هەولێر، قەڵای ستەمکاران و بەهەشتی خایەن و لەشفرۆشان و زیندانی ئازادی خوازان

هاوڕێ کوردی، سەرەڕای تەندروستی ناجێگیری و دۆخی خراپی باری کۆمەلایەتی و بژێوی. بەڵام لاوێکی جیا لەوگەندەڵە تەڕاویسه کۆیلانەی شاری هەولێرێ یە، کەلەدوای ڕاپەڕین لەهەموو هەڵکشان و داکشانێکی هەڵمەتی جەماوەری زۆرجاران بەتاقی تەنیا ڕووبەڕووی ستەمی دەسەڵات بووەتەوەو بەتایبەت، پارتی و کاسەلێسەکانی لەسەنگەری چاودێری کردنی بوونەو بەردەوام بەدواوەی بوونە، تا دەساڵێک بەر لەئێستا لەشەوێکی تنۆک بەچەقۆ هێرشیان کردە سەری و زۆر بەخراپی برینداریان کرد.

دەیان جاریش لەناڕەزاییە جەماوەریەکان دووچاری گرتن بۆوەتەوە.

هەتا کار گەیشتە ئەوەی بێزاری بکەن لەگەڕەکی مامزاوە سەرەڕای بڕینی کارەبای ماڵەکەیان کەکرێچی بوون، پارێزگاری هەولێر بانگی کردە لای خۆی و بەبەڵێن و قسەی لووس نەیاتوانی لەخشتەی بەرن.

ئاشکراشە، هاوڕێ کوردی لایەنگری جەنگاوەرانی شۆڕشی ئازادی کوردستان بوو لەهەموو بەشەکانی کوردستانی گەورە بەتایبەت قەندیل، ساڵانە بەشداری چالاکی ئاهەنگەکانی نەورۆزی دەکردو پێدەچێت ئەوجارەشیان لەسەر داخوازی دەبێ میت بێت لەهەولێر، لەدەمی نێزیک بوونەوەی ئاهەنگەکانی قەندیل بەومانگی ڕەمەزان لەناو ماڵەکەی خۆی بەبەردەمی منداