خۆشویستنی سەرۆك

Sunday, 25/09/2011, 12:00

كە مناڵ بووم سەربازێكی ووڵاتەكەم ،

ناببورن جەلادێكی ئەڵقە لە گوێ !

هات و پرسی :

تۆ بۆ سەرۆكت خۆشەوێ ؟

ووتم : لە لە لە لە لە لە .....

ووتی بڵێ : لەبەرئەوەی سەرۆك

باوكی هەموو گەلە !

ڕەمزی شۆڕش و بەرخودانە !

سەرۆك ئاوە سەرۆك نانە !

سەرۆك سەرچاوەی ژیانە !

ئافرێنەری من و تۆیە ،

پاڵەوانی نیشتیمانە

سەرۆك ڕەبە ، سەرۆك گۆدە

سەرۆك خودایە یەزدانە

تۆ ببینە كڕنوش دەبەن لە ئاستیدا

دار و بەردی ئەم جیهانە !

ووتی بڵێ ئەی گوڵی جوان

با بزانم ئەم جارەیان

تۆ بۆ سەرۆكت خۆشدەوێ ؟

ووتم چونكە .....

لەناخمدا تەواوم كرد :

"ڕقم لێیە !

چونكە سەرۆك دوژمنی گەلە !

ڕەمزی چەوساندنەوە و ماف خواردنە

سەرۆك ژەهرە سندانە

سەۆك سەرچاوەی نەمانە

سەرۆك بكوژی شۆڕشە

سەرۆك عەمیلی شەیتانە

لەبەرچاوت كڕنووش دەبەن ،

لەژێرەوە نەفرەت دەكەن لە ئاستیدا

دار و بەردی ئەم جیهانە "

ڕاچەڵەكیم ....

بە ئاشكرا تەواوم كرد :

چونكە سەرۆك لە ئاستیدا هەرچی بڵێم

هێشتا كەمە ؟!

سەربازەكە پڕی دامێ و ماچیكردم

ووتی : سوپاس بۆ ئەو ناخە بەرز و جوانەت

بۆ ئەو هەستە پڕ ویژدانەت

بۆ مامۆستا بۆ خێزانت

فێریان كردووی كەوا سەرۆك چەند مەزنە ؟!

ووشەی بەرزیش لە ئاستیدا چەند شەرمنە ؟!

3/12/2006