مەلا مستەفای بارزانی نەك سوكایەتی، به‌ڵکو بازرگانیشی بە پیشمەرگەوە كردووە

Monday, 01/03/2010, 12:00

3215 بینراوە

*مەلامستەفای بارزانی لە تەك سافاكی ئیرانیدا گریبەستێكی بەست بۆ فرۆشتنی پیشمەرگەی (زیند و كوژراوی) حیزبی دیموكراتی كوردستان (ڕۆژهەڵات) هەر یەكەیان بەنرخی جیاواز *1
* (سوپای عیراق لە بنچینەدا پێكهاتووە لە دوو لیوا. هەردوو لیواكەش پیشمەرگەن) مەسعود بارزانی ووتی: 2*
*3500 پیشمەرگەمان بۆ توركەكان دا بەكوشت نیچیرڤان بارزانی ووتی (كوردستانپۆست) *3
*قۆنتەراتی شەریكی برا كوژی بە 50 ملوین دۆلار .لە نیوان سامی عبدالرحمن و میتی توركی . *4
* شەری نیوان جەلالی و مەلایی1988+1994، (5) هه‌زار چەكداری تێدااكوژراوە. جارس ماكێرمید نووسی .*5
ئەم كوژراوانە چین(پیشمەرگە. جاش .ملیشیا. یان چەتە) علی كیمیاویش 5000ی لە هەلەبجەدا ژارباران کرد و کوشتونی.
*لەئەنجامی كۆمەكی چەكدارەكانی مەسعود بە سوپای توركی بۆ كوشتنی پیشمەرگەكانی پارتی كریكارانی باكوری كوردستان.(هیچ دڕندەیەك بەچكەكانی خۆی ناخاتە بەردەم درندەیەكی تر بیخوات) ڕۆژنامەیەكی بەریتانی نووسی
بۆچی بارزانی دوای هەڵبژاردن كوردستانی بەجێهشت؟ چونك ەخەجاڵەتی ئاشبەتاڵ و سوكایەتی و بێویژدانی بوو بەرامبەر بەو هەموو پیشمەرگە دڵسۆز و بەنرخانەی، كە بڕوایان بەو زەلامە كرد.
سەرۆكی هەریم تا ئیستا نازانێ سنوری دەسەڵاتی یاسایی چەندە، هەربە ئاوزانی خێڵەوە دەڕوانێتە كێشەكان .
ووڵاتیك یان قەوارەیەكی سیاسی، ئه‌گه‌ر بوونی هەبوو دەستور و یاسا ڕۆڵ دەبینێ نەك فتوای سەرۆك. لە بەغدا، که‌ پێڵاویان گرته‌ جۆرج بۆش، مالكی بە بۆشی ووت چی لێبكەین؟ له‌ وه‌ڵامدا بۆش ووتی: ئەم پرسیارەت لە پیڵاوەكە زیاتر ئازاری دام. ئەی ئێوە ووڵات نین و دەستور و یاساتان نیە؟
لە ئەڵمانیا هیلمۆت كۆڵیان دایە بەر هێلكەی پیس، چونكە درۆی كرد. وەزیری دەرەوەی ئەلمانیا یوشكافیشەیەیان بۆیاخاوی كرد. ئۆسكالا لافۆنتین یان بە چەقۆ بریندار كرد. سەرۆك كۆماری ئەڵمانی یەك ووشەی نەگوت، چونكە لەو وڵاتەدا یاسا بوونی هەیە، نەك فتوای سەرۆك خێڵێكی وەك مەسعود.
گۆڕان تەنیا ویست و ئەركی لیستی گۆڕان و كاك نەوشیروان نییە. گۆڕان پێویست و ویستی سەردەمە. گۆڕان ئەركی هەموو كەسێكی كوردستانی و مۆدیڕنە. ژیان بەگۆڕانەوە جوان و بەرهەمی دەبێ . گۆڕانخوازەكان گەره‌كیانە سیستەمی ژیان لەگشت لایەنكانەوە بگۆڕن. دەسەڵاتی جەلال و مەسعود وەك مرۆڤێكی ئاسایی بە ئازادیی كرێكاریی و سیاسەت بكەن، نەك وەك كەسێكی سۆپەر و تاقانە پشتاوپشت. گەلی باشوری كوردستان بۆ ویست و خواسته‌ ناشیرینەكانی خیزانەكەیان بەكاربهینن.
