نەوزاد هادى بەردەوامە کاری نایاسایی و زەوی داگیرکردن و دابەشکردنی

Sunday, 19/02/2012, 12:00

پەیامنێری كوردستانپۆست /٤ _هەولێر
سەرچاوەیەكى ئاگادار لە نەوزاد هادیی و تایبەت بە كوردستانپۆست راگەیاند، كە نەوزاد هادى پارێزگاری هەولێر، زەویەكانى گوندى دۆغانى سەر بە پارێزگاى هەولێری داوەتە كۆمپانیایەك، كە زەویەكەى كشتوكاڵییە، ئەوەش پێچەوانەى یاسایە و دەبوو زەوى سەخەری بدرایەتە ئەو كۆمپانیایە، بۆ ئەمەش ئێستا نەوزاد هادى لەسەر حیسابی زەوى و زارى شارى هەولێر و دەوروبەری قەرەبووى ئەو خەڵكە دەكاتەوە، كە زەویە كشتوكاڵیەكانیانى داوە بەو كۆمپانیایە، كە 42 چل و دوو خێزانن، سەرچاوەكە لە درێژەى قسەكانیدا وتیشى: براكەى نەوزاد هادى بە ناوى كردۆتە محامى ئەو چل و دوو خێزانە و بەو جۆرەش لەگەڵیان رێككەوتووە، كە بۆ هەر مەتر زەویەك پێیان بدرێت، لە سەدا پێنج مەتر زەوى و 5 پێنج سەد دۆلاریشى بدرێتێ! كە ئەمەش جۆرە بازرگانیكردنە بە خەڵك و خۆ دەوڵەمەند كردنیان.
هەمان سەرچاوە ئەوەشى نەشاردەوە كە بۆیە نەوزاد ئەو كارانە دەكات، دەزانێت ئەوەندەى نەماوە لە پارێزگاری لاببرێت بۆیە تا بتوانێت پڕۆژە و كاری نایاسایى دەكات لە پێناو زیاتر دەوڵەمەند بوونى، هەروەك چۆن زۆربەى بەنزینخانەكانى شاری هەولێر خۆى شەریكە بەشیانە لەگەڵ بەرزان قەسابی براى.