دێ چه‌وا خو ژ قه‌له‌قا ئه‌زمونا پارێزى؟؟؟
Friday, 13/05/2011, 12:00
قه‌له‌ق و دوو دلى دده‌مێ ئه‌زمونان دا لناڤ قوتابيان يا بوويه ديارده, ژبه‌ر هندێ مه ب فه‌رى ديت ئه‌م چه‌ند تيشكا به‌رده‌ينه سه‌ر ئه‌گه‌ر و چاره‌سه‌رييان!
به‌لێ پێتڤى يه ل پێشى يێ ئه‌م دوو جورێن قه‌له‌قێ ژێك جودا كه‌ين..
يا ئێكێ: ئه‌و قه‌له‌قه كۆ مروڤى هشيار دكه‌ت و وه‌ل مروڤى دكه‌ت ,مروڤ باش كارێ خو بكه‌ت بو ئه‌زموونا.
يا دووێ: ئه‌و قه‌له‌قه مروڤى باوه‌رى ب خو نامينيت و داكه‌فتنه‌ك د كه‌ڤيته د شيانێن مروڤى دا و دبيته ئاسته‌نگ د رێكا سه‌ركه‌فتنا مروڤى دا,ڤێ قه‌له‌قێ د بێژنێ قه‌له‌قا نێگه‌تيف (سه‌لبي)
چه‌ند نيشانه‌ك بو قه‌له‌قا نيگه‌تيڤ دا قوتابى بزانيت و خوه ژێ ب پارێزيت.
1- نه‌شێت كوير هزرا خو د خواندنێ دا بكه‌ت 2- ئه‌و تشتێ د خوينيت نا ئێته بيرێ 3- هنده جارا خه‌ونێت نه‌خوش ژى دبينيت 4- گه‌له‌ك جارا دبيته ئه‌گه‌رێ هندێ قوتابى نه‌چيته ده‌واما خواندنگه‌هێ 5- گه‌له‌ك جارا حه‌ز دكه‌ت ئه‌زموونێ ته‌ئجيل كه‌ت ئانكو گيرو بكه‌ت 6- هنده جارا وه‌ك ئێشانه‌كێ دكه‌ڤيته سه‌رێ قوتابى و زكێ وى 7- گه‌له‌ك جارا وه‌كى خوهه‌كێ دگريت و د ره‌جفيت و رويێ وى سور دبيت 8- هه‌روه‌سا هنده جارا توشى زك چوون و عێلنجى يا دبيت ..
بوچى مروڤ ژ ئه‌زموونا د ترسيت؟؟
1- ده‌مێ قوتابى ب دروستى خواندنا خوه نه‌خوينيت هه‌تا خواندن هه‌مى دكه‌ڤيته سه‌ر ئێك ڤێجا ژ ده‌رحه‌ق نا ده‌ركه‌ڤيت
2- ئه‌ڤ چه‌نده دبيته ئه‌گه‌رێ هندێ كۆ قوتابى خو ب دروستى به‌رهه‌ڤ نه‌كه‌ت بۆ ئه‌زموونا
3- هه‌روه‌سا ب ره‌نگه‌كێ به‌رده‌وام هزركرنه‌كا نيگه‌تيڤ د خوه‌دا دكه‌ت
4- گه‌له‌ك جارا خێزان دبيته ئه‌گه‌رێ هندێ كۆ قه‌له‌ق لده‌ف قوتابى په‌يدا ببيت،چونكى گه‌له‌ك گازندا ژێ دكه‌ن و به‌رده‌وام دبێژنێ دڤێتن توو نمره و پلێن گه‌له‌ك بلند بينى
5- هه‌روه‌سا گه‌له‌ك جارا قوتابى بره‌نگه‌كێ ئاشوپى دگه‌ل خوه دژيت نه ب ره‌نگه‌كێ راسته‌قينه ونه وه‌ك شيانێن وى يێن دروست
6- هنده جارا د مه‌يدا ململانا قوتابى لگه‌ل هه‌ڤالێن خو،ده‌مێ وه‌ك پێتڤى سه‌ركه‌فتنێ نه ئينيت قه‌له‌ق بوو چێدبيت
7- هه‌روه‌سا گه‌له‌ك جارا قوتابى ب خوه په‌يامێن نيگه‌تيڤ بو خو فرێدكه‌ت و دبێژيت ئه‌ز چه‌ند بخوينم دێ هه‌ر فاشل بم يان چ ب ده‌ستێت من ڤه نائێت
8- هنده جارا رێكێن خواندنا قوتابى دبنه ئه‌گه‌را هندێ قه‌له‌ق بو چێببيت وه‌ك گه‌له‌ك لسه‌ر ئێك بخوينيت و تێ نه‌گه‌هيت ڤێجار بێ باوه‌رى بو چێدبيت و دكه‌فته د قه‌له‌قێ دا.
