كوردستانپۆست سەلماندتەوە كەمینبەرى ڕاستگۆیى وعومەرفەتاح و وەزیرەكەشى شایەنى زیندان و دادگان .
Tuesday, 03/02/2009, 12:00
2194 بینراوە
كوردستانپۆست وەك مینبەرێكى ڕاستگۆو بوێر وەك ئەركێكى كوردانەى سەرشانى ڕۆڵى دیارو مەزن و بەرچاوى هەبووە لەهۆشیاركردنەوەى ئەو میللەتەو تاكى كوردى و بەردەوام پیلانى ناحەزانى كوردو دزى و گەندەڵى هەردوو بنەماڵە و كاسەلێسەكانى دەوروبەریان و ئیدارە گەندەڵەكانیانى ئاشكراكردوە كام بەرپرسى گەندەڵى پارتى و یەكێتى هەیە بەناوهێنانى كوردستانپۆست مووچڕكە بەلەشى دانەیەت و تووشى شۆك و چۆك دادان نەبێت باشترین بەڵگەش بۆ ئەو قسەیە هەوڵە دۆڕاوەكانیان بووە بۆ هاككردنى كوردستانپۆست و ناشیرینكردنى كوردستانپۆست لاى خەڵك و لاى كادیرە بێ مستەواو بێ دەسەڵاتەكانى خۆیان بەردەوامیش خەریكى ئەوەبوون لەدواوە خەنجەرى ژەهراوى بدەن لەپشتى كوردستانپۆست و زوڕناژەن و ماستاوچیەكانیشیان كەبەپارە و دۆلارى ئەم میللەتە فوودراون و دەم بەستراون بەردەوام بەزمانى بڕاو و سوتاویان ئەو ئاسنە ساردەیان ئەكوتیەوە كەنووسینە بەڵگەیى و ڕاستگۆیەكانى كوردستانپۆست دوورن لەڕاستیەوە یەكێك لەو بەرپرسە دزانەى كەلەپڕدەركەوت و كاروانى دزى و گەندەڵیەكانى سنوریان بەزاند دكتۆرمحەمەدخۆشناوى وەزیرى پێشووى تەندروستى ئیدارەگەندەڵەكەى عومەرفەتاح بوو كەبەسەدان بەڵگەو دیكۆمێنت لەسەر دزیە بێ شومارەكانى هەیەو هەفتە نیە ڕۆژنامەیەك گۆڤارێك ڕاگەیاندنێك باسى دزى و گەندەڵیەكانى نەكەن.كوردستانپۆستیش پاڵپشت بەچەندین بەڵگە و نووسین زۆر لەدزیەكانى ئاشكراكرد تاسەرئەنجام كارگەیشتەئەوەى كوردستانپۆست لەتەختى دەسەڵات هێنایەخوارەوەو لەڕوونكردنەوەیەكشدا ڕاىگەیاند كەوا باسكردن و نووسین لەسەر ئەم زاتە بێ تام بووە و چیتر بڵاوى ناكەینەوەو نمونەى بەوە هێنایەوە كەچەندین كەس پەیوەندى كردوەبەكوردستانپۆستەوە لەسەرووى هەمووشیانەوە كاك دكتۆرجەزاچنگیانى وتوویەتى بێزاربووین لەخوێندنەوەى نووسین لەسەر ئەم زاتە. بەڵام من بەپێچەوانەى ئەوان قسەیەكى تۆماركراوى كاك ئارام ئەحمەد ئەهێنمەوە كەئاراستەى ئەو دزانەى ئەكات وئەڵێ ...
((كاكە دز مەبن باخەڵك باستان نەكات ، گەندەڵ مەبن باخەڵك باستان نەكات ، ئێ كاكەدزن دز ن بۆیە خەڵك باسیان ئەكات و لەسەریان ئەنووسێت)) ، من لەنووسینەكانى پێشوو تریشدا ووتوومە و ئێستاش ئەیڵێم و لەداهاتووشدا ئەیڵێم و هەرنووسینێك لەڕۆژنامەیەكى ناوخۆئاماژە بەگەندەڵیەكانى بكات وەك وەڵامێك بۆ هەموولایەك باسى ئەكەم و ئەڵێم كوردستانپۆست مینبەرى ڕاستگۆیى و هەڵماڵینى دزیەكانى دكتۆرمحەمەدخۆشناو و عومەرفەتاح بووە .
ئەوەتا بۆ جارێكى تر ئەوەى پێشتر لەكوردستانپۆست نووسراوە و باسكراوە لەسەر ئەم وەزیرە دزەى شەریكى عومەرفەتاح ڕۆژنامەكانى ناوخۆش باسی ئەكەن كەئەمە باشترین وەڵامە بۆ ئەو ماستاوچى و بەرپرسە دز و گەندەڵانەى كەبەزمانى قرتاویان ئەڵێن ئەوەى كوردستانپۆست باسى ئەكات و ئەیڵێت دوورە لەڕاستیەوە ئەوەتا هەفتەى ڕابردوو ڕۆژنامەى هاوڵاتى لەژمارە 493 ى بەروارى 25 1 2009 لەلاپەڕە 2 لەهەواڵێكدا ئەڵێ ... ڕاگەیاندنى یەكێتى بەكامێراى حكومەت كارئەكات و لەدڕێژەى هەواڵەكەدا ئەڵێ ((دووساڵە دووكامێراى بەڕێوەبەرایەتى تەندروستى گەرمیان كەنرخى هەردووكامێراكە دوانزەهەزار دۆلارە و موڵكى تەندروستى گەرمیانەو لەلایەن وەزیرى پێشووى تەندروستى سلێمانى (دكتۆرمحەمەدخۆشناو) و بەڕێوبەرى گشتى پێشووى تەندروستى گەرمیان دراون بەتەلەفزیۆن و پەیامنێرى كوردسات لەگەرمیان)) .
جالێرەدا ئێوەسەیركەن خوێنەران مەگەر تەنها عومەرفەتاح بزانێت ئەم دووكامێرایە بەچەند لەسەر حكومەت كراونەتەماڵ ؟چەندیان بەوناوە ئەنفال كردوەو چەندى تریان هێناوەو ئاخۆ چەندان ئامێرو كەلوپەلى گران بەهاى ترى سەدان هەزارى و ملیۆن دۆلارى تر لەسەر حسابى ئەم خەڵكەو وەزارەتى تەندروستى بۆ دەزگاكانى ترى یەكێتى و ماڵى بەرپرسان و بازاڕى ڕەش ڕۆیشتبێت . هەر هەفتەى ڕابڕدووبوو ڕۆژنامەى ئاوێنەش لەژمارە 157 لاپەڕە 17
((ئەگەر نەخۆشخانە خۆى نەخۆش بوو چارەى چیە)) بەڕێزێك باس لەنەخۆشخانەى چەمچەماڵ ئەكات و ئەڵێ ... دواى چەندان داواكارى حكومەتى هەرێم لەبرى دروستكردنى نەخۆشخانەیەكى پێویست هەستابەنۆژەنكردنەوەى نەخۆشخانەى چەمچەماڵ بەڵام بەكەموكوڕیەكى زۆرەوە(كەئێستا جارێكى تریش پێویستى بەنۆژەنكردنەوە هەیە) زۆربەپەلە لە14 4 2005 حزب كردیەوە و كردیانە دیارى ئەو ساڵەى ئەنفال لەڕۆژى كردنەوەى نەخۆشخانەكەدا وەزیرى تەندروستى (دكتۆرمحەمەدخۆشناو) ووتى ... ئەم نەخۆشخانەیە نمونەیى دەبێت بەڕادەیەك خەڵك لەشارەكانى دیكەى كوردستان و عێراق سەردانى ئەم نەخۆشخانەیە دەكەن .
لەمەشیانا كوردستانپۆست ساڵێك لەمەوبەربوو ڕاى گەیاند و داى بەگوێیى مەكتەبى سیاسى و عومەرفەتاحا ووتى دكتۆرمحەمەدخۆشناو سەدان دەفتەردۆلارى بەناوى نۆژەنكردنەوەى نەخۆشخانەكان بردوە كەئێستا ساڵێك و دووساڵ تێپەڕنەبووە بەسەر ئەو نۆژەنكردنەوانەدا بوون بەكەلاوە . وەدەریشكەوت قسەزلەكانیشى (محەمەدخۆشناو) تەنها بۆ ڕاگەیاندن و چەواشەكردنى خەڵك و میللەت بووە .
ئێستا دووبارە ئێوە بڕیاربدەن خوێنەران كێ خۆڵ ئەكاتە چاوى ئەو میللەتەو كێ پەردە لەسەر دزیەكان و ڕووڕەشیەكانیان هەڵئەماڵێ ؟ .