نیتچە دەڵێت: (ناكامڵی مرۆڤەكان لەوەدایە، كە بوونی خۆیان بكەن بەپیوەری هەموو شتێك) نه‌فامی مسعودیش لەودایە بوونی خۆی و خیڵەكەی كردووە بە پیوەری كوردایەتی. ئەو ناتوانێت و مافیشی نییە لە جیاتی هیچ كەسێك بیربكاتەوە. مرۆڤەكان ئازادن ئەوان دەستنیشانی ئایندەیان دەكەن. ئێوە دەسەڵاتێكی (تیموكراتی) (دەسەڵاتی ئاغاكان وئەشرافەكان) پریمیتفتان بەسەر ئەو گەلەدا سەپاندوە. لۆژیكە مرۆڤە ئازاكان خۆیان لە ژیر دەسەڵاتی ئێوەدا رابپسكینن. دەسەڵاتی كوردیی دەسەڵاتیكی درۆزن، مۆڕاڵپیس و بیویژدانە، بواری ئازادیی تاكەكانی تەسككردۆتەوە. زمانە پاكەكان دەبڕن، ویژدانە پاكەكان وێڵ دەكەن و پێنووسه‌کانی چەشنی سۆرانی مامە حەمە دەكوژن. مرۆڤ گەر لەڕێگەی یاسا و پەرلەمان و لۆژیكەوە مافەكەی چنگ نەكەوت، پەنادەباتە بەر توورەبوون و ریگەی تۆلەیەكی رادیكال و زمانی زبر(ناكرێ بەزمانی بولبول راڤە لەتەك چەقەڵدا بكەیت) سیستەمی زمانی دیلۆگی سەردەم، سیستەمی گۆڵ لەیكگرتن و یەكتری پەسەندكردنە، نەك نكۆڵیكردن لەبەرمبەر.
ئەگەر سوكایەتی بە پیشمەرگە هیڵی سورتر لە سوربێت ئەوە سوكایەتی بە سلیمانی ئاگرە جەستەی بەردیش دەسوتینی. سلیمانی دڵ و ڕۆحی هوشیاری نەتەوەی كوردە. بە جوگرافیای سروشتیی و رۆشنبیریی وسیاسییەوە بەشیكە لە كوردستان هیچ هێزێك ناتوانێ و بۆی نییە لەجەستەی هوشیاریی وجوگرافیای سیاسیی كوردستانی جیابكاتەوە. ئەم ڕستەیەی مەسعود (لە كوردستان جێی نابێتەوە) تەنیا تایبەت نییە بە لیستی گۆڕان، بەڵكو هەرەشە و سوكایەتییە بەتەواویی شاری سلیمانی. ئەو هەڕەشەیە تەپڵی جەنگە بەرامبەر بە گۆڕان و به‌رامبه‌ر به‌ گشت سلیمانییەكان.
ئێمەی (هاووڵاتی سلیمانی) بەهەناسەی پیرۆزی شیخ محمودی نەمر مۆراڵی كوردستانیمان پەرەوردە كردووە، بۆیە گشت بستێك لەخاكی كوردستان لەدڵی سیلمانییەكاندا ڕێزی هەیە. مەسعود زۆر لەوە بچوكترە قۆرخی ئازادی سلیمانی و ڕۆڵە نەبەز و نەتەوەییەكانی شاری هەولێر و كەركوك و دهۆك و خانەقین و موسل كوێرە دێیه‌كی ئەم خاكە بكات.
ئەوان فیرن دژایەتی لەنێوان شار بە قۆنتەراتی شەڕی براكاندا ده‌که‌ن. بازرگانی بە ئایندە و خوینی نەوەكانی داهاتووی كورده‌وه‌ بكەن. ئەم دەسەڵاتەی ئیستا قۆناغی تیپەڕبوونی سیاسییە، كە لە ئەنجامی بۆشایی سیاسیی دوای ڕمانی سەددامەوە دروستبوو. هەموو دۆزێك دەبێ بە فلتەری گۆڕاندا تیبپەڕێ، لێ هیچ دۆزێك هێندەی دۆزی سیاسیی بزێوانە گۆڕانی بەسەردا نایەت. هەره‌شەكەی مه‌سعود دوورە لە هەموو بنه‌ما جوانەكانی مرۆڤایەتی و پرینسیبی دیموكراسی. ڕێكەوت نییە سلێمانییەكان لە سلێمانیدا ئاوارە و كۆیلەی دەسەڵاتی چەند كەسیكی دەرەوەی ئەو شارە بن، چونكە دوژمنانی پڕۆژەی كوردایەتی سلیمانین. سلیمانیان بۆ ده‌سته‌مۆ و که‌ویی نابێت، بۆیە قۆنتەراتەكەی دەدەن بە كەسانی وەك جەلال و مەسعود.

