بیرتان نەچنەوە !

Monday, 27/10/2014, 12:00

ھەرلە سەرتاوە بێ شانس بون , ھەرلەسەرتاوە دەبوو تەمەنیان کورت بێت , ھەردەبوو ئەوانی کــورد بەگولـلەی کــورد ژیان بەجێ بھێڵن , ھەردەبوو تابلــۆ تـەواو نـەکـراوەکانی ئــازادی بەخوێنی ئەوان لەسەر شەقامەکانی نیشتیمان بنەخشێنرێن , ھەردەبوو لەسەر حسابی ئەوان کەسانی تر ببنە پاڵەوانی سەردەمی فەوزا و قەیرانی بێ متمانەی !!
ھەرکات شوێن کەوتنی بکوژانی نەوە شەھیدەکانی ١٧ ی شوبات و ڕۆژانی دوای و تاوانبارەکانیان بوبێتە جێگەی بایەخی ڕای گشتی ڕوداوێک خۆی قوت کردو وەتەوە , کارەساتێک بەسەر میللەتدا ھاتوە , لەلایەکەوە گۆڕانکاریە یەکی نێگەتیڤانەبوە و میللەتی بەخۆیەوە سەرقاڵ کردوە , ئەوەش لە شەن و بەختی تاوانباران و بێ بەختی ئەو ھەموو گەنجە شەھید کراوە !
ھەرلەسەرتاوە دەبوو خۆپیشاندانەکە لەمانگی شوبات نەبێت و لە مانگێکی تری ساڵی خۆیـن بارینەکە بێت ؟ چونکە ڕەنگە لەبری " ژیلوان و ھاوڕێ شەھیدەکانی " گوللە تەقێنراوەکان بەر دیواری ئەقڵی سیاسیە دۆڕاوەکان بکەوتایە و تـاکۆتای ساڵ و بۆ ھەمیشە کەس بۆ " ئــازادی و نەمانی ناعەدالەتی" خۆپیشاندانی نەکردایە !!
پێشڕەو حەمید