هەر لەهاشم جەباری و سابیر عەبدولڕەحمان و جەمال بەرواری و ئیسماعیل گەیلانی و موحەمەد سەعیدی ڕا هەتا دەگاتەوە بێستوون لەتەلەفزێۆنی ڕووداودا.

ئەگەر بێین و سەرنجێکی سەرپێییانە بڕۆنینە ئەو پەنجاساڵەی ڕاگەیاندنی ئاڕاستەکراوی کوردی بەمەبەست، هەر لەدەمی دەورانی حیزبی بەعس هەتادەگاتەوە دەورانی پارتی، زۆرترین ئەوژەهرەی ڕژاوەتە ناو مێشکی نەوە بەدوانەوەی ئەو نیوسەدەیە لەسەر دەستی دوژمنانی کورد بووە بەکەرەستەی خۆماڵی جاشقەڵەمەکان لەبۆ نەهێشتن و لەبیربرنەوەی ئەو هەموو پەیڤە ڕەسەنەی کوردەواری و لابردنیان و جێگرتنەوەی بەقسەومسەی تەڕاویس و بێ واتاو پڕفشەی پێکەنیناوی بێتام لەبۆ لەخشتەبردنی ئەو نەوانەی کات و سەردەمی خۆیان، ئەویش بەنمایشێکی درۆزنانەی هەندێک کاراکتەری پۆشتەو تێرو تەسەلی قسەگەورەی بێئەرزش، کەتەنیا لەدانیشتن و کۆبونەوەکانیان لەگەر بەرپرس و دەستەو دایەرەکانی خۆیان لەبەر هیچ و پووچی و بێ کەسایەتیان بەردەرگاو ناوپێڵاوەکانیان لەبۆ ماوەتەوە لەبڕیار وەرگرتن لەبۆ شۆرینەوەی مێشکی ئەسڵەن گەنجە مێشک بەتاڵەکان بەتایبەتیش کەبەشێکی گرنگی ئاڕاستەی ژن دەکرێت، کەدەزانن لەوێوە کاریگەری ڕاستەقینەی لەسەر تەواوی تێکدانی خێزان دەبێت بەگەورەو گچکەیانەوە لەبەر ڕووی شاشەی وەک خۆیان گۆتەنی تەلەڤزیۆنە بێڕکابەرەکانیان و سۆشیال میدیا سێبەرەکانیان.

سابیر عەبدولڕەحمان، زوو پارتی و دواتر بەعسی و دیسان پارتی لەتەک زۆرانێک لەو بەناو هونەرمەندانەی دەمی خۆیان لەدژی ئەودەمی هێزی پێشمەرگەی کوردستان، بەتایبەت شەخسی کۆسرەت ڕەسول و کۆمەڵەی ڕەنجدەران و یەکێتی لەئیزاعە شەپۆڵ کورتەکەی مەوقیعی مەعەسکەری هەولێرێ لەگەر گەردی بەیانیان لەدژی نەعرەتەی کوڕەکانی کوران و تەیراوەو سێتاقان و حەی سەدامی بەتەواوی مێژووی خۆڕاگرتنی بەعسیەکان دادەڕشایەوەو سەرنجی خەڵکی لەسەر تاوانەکانی حیزبی بەعس و بەکوشتدانیان لەقادسیەی سەدامی لادەبردو دەیخستە سەر عەبدوڵای گەنم دز، گوایە کۆسرەت پارەی گەنمی سایلۆی دزیەو گەیاندویەتیە شاخ و دەستی تێکدەرەکان وەک خۆی گۆتەنی کەبەعس ووشەی موخەریبی کردبووە بەر هێزی پێشمەرگەی کوردستانی ئەودەم.

