دەسەڵاتدارانی  باشوور  واز ناهێنن و دەیانەوێت دۆڕانەکەی بۆ بکەنە سەرفرازی و لەسەر خوانی خاکی باشوور  ئەردۆغان  بهێڵنەوە لەدەسەڵاتدا . 

سەرۆک کۆماری تورکیا "ڕەجەب تەیب ئەردۆغان" ناچار بوو دان بەوەدا بنێت کە هەڵبژاردنە ناوخۆییەکان بەو شێوەیە بەڕێوە نەچوون کە حزبەکەی پێشبینی دەکرد.

پارتێکی ئیسلامی بچووک دەنگدەرانی لە ئاکەپە وەرگرت و ئەردۆغانی ناچار کرد دان بە شکستەکەیدا بنێت لە هەڵبژاردنە ناوخۆییەکاندا.

سەرۆک کۆماری تورکیا ڕەجەب تەیب ئەردۆغان ڕاهاتووە ووتاری سەرکەوتن لە دوای هەڵبژاردنەکان پێشکەش بکات. زۆربەی ساڵانی نەوەدەکان سەرۆک شارەوانی ئەستەمبوڵ بووە و لە ساڵی 2003 ەوە سەرۆک وەزیران و دواتر سەرۆکی تورکیا بووە. بەڵام لەماوەی  ڕابردوودا  ناچار بوو لەبەردەم خەڵک بوەستێت و دان بەوەدا بنێت کە هەڵبژاردنە ناوخۆییەکان بەو شێوەیە بەڕێوە نەچوو کە پارتەکەی ئاکەپە پلانی بۆ دانابوو، هەرئەوەنا بەڵکو ترسی ئەوەی هەیە کە دەسەڵات لەدەست بدات .

ئاکەپە لە هەڵبژاردنەکانی ساڵی 2002 ەوە دەستی بەسەر سیاسەتی تورکیادا گرتووە و سەردەمی سەرکەوتنی هاوکات بووە لەگەڵ حوکمڕانی ئەردۆغان. ئەو پرسیارەی ئێستا دادوەران لە خۆیان دەکەن ئەوەیە ئایا ئەو سەردەمە کۆتایی هاتووە یان نا؟

 کاتێک ئەنجامی هەڵبژاردنی شارەوانییەکانی ژماردکرا، ئاکەپە لە هەڵبژاردنی شارەوانییەکانی پێنج گەورەترین شاری تورکیا دۆڕاند و لە سەدا 36ی دەنگەکانی بەدەستهێنا لەکۆی هەڵبژاردنەکان .

هۆکاری سەرەکی زیانەکە بە لاوازبوونی ئابووری دادەنرێت و  بوومەلەرزەکەی ساڵی ڕابردوو بارودۆخەکەی خراپتر کرد و ئامارەکان دەریدەخەن ئەو ناوچانەی کە زۆرترین زیانیان بەرکەوتووە دەنگیان دژی پارتی دەسەڵاتدار داوە.

 هاوکات ڕۆژنامەی فاینانشیال تایمز ئاماژە بەوە دەکات کە ئەردۆغان و هاوکارەکانی لە کاتی هەڵمەتی هەڵبژاردندا چەندین هەڵەی ستراتیژییان کردووە. YRP بوو، پارتێکی نوێ کە لەوانەیە دەنگدەرانی ئایینی بەدەست هێنابێت بە 

پرسیارەکەی ئێمە لێرەدایە ئەگەر ئەردۆغان لەدەسەڵاتدا نەمێنێت ، سوپا خوێن ڕێژەکەی تورک لەباشور پاشەکشێ دەکات ؟

بەداخەوە کە مێنتاڵی تورک بەگشتی لەچەپەوە تاڕاست و لەمیانڕەوەوە تا ئاینێکان لایان وایە  کە کورد نەتەوەیەکە دەکرێت لەناو بچێت و هەر هێزێک کە دەسەڵات دەگرێتە دەست وەک کەمالیستەکان  لەسەر نەمان و سەرکوتی کورد و بەتورک کردنی کوردو ئەرمەنی و نەتەوەکانی تر کار دەکەن . لەسەروو هەموو ئەو تاوانە قێزەونانەوە کورد خۆی  هۆکار بووە . ئەوەتانێ  ئەوەی دەسەڵاتی نییە  دژی سوپا ترسنۆکەکەی تورک کارێک بکات ، بەڵام هەم ماستی تورکی دەخواو هەمیش شەوبوێر ناکات بەدیار درامای تورکێوە ....

ئەم جەنگە لەبەر دەرگامانە  هەرئەم جەنگەش خەڵکانی زیاترمان ڵێدەکوژێت  ، بێناونیشان  پێویستە ئێمە لە مشتو مڕو ووتووێژ بەردەوام نەبین و کارەساتە وەک خۆی ببینین نەک پاساو بهێنینەوە بۆ ئەوەی  تورک زیاتر نیشتمانەکەمان سوتماک بکات .

تاک بەتاکمان بەرپرسین ، تۆڕەکۆمەڵایەتێکانی ئێمە پڕە لە باسی باڵی مریشک و  برنج وڕۆن وشلە  کەچی کەسمان باسی داگیرکاری تورک وترسناکە مردنەکەی گەلێک ناکەین ، کە خائینەکان زەمینەی بۆ خۆشدەکەن .  

کاک سۆران حەمەڕەش  ووتارێکی نوسیوە کە "تورک چی لەباشور دەوێت "

شایستەی  فێربوونە لێوەی .چونکە باسێکی مێژووی دەکات ودەڵێت: پەنا بۆ مێژوو دەبەم لەبەر هۆکاری ئەوەی کە ئامانجی سەرەکی نووسینی مێژوو، وانە وەرگرتنە، داخۆ کورد وانە لەمێژوو وەردەگرێت...!؟