وانەیەكی سیاسیی بۆ مه‌سعودی ناسیاسی:
فەلسەفەی گۆڕان لە سروشتدا:
(مادام سروشت مه‌حكومە بە گۆڕان، مادام مرۆڤ و كۆمەڵگا بەشێكن لە سروشت، كەواتە مرۆڤ و كۆمەڵگا مه‌حكومن بە گۆڕان) جەوهەری سیاسەت
جەوهەری سیاسەت كردارە. جەوهەری كرداریش (مەبەست...ئیستراتیجیە)، كەواتە سیاسەت كرداری بەمەبەستە. بەزمانە سیاسیكە، یانی (ئیستراتیجی) ئیستراتیجی وشەیه‌ك نییە، که‌ تایبەت بە پڕۆسیسی سیاسی، سیاسەتیش ووشەیەك نییە تایبەت بێت تەنیا بەپڕۆسیسی سیاسی(سیاسەت و ئیستراتیجی) بەپڕۆژەكانی دەرەوەی كایە سیاسیەكانیشەوە پەیوەندی هەیە. ئەمە خویندنەوەیەكی فەلسەفیانەیە بۆ سیاسەت و ئیستراتیجی.
(هاوپەیمانیتی ئیستراتیجی) نێوان جەلال ومەسعود :
هاوئاهەنگی جەلال و مەسعود، ئیستراتیجیك نییە بۆ پرۆژەیەكی سیاسی نەتەوەی، بەڵكو تاكتیكێکی ناشرینە لە مرۆڤی كورد ده‌كەن. دۆزی باشوری كوردستان لەدوای2003 ساڵ بە ساڵ لەتەك گەشەكردن و تووكمەبوونی هیزە سیاسییە ناسیونالیستە عەرەبەكان. لاواز دەبێ هۆكەشی نەبوونی بەرنامەیەكی ئیستراتیجی نەتەوەییە بۆ بەرنگاربوونەوەی ئەگەرە چاوەڕوانكراوەكانی دوای توكمە بوونی ناسیونالیستی عەرەبی و بەهیز بوونی چەق(بەغداد) ئەوان بۆ ئەم ئەگەرە هیچ كارێكیان نەكردوە، بۆیە كێشەكان بەهەڵواسراوه‌یی ماوەتەوە. نمونە بەهێز بوونی حدبا و لاوازی كورد لەموسڵ پشتگۆیخستنی كیشەی ناوچە كیشەداره‌كان.
ئەم ڕستەیە (هاوپەیمانێتی ئیستراتیجی) نیوان مەلایی و جەلالی لە كرۆكدا تاكتیكە . تاكتیكیش دوو جۆر

