من جنێوفرۆشم یان راگەیاندن و سەركردەكانی گۆڕان و یەكێتی و پارتی؟
Friday, 18/03/2011, 12:00
هێزەكانی سەر بەدەسەڵات و هێزە ئۆپۆزسیوەنەكان بە تایبەتی گۆڕان ئێمه بە جنێوفرۆش لە قەڵەم دەدەن، بۆیە دەمەوێت لەم نووسینەدا بە كورتی شیبكەمەوە كە كێ جنێوفرۆشه من، یان سەركردەكانی گۆڕان و یەكێتی و پارتی؟ خوێندنەوە و هەڵدانەوەی لاپەڕەكانی مێژوی سیاسییەكانی كورد پێمان دەڵێت: هەر لە مەلا مستەفای بارزانییەوە و مەسعودی كوڕی و جەلال تاڵەبانی قوتابی قوتابخانەكەی مەلا مستەفای بارزانی و نەوشێروان مستەفا دەروێشێكی كۆنی تاڵەبانی و چەندین سەركردەی تری حیزبەكان و سیاسیەكانی تری حیزبەكان مێژویەكی پڕ لە جنێوفرۆشتنیان هەیە. لێرەدا نامەوێت جنێوە نەشیاوەكانی ئەو سەركردە سیاسیانە بنووسمەوە :
ئەگەر سەیری ئەرشیفی راگەیاندنەكانی ئه‌مانه بكەین بە هەمان شێوەی سەركردەكانیانی جنێوی زۆر ناشرینیان بە یەكتری و سیاسییەكانی یەكتری وتوە، كەچی ئێستا خۆیان لە خەڵكی كوردستان كردۆتە فریشتە و ئێمەش بە جنێوفرۆش لە قەڵەم دەدەن، لێ ئەگەر كەسێكی وەك من جنێو لە نووسینەكانمدا هەبێت، ئەوە لە خوێندنەوەی مێژوی ئێوەوە سه‌رچاوه‌ی گرتووه و له ئێوه‌وه منیش جنێوفرۆشتن فێربوومە.
پێری 16/3/2011 لە شاری كفری بە هۆی یادی هەڵەبجەوە، پێشانگایەكی حیزبی كراوەتەوە، لەو یادە حیزبیەدا مەحمود سەنگاوی كە ئەندامی مەكتەبی سیاسی لقی 66 پارتییە لە گەرمیان، چەندین جنێوی نەشیاوی بە فاروق رەفیق داوە و وتوێتی:
فاروق قە..........ە و ژنەكەشی بە هەمان شێوە. هەر ئەم كەسە ناشرینانەی كۆمەڵگەی كوردی لە شاشەی تیڤیەكانیانەوە،بە ئێمە دەڵێن جنێوفرۆش، خۆشیان ئەوە كار و كردەوە و رەفتاریانە كە بێشەرمانە جنێوی بازاڕییانه بە خەڵكانی ئازادیخواز دەدەن.
لە زۆربەی نووسینەكەنمدا بەرامبەر هەندێك لە بەرپرس و سیاسییەكانی كورد زۆر وشەی خائین و دز و جەردە و مافیا و كوردكوژ و شەرواڵپیس بە كاردەهێنم، بەڵام ئەوەی من دەینووسم راستییە و درۆم تێدا نەكردووە، چونكە ئه‌مانه خیانەتیان كردوە، دزییان كردووە چەكداری مافیایان هەیە و كاری مافیایی ئەنجام ده‌ده‌ن و كورد ده‌کوژن و سامانی وڵات و خه‌ڵکیی و گشتییان بە تاڵان بردووە، جاشایه‌تییان بۆ داگیركەرەكانی كوردستان کردووه، و شەرواڵ ه ده‌مو ده‌ستیشیان پیسه، هه‌موو ئه‌مانه راستیین و زیادمان پێوه نه‌ناوه.
ئەگەر ئەو وشانەی من بەكاری دەهێنم جنێو بێت، ئەوە شانازی پێوە دەكەم، بەلای منەوە جنێو فرۆشتن لەوە باشتره له وڵات و نه‌ته‌وه‌فرۆشتن، من نه‌هاتووم داهاتی كوردستان بە تاڵان ببەم و كورد كوژ و منداڵ كوژبم و خیانەتكاربم و مافیابم و شەرواڵ پیسبم.
سیاسیەكانی كورد فێرن دەستە چەورەكەی خۆیان بە كۆمەڵگای كوردیدا بسڕن و خۆیان بە فریشتە لە قەڵەم بدەن و خەڵكیش بە جنێوفرۆش ناوزه‌د بکه‌ن، لەبەر ئەوەی بۆخۆم خەریكی گورگاندن و گەوجاندن و تاریكاندن نیم بۆ سەرۆك و سەركردە تاوانبارەكانی حیزبەكان، ئەوە ئیتر دەبێت تۆ لە دەرەوەی بازنەكەی ئەواندا بیت و بە كەسێكی نامۆی كۆمەڵگای كوردیت لە قەڵەم دەده‌ن.