بڤى ره‌نگى دڤێت قوتابى خو ژڤان ئه‌گه‌ران و يێن وه‌كى ڤان ب پارێزيت..
دێ چه‌وا خو ژ قه‌له‌قا ئه‌زموونا قورتالكه‌ى؟؟
1- ده‌مێ ترس بوته چێدبيت كو توو نه‌شێى بخوينى و خواندن نا مينته د مێشكێ ته‌دا هه‌ر ئێكسه‌ر په‌يامه‌كێ بو خو بو روح و ده‌رونێن خو فرێكه و بێژه ئه‌و تشتێ من خاندى هه‌ميێ د مێشكێ مندا كوم بوى و چ گاڤا من دڤێت ئه‌ز دشێم دووباره بينمه بيرا خو
2- ئه‌و شيانێن خودێ داينه ته يێن خواندنێ و هزركرنێ و تێگه‌هشتنێ و ژبه‌ر كرنێ بلا ته باوه‌رى يه‌كا گه‌له‌كا موكم پێ هه‌بيت چنكى ئه‌ڤ كه‌سێن د ژيانا خودا ب سه‌ركه‌فتين ئه‌وژى وه‌كى ته‌بوون و وانژى هه‌ر ئه‌ڤ تشته هه‌بوون ڤێجا سوپاسيا نعمه‌تا خودێ بكه و ژدل بو خو بكاربينه
3- بلا ته باوه‌ريه‌كا موكم هه‌بيت كو مروڤ د شيانێن خودا ژێك جودا نه هه‌ر كه‌سه‌كى وه‌ك كه‌ساتيا خو شيانێن هه‌ين و خودايێ مه‌زن ئه‌ڤ شيانه يێ لسه‌ر هه‌ميا دابه‌ش كرين ڤێجا ئه‌و پشكا دايه ته باش بكار بينه
4- ب ره‌نگه‌كێ به‌رده‌وام هزرا خو د باشيێن خودا بكه و ئه‌و خالێن هێزێ يێ لنك ته به‌رده‌وام بلا ل بيرا ته‌بن
5- چوو جارا وه‌سا نه‌خوينه هه‌تا تو شر ببى و مێشكێ ته ب وه‌ستيێت به‌لێ ب ره‌نگه‌كێ به‌رنامه كرى دڤێت ته بهێن ڤه‌دان هه‌بن.
6- ئه‌و تشتێن بو بهێزكرنا مێشكى گرگ ب ره‌نگه‌كێ به‌رده‌وام بكاربينه وه‌ك به‌رێ خودا ره‌نگێ سور و زه‌ر و كه‌سك هه‌روه‌سا ڤه‌خوارنا شه‌ربه‌تێن فێقى و خوارنا فسته‌ق و باهيڤ و گويز و مێويژا و ڤه‌خوارنا شه‌ربه‌تا هنگڤينى
قوتابى به‌رى ئه‌زموونێ چ بكه‌ت؟؟
1- بزانه قه‌له‌ق فايدێ ته ناكه‌ت دێ ته به‌ره‌ف خرابيێ به‌ت ڤێجا بهه‌مى ره‌نگا پێگريێ ب ڤى به‌رنامه‌ى بكه و خو ژێ دويركه
2- ب چ رێكا خو نه‌هێله برسى به‌رى توو ب چيه ئه‌زموونێ مێشكێ خو نه وه‌ستينه
3- هه‌روه‌سا ب شه‌ڤێ گه‌له‌ك نه‌مينه هشيار ئه‌گه‌ر ته بڤێتن پشتى نڤێژا سپێدێ بخوينى بووته باشتره
4- گه‌له‌ك زيكا نه‌چه جهێ ئه‌زموون لێ دئێته كرن دا ئه‌و تشتێ ته خواندى د هزرا ته‌دا تێك نه‌چيتن ب گه‌نگه‌شه و پێشنيارێن هه‌ڤالێن ته
5- به‌رى توو بچيه ئه‌زمونێ نزيكى ده‌مژمێره‌كێ هه‌تا دوو ده‌مژمێرا خو ژ خواندێ ب دوماهيك بينه
6- ئه‌و تشتێن پێتڤى بوئه‌زموونێ باش هزرا خو تێدا بكه و دگه‌ل خو ببه
7- ئه‌گه‌ر تو بشێى هنده‌ك راهێنانێن وه‌رزشى يێن سڤك بكه وه‌ك (راهێناهێن سوێدى)
د هولا ئه‌زموونانڤه دێ چ كه‌ى؟؟
1- ب ره‌نگه‌كێ گشتى هه‌مى تشت يێ لسه‌ر به‌رپه‌رێ پرسيارا باش بخوينه و به‌رێ خو بدێ هه‌تا بوته وێنه‌كێ رون و ئاشكه‌را چێدبيت.