یەكەم : تاكتیكی دەسەڵات بەرامبەر بە دوژمن و نەیاری سیاسیی (پۆزیتیف)
دووەم : تاكتیکی ده‌سه‌ڵات به‌رامبه‌ر به‌ گه‌ل و نه‌ته‌وه‌ (سووکایه‌تیی و خیانه‌ته‌).
ئەوان ڕێككەوتوون، که‌ سامانی ئیستا و نەوەكانی داهاتوو(لە پرۆژە پیترۆڵەكانی) هەرێمدا بدزن؟
ئەوان ڕێكەوتوون هەر دەنگیكی ئازا و ناڕەزا لەنێو كورددا سەرهه‌ڵ بدات، بەیەك دەست دەیخنكێنن.
دبلۆماسی: دبلۆماسی تەنیا چەكێك نییە بەدەست كادیرانی وەزارەتی دەرەوە، بەڵكو لە پچوكترین پەیوەندییه‌كانی مرۆڤدا دبلۆماسی بوونی هەیە (دبلۆماسی ناوەوە. دیبلۆماسی دەرەوە. دبلۆماسی كاتی ئاشتی. دبلۆماسی كاتی جەنگ دبلۆماسی ئابوری..هتد) هەر كەسێك دەسەڵاتێكی سیاسیی و رابەراێتی گرتە دەست دەبێ زۆر هوشیاربێت لە بەكارهێنانی دبلۆماسی گونجاو بە پێی بوارەكان. ئەركی هەر سەرۆكێك بەكارهێنانی دبلۆماسییەكی ئارامە بەرامبەر بەكیشەكانی ناوخۆی نیشتمانەكەی.
مەسعود لەجیاتی ئەوەی گرفتی نیوان گۆڕان و مافیاكانی جەلالی بەهەرەشە چارەسەربكات، دەبوو بەرێگای دبلۆماسیەكی ئارام وهوشیارانەوە مامەلەی لەتەكدا بكردایە نەك تەپڵی جه‌نگ دژی گۆڕان لێبدایه‌، ئه‌مانه‌ بەچاك و خراپەوە بەشێكن لەو گەل و نیشتمانە.هیچ هیزیك نییە بتوانێ بیانكات بە سفر.

خورپەی سیاسی مەسعود لە ڕۆڵی گۆڕان لە ئایندەی سیاسی باشوری كوردستاندا
لیستی گۆڕان خۆی سەپاندووه‌، بوو بە حەقیقەتێكی سەردەم، بوو بە بەشێكی ئەكتیفی لەشی سیاسیی كۆمەڵگای كوردی له‌ باشوری كوردستان، كەواتە دەبێت وەك قەوارەیەكی بەهیز لە گۆڕەپانی سیاسیدا مامەڵەی لەتەكدا بكرێت. لۆژیكە هاوپەیمانێتی سیاسیی لەدوای هەموو هەڵبژاردنێكەوە گۆڕانكاری بەسەردا بێت. مەسعود دەزانی كەسایەتی سیاسیی و جەستەی ئیفلیجی جەلال، كەڵكی سیاسیی پێوە نەماوە. مەزەنە دەكرێت لەدوای 7 / 3 / 2010 سندوقەكانی دەنگ هاوكیشە سیاسییەكان بگۆڕن، بە پێی سترۆكتۆری ئاوزانی كۆمەڵگای كوردی و ترس وتۆقین و بەریتلەوە (پارتی) دەنگی یەكەم بهینێ. دەنگی یەكەم پیویستی بەدەنگی دووهەم هەیە، مەزەنە دەكرێ گۆڕان دەنگی دووهەم بێت. قەیرانەكە لەم خاڵەوە دەست پێدەكات. پارتی پێویستی بەهاوپەیمانێكی بەهێز هەیە، كە گوێڕایه‌ڵی ئیستراتیجی بنەماڵە بێت نەك كوردستانی. گۆڕان بەهێز. لەم ساتەدا و بەپێی سیستەمی دیموكراتی وهەڵبژاردن لۆژیكە (گۆڕان و پارتی) حكومەت دروست بكەن. ئەمە سوكایەتی نییە بۆ گۆڕان بەمەرجێک خیانەت بە(ئیستراتجیتی لیستی گۆڕان نەكات)، لێ خورپە و ترسی پارتی لە(مەرجە سیاسییەكانی گۆڕانە)، نەك لیستی گۆڕان، بۆیە سەركەوتنی گۆڕان هەردوو خێزانی تووشی هیسترایای سیاسیی كردووە. بەهەموو پیوەر و توێژینەوەیه‌كی سیاسیی(ناوەكی ودەرەكی) جەلالییەكان ئەستیرەی سیاسییان بەرەوكشان دەچێ، كەواتە گۆڕان ئەو هیزەیە سیستەمی فودیالی سیاسی لە باشوری كوردستاندا دەگۆڕێ. هوشیاری مەسعود لەوەدا ده‌بێت، که‌ لە جیاتی هەڕه‌شە (لۆژیك) پەسەند بكات، ئەویش گۆڕانە.

