سەفقەیەکی بازرگانی دوای کوشتنی قایمقامی سلێمانی

Sunday, 15/04/2012, 12:00

 
تیرۆرکردنی زانا لەلایەن یەکێتیەوە تەنها کوشتنی مافیایەکی بچوکە بەدەستی چەند مافیایەکی گەورەترەوە. ئەم کارەش گەلێ ئاساییە لەنێو دەزگا مافیاییەکان و ئەوانەی بیانەوێ سەری مافیا گەورەکان لەگەڵ خۆیان ببنە گڵەوە ئەوا یاری بە ئاگر ئەکەن.

تیرۆرکردنی زانا و وویستی کەس و خزمە نزیکەکانی بۆ ناردنی تەرمەکەی بۆ بەغدا و پاشان نەهێشتنی سەرە گەورە مافیاکە(تاڵەبانی) لەبەرانبەر ئەوەبووە، کە پاش ماوەیەکی دی پۆست و پارەیەکی باش ئەدرێ بە کەسە نزیکەکانی زانا و بەتایبەتی خێزانەکەی. ئەم کارەی تاڵەبانی لەمێژە پێڕەوی لێ ئەکاو هەر دەمێ کەسێکی خۆی تیرۆرکردبێ، لەپاشان لەپای ئەو کردەیە هەستاوە بە دابەشکردنی پارەو پلەو پۆست بۆ دەم داخستن و قڕوقەپ پێکردنیان. نمونەی ئەم جۆرە گەلێ زۆرە، هەروەك تیرۆرکردنی جەبار فرمان و دواتر دەم شیرکردنی بڵێسەی کچی بەپۆستێکی کارتۆنی و پارە پوول.

نابێ ئەوەشمان لەیاد چێ کە زانا ئەو کەسە بوو کەهەرگیز مۆڵەتی یاسایی و نایاسایی نەئەدا بەکەس بۆ ئەوەی خۆپیشاندان بکەن.