لێره‌دا نامەوێت باسی میدیاكانی یەكێتی و پارتی و حیزبەكانی تر بكەم كە مێژویەكی گەورەیان هەیەلە جنیواندن و گەوجاندن و گورگاندن و تاریكاندن بە ئێستاشیانەوە. دەمەوێت باسی كەناڵێك بكەم كە ئەویش كەناڵێكی تازەی كوردیە واتا كەناڵی (KNN)ی سەر بە كۆمپانیای وشەیە. ئەم كەناڵە بە هەمان عەقڵێتی میدیاكانی دەسەڵات خەریكی جنێواندن گەوجاندن و تاریكاندن و گورگاندنی هەندێك سەركردە و رۆشنبیر رۆژنامەنوwسە، ئەو عەقڵەی كە لە پشتی (كەی ئێن ئێن)ەوەیە عەقڵێكە زۆر فاشل و كۆنەپەرست, قین لە دڵ و ناشرینە كە دەیەوێت بە چاوپێكەوتن لە گەڵ كۆمەڵێك به‌ناو رۆشنبیر و رۆژنامەنووس و سەركردەدا پەیژەیەك بۆ خۆی دروست بكات، بۆ سەركەوتنی بەسەر مەرامە تایبەتیەكانی خۆیدا. ئەو عەقڵە فاشیلە قین لە دڵە كە وەكو ڤایرۆسێكی خەتەر بەسەر كۆمپیتەری راگەیاندنی كوردییەوە، دەبێت وردە وردە رووی راستەقینەیان بۆ خەڵك ئاشكرا بكەین. ئەوانە بەروخسار وادەردەكەون كە زۆر جوانن، بەڵام كردەوەكانیان پێمان دەڵێت: ئەو كەسانه چەند ناشرین و رەفتار خراپ و كۆیلەن.
ئەو عەقڵە كۆیلە ناشرینە بە هەمان شێوەی میدیا چەواشەكارەكانی دەسەڵاتی خوێنرێژی كوردی بە جنێوفرۆشمان لە قەڵەم دەدەن و خۆیانیان زۆر پێجوان و قسەزان و فریشتەیە، كە لەراستیدا بۆ خۆیان كەسانی ناشرین كۆیلەن. لی نامەوێت درێژدادڕی بكەم لە نووسینەكەمدا و بۆ نووسینێكی تایبەت لەسەر كەناڵی (كەی ئێن ئێن) دێمە سەر عەقڵێتی بەڕێوەبردنی كۆنەپەرستانەی ئەو كەناڵە.
وەكو خۆم ئەو نووسینانەی كە دەینووسم تەنها مەبەستم ئەوەیە كە كۆمەڵگای كوردی هوشیار بێتەوە ببێتە كۆمەڵگەیكی ئازا و چاونەترس، نەبێته جاش و جاسوسی هیچ كەسێك، نەبێته كۆیلە و به‌نده‌ی هیچ لایه‌ن و تاقم و ده‌سه‌ته‌یه‌ک، بەگژ هەموو زوڵم و زۆردارییه‌کدا بچێتەوە، ئەگەر ئەو زوڵمە منیش ئەنجامم دابێت هەرگیز لێم قەبوڵ نەكەن و ریسوام بكەن.
ئەوەی جێگای شانازیە بۆ من و هەموو رئه‌و ەخنە گرانەوە ، ئێمه توانیومانە هێزێكی مەدەنی و خۆڕسكی وەكو ئەو خەڵكە مەدەنیەی پێش دەركی سەرای ئازادی دروست بكەین كە مێژویەكی جوانیان بۆ كورد و گەلەكەمان تۆماركردووە، ئەو هێزە مەدەنییە عەقڵانیەی رەوەندی كوردی دروست بكەین كە جێگای شانازین بۆ گەلەكەمان، نەوەی داهاتو دەتوانن شانازی بە شۆڕشی سپی مەیدانی سەرای ئازادیی خۆنیشاندەرانی شار و شارۆچكەكانی دەڤەری سلێمانی و رەوەندی كوردی بكەن لە دەرەوەی وڵات، بیكەنە بناخەی شكاندنی هەموو بتێكی سیاسیی و سەربارزیی و رۆشنبیریی و ئاینیی. ئەم شۆڕشە سپییەی خەڵكی دەڤەری سلێمانی هەموو عەقڵە كۆنەكانی سیاسیی و سەربارزییەكانی دەسەڵاتی وەستاندوە و جامی به عه‌قڵیان کردوو، خۆشیان نازانن چۆن بەرەنگاری ئەم شۆڕشە سپییە ببنەوە، دەیان سینارۆی جۆربەجۆریان دروستكرد، بەڵام هیچ سودێكی نەبوو بۆیان، جگە لە ریسوابوون له‌لای دونیای دیموكراسی جیهانی، رووی راستەقینەیان بۆ دونیای دیموكراسی ئاشكرابوو، كە ئەم دەسەڵاتە كوردییە دەسەڵاتێكی دیكتاتۆری تەواو پێنەگەیشتووە.
تیبینی: وشەی من بۆ ئەوە نەنووسیوە كە خۆم لە كۆمەڵگای كوردی بە گەورەتر بزانم، بەڵكو زۆرجار هەندێك نووسەر رەخنە لەوە دەگرن كە نووسەرەكان وشەی ئێمە زۆر بەكار دەهێنن، بۆ ئەوەی ئەو رەخنەیە منیش نەگرێتەوە وشەی منم بەكار هێناوە، رەنگە بەكار هێنانی وشەی منیش رەخنەی توندی لەسەر بێت، لی بە ناچاری وشەی منم بەكاری هێنا.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
