لە بە ھاری ساڵی ١٩٩١ لە دوای زۆڵم و ستەمە یەک لە دوای یەکەکانی حیزبی بەعس ڕاپەڕینی گەلی کورد لە شاری ڕانیەوە دەستی پێ کرد، یەکێتی و پارتی بوونە ٢ حیزبی ھەڵبژێردراو و متمانەپێکراوی گەلی کورد.

ڕاپەڕین شێواز و دەسکەوت و قۆناغێکی خەبات و شۆرشی ھەر گەل و نەتەوەیەکە بۆ بەدیهێنان و جێگیرکردنی ئامانجەکان و بەدەستھێنانی دەستکەوتەکان و ڕزگارکردنی گەل و وڵا، بە چەندین شێوە و ھۆکار ئەنجام دەدرێت.

ئەگەرچی ڕاپەڕین لە ٥ی ئازاری ١٩٩١ لە ڕانیەوە، کە ناسراوە بە دەروازەی ڕاپەڕین دەستی پێ کرد، بەڵام لە ٣ی ئازاری ١٩٩١دا بۆ یەکەمجار وەکو دەستپێکی راپەڕین لە ئۆردووگای خەبات و کەڵکی ھەولێر شەڕێک لە نێوان پشدەرییەکان و بنکەی پۆلیس ڕووی دا، دەرەنجام ھەڵیان کوتایە سەر پۆلیس و دەستیان بەسەردا گرت.

 ٥ی ئازاری ١٩٩١دا ڕاپەرینی گەلی کورد لە شاری ڕانیە لە کاتژمێر ٩ی سەرلەبەیانی بە فەرمی دەستی پێ کرد، لە ھەموولاوە جەماوەر داڕژانە سەر کووچە و کۆلان و شەقامەکان، لە ڕادیۆکان و بڵندگۆی مزگەوتەکان خەڵکیان ھان دا بۆ ڕاپەڕین.

بە درێژایی مێژووی سیاسی گەلی کورد ھەمیشە ژێردەستەیی قبووڵ نەبووە ھەوڵی بە کەمینە کردن و لە ناوبردنی دراوە لە لایەن نەیارەکانیەوە.

بوژاندنەوەی خەڵک بوو لە ھەموو ڕویەکەوە ئابوری، سیاسی ، کۆمەڵایەتی ، کشتوکاڵ، پێکھێنانی حکومەتێکی کوردی خۆجێیی کە خزمەتکردنی ھاوڵاتیان بەرنامەی کاری بێت، خەڵک بتوانێت بەئازادی بژی و بتوانێت داوای مافەکانی بکات.

٢ حیزبی حکومڕان (یەکێتی و پارتی) بوونە ھۆکاری لە ناوبردنی ھەموو ئەو ئامانجانەی خەڵک ھەوڵی بۆ دابوو ، ئاڕاستەی ئامانجی ڕاپەڕینیان گۆڕی بە شێوەیەک خەڵک ئێستا وا بیردەکاتەوە دیکتاتۆرێکی لە ناوبردوە و ٢ دیکتاتۆر ھاتۆتە شوێنی.

دوای چەندین ساڵ لە حکومڕانی پێکھێنانی کابینە یەک لە دوای یەکەکانی حکومەت چەندین کێشەو گیروگرفتی ناھەموار بەرۆکی ھاوڵاتیانی گرتووە، وەکو کێشەی مووچە، نایەکسانی لەدابەشکردنی داھاتی ھەرێم ، ھەبونی گەندەڵی لە ھەموو سێکتەرەکانی حکومەتدا، نەبونی ھەلی کار ، بەردەوامبون و چارەسەرنەکردنی کێشە داراییەکان لەگەڵ حکومەتی ناوەند (عێراق).

بە بڕوای من پێویستە ھاوڵاتیانی ھەرێمی کوردستان ھۆشیارانە بیربکەنەوە چیتر متمانەیان بە ٢ حیزبی حکومڕان نەکەن وە دوریان بخەنەوە لە دەسەڵات بۆ ئەوەی چیتر ئامانجەکانی ڕاپەڕین لە کەدارنەکرێت و خەڵک ھیوایەکی بۆ بگەڕێتەوە ھەناسەیەکی ئازادی ھەڵمژێت.