نه‌هامه‌تییه‌کانی خه‌ڵکی که‌رکوک به ده‌ست بڕیاره‌کانی جه‌لالی عه‌ره‌بپه‌روه‌ر،،!
Wednesday, 17/06/2009, 12:00
گه‌لی کورد له هه‌موو شوێنێکی ئه‌م کوردستانه ئه‌وه‌نده‌ی ئازار چه‌شتووه به ده‌ست ڕژێمه یه‌ک له دوا یه‌که‌کانی عێراقه‌وه هه‌رگێز له بیر ناکرێت،،وه له گه‌ڵ ئه‌وانه‌شدا خه‌ڵکی که‌رکوک و ناوچه‌ی گه‌رمیان پشکی هه‌ره زۆریان به‌رکه‌وتووه ،هه‌ر له گرتن - کوشتن - ئه‌نفال - ڕاگواستن -،،،،هتد. ئه‌مانه هه‌موو کۆمه‌ڵێک ده‌ردی سه‌رین بۆ ئه‌م گه‌له ، وه ئه‌وه‌ی ئێستاش جه‌لالی عه‌ره‌بپه‌روه‌ر ده‌یکات هیچی که‌متر نیه له‌و ئازارانه‌ی ئه‌م ڕژێمانه، جه‌لال کۆمه‌ڵێک بڕیاری زۆر نا مه‌عقولی ده‌رکرد و ده‌ر ده‌کات که به‌ڕاستی تاکی کورد بێز له کوردبوونی خۆی ده‌کاته‌وه ، وه نابێت هیچ که‌سێک شانازی به وه‌وه بکات که سه‌رۆکی عێراق کورده ،!وه ئه‌وه‌ی لێره‌دا قازانج ده‌کات و پشکی شێری به‌ر ده‌که‌وێت برا تورکمانه‌کان و برا عه‌ره‌به چاوڕه‌شه‌کانن ،که ده‌یانه‌وێت ببن به خاوه‌نی که‌رکوک و ،له‌ولاوه‌ش سه‌رۆکی هه‌رێم جار نا جارێک وه‌کو کارێک خۆی پێ ده‌ربخات ده‌ڵێت : سازش له سه‌ر کوردستانی بوونی که‌رکوک مه‌حاڵه‌و نایکه‌ین،،منیش ده‌ڵێم (ئه‌گه‌ر به‌و خه‌یاڵه ده‌ڵێ سازشی که‌رکوک مه‌حاڵه ،،،، مامه داویه‌تی به تورکمان قسه‌ی تۆ ڕۆژووی به‌تاڵه) ،وه‌ئێستا با سه‌یری بڕیاره‌کانی جه‌لال بکه‌ین له‌مه‌ڕ که‌رکوک ده‌ریکردووه:
* له سه‌ردانێکی بۆ ئه‌م شاره بڕیاری دا پۆسته باڵاکانی ئه‌نجومه‌نی پارێزگا یه‌کسان بن واته، 32 کورسی بۆ کوردی ژێرده‌سته،هه‌ر یه‌که له برا تورکمان و عه‌ره‌ب 32 کورسی و 4 کورسیش بۆ که‌مایه‌تیه‌کانی تر.
وه له ماوه‌ی یه‌ک مانگ ده‌بێت جێ به جێ بکرێت.
* دروست کردنی 100 خانوو بۆ شه‌هیدانی تورکمان له که‌رکوک.
* ئازاد کردنی تۆمه‌تبارانی ئاژاوه گێریه‌که‌ی 28 ی ته‌مموز، که کۆمه‌ڵێک لاوی کوردیان شه‌هید کرد له کاتی خۆ پیشاندانێکی هێمنانه‌دا.
*وه ئه‌مرۆش بریاری دا که سه‌رجه‌م تابلۆکانی سه‌ر فه‌رمانگه ره‌سمییه‌کان بکرێت به لاتینی.
وه له سایتی به‌ره‌ی تورکمانیدا له هه‌ڵمه‌تێکدا بۆ به تورکمانی ناساندنی هه‌ولێر ده‌ستی پێکردووه،
وه کاردانه‌وه‌ی لایه‌نه‌کان بۆ ئه‌م بڕیارانه چییه .به تاییبه‌تی تورکمان و عه‌ره‌به‌کان ؟
له به‌رامبه‌ر بریاری دابه‌شکردنی پۆسته‌کان ، دوای مانگێک داوای جێ به جێ کردنیان کرد بۆ ئه‌م مه‌به‌سته‌ش لێژنه‌یه‌کیان پێک هێنا بۆ جێ به جێ کردنی.وه له به‌یاننامه‌یه‌کیاندا ئه‌وه‌یان ده‌رخست که کورد ده‌یانه‌وێت پاشگه‌ز ببنه‌وه له بڕیاری سه‌رۆک کۆماری عێراق که کورده.
هه‌روه‌ها له دروست کردنی خانووه‌کانیش به زووترین کات هه‌وڵیاندا پرۆژه‌که بخرێته بواری جێ به جێ کردنه‌وه.
وه له ژێر فشار و هه‌ڕه‌شه‌ی تورکیا و تورکمانه‌کان ، ئاژاوه‌گێڕه‌کان ئازاد کران.
وه ئه‌مڕۆش بڕیاری گۆڕینی نووسینی تابلۆیه فه‌رمیه‌کانی سه‌ر فه‌رمانگه تورکمانیه‌کان بۆ لاتینی.لێژنه‌یه‌ک له پارته‌کانی ناو به‌ره‌ی تورکمانی پێکهات بۆ به‌دوا داچوون و گۆڕینی ئه‌م تابلۆیانه.
بۆ وا زوو ئه‌م کارانه ده‌که‌ن ؟! دیاره ئه‌وانیش شاره‌زای تاڵه‌بانی بووینه که پیاوێکی هیچ و دووڕووه ، به‌و مانایه‌ی که زوو له قسه‌کانی خۆی په‌شیمان ده‌بێته‌وه، هه‌ر بۆیه ئه‌گه‌ر وا نه‌که‌ن ده‌ترسن دوایی زۆر بینه‌و به‌رده‌یان پێ بکات، هه‌ر چه‌نده ناشتوانێ ئه‌م کاره بکات ،! چونکه ئه‌ردۆغان و به‌رپرسانی به‌ره شکاتی لێ ده‌که‌ن و له‌وانه‌یه پاڵپشتی نه‌که‌ن له کارو باره‌کانی دا.
جا ئه‌مانه و ئه‌و کارانه‌ی داهاتووی تاڵه‌بانی ده‌یسه‌لمێنن که به ته‌نگ کێشه‌ی کورد و چاره‌سه‌ر کردنی ئه‌م کێشانه‌وه نیه.. بۆ یه له کانگای دڵیه‌وه ووتی: دامه‌زراندنی ده‌وڵه‌تی کوردی خه‌ونی شاعیراقه‌یه. به‌ڵام هه‌وڵدان بۆ عێراقێکی ئازاد و سه‌ربه‌خۆ و پڕ له ئاشتی نێوان هه‌موو پێکهاته‌کانی عێراق ئاواتی تاڵه‌بانی خه‌ڵه‌فاوه
. سه‌یری ئه‌م لینکانه بکه‌ن:
http://www.awene.com/Direje.aspx?Babet=Hewal&Jimare=4006
http://www.awene.com/Direje.aspx?Cor=1&Babet=Hewal&Jimare=641
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