2- ژ وان تشتێن باشه ئه‌گه‌ر ده‌مژمێر د هولێ ڤه‌نه‌بيت بلا ده‌مژمێرا ته دده‌ستێ ته بيت
3- ده‌مێ توو ده‌ست ب به‌رسڤدانێ دكه‌ى ده‌ست ب وان پرسيارا بكه يێ ب ساناهى لده‌ف ته و ب دروستى تو به‌رسڤێ دزانى ئه‌ڤ چه‌نده دێ قه‌له‌قێ ژده‌ف ته به‌ن و دێ ته باوه‌رى پترب خو هه‌بيت
4- ئه‌گه‌ر توو دزانى كۆ به‌رسڤا پرسياره‌كێ تو دزانى به‌لێ نا ئێته بيرا ته دوى ده‌مى دا تێبينى يه‌كێ لسه‌ر بنڤيسه و هه‌ره ئێكا دى
5- هه‌ر ده‌مێ به‌رسڤا وێ پرسيارێ هاته بيرا ته ئه‌وا ته ژبير كرى ئێكسه‌ر لێ بزڤره و به‌رسڤێ بده
6- ده‌مێ توو به‌رسڤا پرسيارێن خو دده‌ى هه‌ره د جيهانا خويا تايبه‌ت دا و هه‌مى تشتا و هه‌ڤال و ده‌ور و به‌را ژبير بكه
7- هنده جارا دناڤ به‌رسڤدانێ دا چاڤێن خو بدانه سه‌ر ئێك و ده‌قيقه‌كێ بێهنا خو بهلكێشه و جاره‌كادى بزڤره نڤيسينێ
8- ده‌مێ توو دبينى هه‌ڤالێن ته يێ به‌رده‌وام دنڤيسن و به‌رسڤێ دده‌ن تو خو بڤێ هزرێ ڤه مژويل نه‌كه هه‌ر لسه‌ر وى به‌رنامه‌ى هه‌ره يێ ته بوخو داناى
9- هشياربى رێز به‌ندى يا ژمارا پرسيارێ دگه‌ل به‌رسڤدانێ خه‌له‌ت نه‌كه‌ى
10- هه‌ر به‌رسڤا ته‌دا بلا ئه‌و به‌رسڤ بيت يا ته هه‌مى قه‌ناعه‌ت پێ هه‌ى چ جار دوو به‌رسڤا نه‌ده و خو نه ئێخه د گومانێ دا
11- ده‌مێ توو ب دوماهى دئێى ژ به‌رسڤ دانێ جاره‌كێ ئان دووجارا هێديكا و ب بێهن فره‌هى ببه‌رسڤێن خودا وه‌ره و باش به‌رێ خو بده پرسيارا و ژمارێن وان و له‌زێ د هندێ دا نه‌كه توو زوى به‌رسڤێن خو بده‌يه‌ف ماموستاى.
12- ب هه‌مى ره‌نگا خو ژ قوپيايێ دوير بكه چونكى قوپيايێ نه خێرا دونيا ته تێدايه و نه ئاخره‌تا ته
تێبينى..ده‌مێ توو ژ هولا ئه‌زمونان ده‌ردكه‌ڤى گێولێ خو گه‌له‌ك خوش بكه و كه‌يفا خو بينه و گه‌له‌ك خو ب به‌رسڤدانا خوڤه مژويل نه‌كه چونكى خودايێ مه‌زن وسا مروڤێ په‌يدا كرى ده‌مێ مروڤ دكه‌فته د ئه‌زمونادا مێشكێ مروڤى هه‌مى هه‌ستێن مروڤى دگريت و كوم دكه‌ت ، پێتڤى يه ده‌مێ مروڤ بدوماهى دئێت بلا هه‌ستێن خو به‌رده‌ت دا توشى قه‌له‌ق و دوو دليا ئه‌زمونا نه‌بيت..ب هيڤيا سه‌ركه‌فتنه‌كا به‌رده‌وام دكه‌م بو هه‌مى قوتابيان.
بسپورێ چاره‌سه‌ريا ده‌رونى
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
