كارى و بتنى ناڤ ئینانا وان دیار كەرا دژایەتى یا تەیە دگەل نیروەیى یان و ئەز باوەرم ئەگەر تو پتر كەسانین نیروەیى یا بناسى دى ناڤین وان هەمیان ریز كەیى و توهمەتین زور خرابتر ب وان ڤەنى . لى وەدیارە تو بتنى ڤان كەسان دناسى
هەر وەسان بو زانینا جەنابى تە ژى بارەگایى یەكگرتوویى ئیسلامى كەربا جەماوەرى سوت , و وى دەمى (د.عەلى تەتەر) ل كوردستانى نەبویە , ئەڤجا ئەڤ توهمەتا تە چیكرى بتنى نەحەز دشین بو كەسەكى كو حەژى نەكەن دروست بكەن حەتا ئەگەر بتنى توهمەتەكا بى ویژدانانە ژى بیت .
سەبارەت ب بوچى (د.عەلى تەتەر) ماموستایى زانكویا دهوكى یە ؟
كەكى من زانست دڤى بیاڤى دا بریارى ددەت , نە خەون و بێ ویژدانیین كەسەكى مینا تە كو تەر و هشكان پیكڤە دسوژیت و بێ ئاستى یا خو حەتا دنڤیسنا بابەتەكى تژى جوین و توهمەت دا ژى دیار كریە . من پى سەیرە كو تە زانكویا دهوكى ژى ب بەلاڤ كرنا مادین بى هوشكەر تاوانبار نەكریە .؟
لى باش بزانە ئەڤ گوتنە بو تە زور مەزنن و بتنى دبیژم (ئاڤ ب دەڤى ... پیس نابیت)