هەر زۆری نەبرد، بەبەراوردی ئێستای ڕووداو ئاڤاو تەلەڤزیۆنە حێزبیەکانی دی بێ جیاوازی کەخەریکی شۆرینەوەی کوڵتوری کوردەواری ڕەسەنن، ئیسماعیل گەیلانیەکی پۆشتەو ڕوح گەورە بووە مێوانێکی ڕەزاگرانی شاشەی تەلەڤزیۆنی قەناتی کوردی کەرکوکێ بەسەرۆکی قوماندار ئەویش لەبەعسیەکی عەیار بیست و دووی وێنەی هاشم جەباری کەونه جەلالی دەمی مەلا مانتۆڕی دواتر ئۆتۆماتیکی لەدەمی ڕاپەڕین بۆوە پارتی و قایش و قڕۆشەکەی دەمانچەی بەرنێکی چەپ و خوار بەستاو مەرگ زوو ڕێی پێگرت و نەیهێشت زیاتر سواری ڕاگەیاندن و زمانی کوردی بێت.

هەر لەو دەمەی بوو، کەپێشمەرگە تەنیا دوو خوولەکی لەبەر دەست بوو نەک پێنج خوولەک هەتا بگاتە بن ڕەبایەی جاش و عەسکەرو لەگەر ڕمبەی ئاڕپێجی بگاتە ناو ڕەبایەی دوژمن لەبۆ بەسزاگەیاندنی خاک فرۆشان، ئەودەمیش حیزبی بەعس لەڕادیۆی کوردی ئێستگەی بەغدا لەساڵحیە لەهەردوو کەڕەتی گۆرانی داواکراو بەیانیان و ئێواران کەزۆرینەی کورد جەماوەری بوو لەبەر بیستنی گۆرانی ڕەسەنی کوردی دەنگی حەسەن زیرەک و موحەمەد عارف و دەیانی تر، وەک مووی بەرکەپوو جەمال بەرواریەکی ساقیت و کەتووی کۆمەڵایەتی و بەعسیەکی گوێڕایەڵی کردبووە پێشکەشکاری ئەو بەرنامەی و ئەودەم وەک ڕێکارێکی مۆدێرن لەداخوازی گۆرانی داواکراو بەتەلیفۆن بەحەمام خووشە، مێشکی خێزانی کوردی لەجۆڕکی کردبوو.

زۆرن ئەوانە تەواو نابن، ئەگەر لەئەسعەد عەدۆیەوە شۆڕبیەوە هەتا دەگاتە بێستوونەکەی پاشێڤی ڕووداو لەمەدعی ئەو دەسەڵات و سەرکردایەتیە خایەنکارەی کوردی لەبۆ مژول کردنی عەقڵی کێشکەی بێن کورتی ئینسانی کورد لەبۆ لەبیر بردنەوەی خاک فرۆشتن و مووچە پێنەدان و دزینی لەبۆ کێ زیاتر دەنوووسێ پاشێڤی ڕووداوو مەنجەڵە دۆڵمەو کفتەکەی پارشێویان و قسە بێسەروبەرو پێکەنینە درۆزنانە و ڕێکخستنی ئەوجۆرە مێوانداریە پێشوەختە بەبەرنامانە و بەخەیاڵ خستنی گەنجەکانمانە لەناو ئەو ڕووداوە کارەسات بارانەی کوشتنی بەکۆمەڵی خێزانەکان بەڕووداوە بەناو کۆمەڵاتیەکان کە لەشارەکانی هەولێرو سلێمانی و کەرکوک و سەید سادق و چەمچەماڵ و پێنجوێن تەنیا لەماوەی یەک مانگ ڕوویان داو گەورەو گچکەی خێزانی تێدا خەڵتانی خوێن کرا، واخەڵکیان غەم ساردکردووە لەبری تاسان خەڵک لەهەودای ئەوەیە کێ زیاتر لەکۆمێنتەکان بنووسێ پاشێڤی ڕووداو، ئەوەش ڕەنگدانەوەی عەقڵیەتی پارتیە لەبۆ درێژەدان بەحوکمی ناڕەوایان و خەڵک لەقاڵب دانە بەوێنەی فەرمان دۆلارو حەمید موختارەکانی دەسەڵات.