مرۆڤە شەڕخوازەكان دەروونی ئاژەڵیان هەیە:
كە جەنگی جیهانی دەستی پێكرد (ئەنیشتاین و فروید)بەنامە كەوتنە دووان، ئەنیشتاین ئەم پرسیارە لە فروید دەكات:
- دەكرێ جەنگ لە میژووی مرۆڤایەتییدا كۆتایی پێ بێت؟
وەڵامی فروید: بەكارهێنانی هێز و زەبر وتوند و تیژی هۆكاری سەرەكی بوون بۆ یەكاڵاكردنەوەی كیشەكانی مرۆڤ، ئەمەش ئەوە نیشان دەدات، که‌ بەشێك لەكاری مرۆڤەكان (ئاژەڵییە)
لەوەتەی مەسعود و جەلال سیاسەت دەكەن هەمیشە بەزەبری هێز كیشەكانیان یەكاڵاكردۆتەوە، بۆیە ئەم بیردۆزە پێمان دەڵێ(جەلال و مەسعود) دەرونیان دەروونێكی (ئاژەڵییە، نەك مرۆیی)
نمونە: لە 13.10.1997(ئێمە ئەگە ربزانین میشوولەیەك دوژمنایەتی پارتی دەكات ئەوە فوی تێدەكەین دەیكەین بەفیل) جەلالییەكان وتیان .
(لە مانگی ڕەمەزاندا(بوب بیر لێپسراوی CIA) ئەمەریكی و ئەحمەد جەلەبی دەچن بۆ سلیمانی و تكا لە جەلال دەكەن شەر بوەستێنی.جەلال دەڵی با ڕۆژۆكەم بشكێنم بیرێكی لێدەكەمەوە .*6
لە مانگی فابریوەری 1988 بەیارمەتی عزیز محمد پەیمانی ئاشتیتان بەست.
ئەمەریكی (بنامین فراكلین) شەری چاك و ئاشتی خراپ بوونی نییە.
لەو ڕۆژەوەی خێڵی بارزانی دەسەڵاتی سیاسییان هەیە، شەڕی خراپیان بۆ خراپ كردووە، ئاشتیان بۆ خراپتر كردووە .
فەلسەفەی شەڕ لەپیناوی یەكاڵاكردنەوەی كیشەكانە, ئەوان شەریان كردووە لە پیناوی شەڕدا.
محمد پیغمبەری مۆسۆڵمانەكان 1500ساڵ لەمەوبەر شەری دەكرد لەپیناوی گۆڕینی ئاوزانی كۆمەڵگا و شكاندنی بتەكانی كەعبە، یانی گۆڕینی ئاوزانی كۆمەڵگای جاهلی بۆ مۆدیرنی ئەو سەردەمە.
ئیوە شەردەكەن بۆ گۆرینی مۆدیرن بۆ جاهلیەت و بت پەرستی(جەلالی ومەلالی) جیاوازی نیوان سایكولۆجی سیاسی گۆڕان و ئێوە جیاوازی نیوان كۆمەڵگایەكی مۆدیرن وكۆمەڵگایەكی بەرغەلییە. مادام ئێوە دەسەڵاتی كۆمەڵگاتان سنوردار كردووە، كەواتە ئێوە مافی كۆمەڵگاتان زەوتكردوە.
فروید دەڵێ: (تەنیا ماف نیشاندەری دەسەڵاتی كۆمەڵگایه‌.


سەرچاوەكان:
1. ئاوڕێك ...سەعید كاوانی (كۆیستان) لاپەڕە 174.. ساڵی چاپ 1996
2. ڕۆژنامەی ئاوینە 08-2009
3. كوردستانپۆست
4. ووتاری قۆنتەراتیكی شەری براكوژی .جەزا چنگیانی و وتاریكی ڕۆژنامەی فرانكفۆڕن ڕوندشاو
5. سایتی سبەی 25-02-2010
6. ڕۆژنامەی الحیاە عربی 25-03-2009


سان پیترسبۆڕگ2010-02-26
[email protected]