ئێمە بەدەستی خۆمان ،خەونێکمان لەباربردوو  خەونێکی ناخۆشمان هێنا ، ئێستا هەرێم  هەژارترین ووڵاتە بەدەست پەروەردەی خراپەوە ، هەربۆیە ئێمە لەئاشوبی سیاسیدا  نقوم بووین ، دام و دەزگاکان وێران کران ، خێزانەکان لەبەر یەکتر هەڵوەشان  ووڵات هەمووی خاپورکرا ، تاکە کەسانێک کەسودیان لەم مەینەتیە بینیوە  یەک دوو  خێزانی نەفرەت لێکراون ، هەربەڕاستی ئەمانە شەیتانیان بەرجەستە کردووە . ئێمە تاکەی  لەوەناگەین کە "ئایندە  ئەوە نییە کەچاوەوڕێ دەکەین  خۆی بێت ، بەڵکو ئەوەیە کە کارێکی بۆ ئەنجام بدەین "  ئێمە هەموومان هەست بەگوناهێکی لەدەست چوو دەکەین ، بەڵام پرسیارە جەوهەرێکە لێرەوەیە . 

چۆن هەستینەوە ؟ 

 بەڕەنگێکی درەوشاوەوە سڵاو لەسبەینێکی نوێ بکەین ، لەبیرچونەوە گەلی ئێمەی هەلاهەلاکردووە ،  سەفەربەلک  ئەو وەیشومەیەبوو کە تورک کردە ناسنامەی گەلی ئێمە ، بەڵام ئێمە  چی لەو مێژووە فێربووین ؟  

هیچ ... کە دەڵێم هیچ مانای هیچ دێت ، چونکە ئێمە تاکە نەتەوەین کە مێژوو وەک داستانی شیرین و فەرهادو لەیل و مەجنون سەیر دەکەین ، ئێمە دژی مێژووین ، چونکە دەرەقەتی نایەین و نامانەوێت  بزانین چیمان بەسەر هاتووە ، چونکە کەزانیمان چیمان بەسەر هاتووە ، ئێتر وێران دەبین ، نەدرامای تورکی دەمێنێ سەیری کەین نەماستی تورکی ئیتر زەهر دەکەین . 

لەو هەرێمە لاقەکراوەدا جیاوازی هەیەو هەموومان دەیبینین . جیاوازی لەهێزدا ، جیاوازی لەبۆچونەکاندا ، جیاوازی لەپێگەکۆمەڵایەتێکاندا ، جیاوازی لە هەموو مرۆڤەکاندا کە ڕۆژانە ڕێدەکەن و نازانن بۆ کوێ دەچن ؟ 

کێ ئەم هەموو جیاوازیەی دروست کردوە ؟ 

خۆمان  .. ئاخۆمان . 

لاتان سەیرە ..!؟ 

بڕۆن سەیری ئەو ماڵۆچکەیەکە  کە دروستان کردوە لەتۆڕەکۆمەڵایەتێکانتاندا . 

ئێوە  منداڵی بەرپرسەکان نمایش دەکەن بێ ئەوەی هیچ پلانێکتان هەبێت  وێنەیان بڵاو دەکەنەوە ، بەسواری ئەسپەوە ، لەناو ئۆتۆمبیلە گولەنەبڕەکانیاندا ، لەمەلهاکاندا ، لە تیاتۆخانەکاندا ، لەباخچەکانی عەدەمدا . 

ئێوە شتێک پیشان دەدەن  نەک بۆئەوەی بیگۆڕن ، بەڵکو خەوبەو ژیانانەیانەوە دەبینن کە ئەوان هەیانە ، ئەمەیە گرفتەکە . 

ئێمە بەدبەختین ؟  

نا بەڵام خۆشبەختیش نین . 

ئەزانن کێ بەدبەختە ؟  

کەسانێک کە إێربوون بەدبەختی قبوڵ کەن ، ئەوانە بەدبەخت ترین مرۆڤی سەر ئەم ئەستێرەیەن . پەندێکی عەرەبی هەیە دەڵێت : هەمیشە حوشتر خەون وەوە دەبینێت لەناو لۆکەدا خەوتوە .  هەموو پارچەکتان لەنیشتمان دەوێت ، بادەست کەین بەبردنی وەک ئەوان کەبردیان ،دوایش جێگەیەک نامێنێ تێدا بمرین . لەژیانی ئەم ٣١ساڵەی حوکمی کوردیدا  ئەهریمەنێک هەمیشە لەگەڵماندا بووە ئەویش پەژارەیە و ترس، بەقوڵی دڵتەنگ مەبن  ئەوانە خۆیان لەهەموومان کردە سوارە چاکەکە . کۆرێکان دەڵێن : بەنەرمی قسەبکەو دارێکی گەورە هەڵگرە . زۆرجار کە سەیری هەرێم دەکەم  ئاگرێکی لەدەست دەرچووم دێتە پێش چاو ، کەمرۆڤ هیچ جارەیەکی نییە تەنها دەتوانێت سەیری خۆڵەمێشەکە بکات دوای دامرکانەوەی . بەڵام ئەم ڕووداوەی فڕۆکەخانەی سلێمانی  پێمان دەڵێط ئاگرەکە قۆرغێکی تێبووە  ، بۆیە دەتوانین لەوێوە دزە بکەین . بیرمان نەچێت پڵنگەکان کەڕاودەکەن نێچیرەکانیان ئاگادارناکەنەوە .  

 چ شەرمەزاریەکی ناقۆڵایە لەئاسمانەوە بۆردمانت بکەن و شەویش بەدیار دراماکانیانەوە دانیشی و خەونت ئەوەبێت گەشت بکەیت تا خۆت لەدەریای ئەو ووڵاتە هەڵکێشی کە هەمووڕۆژێک بەخوێنی پژاوت لەنوێژت دەبات .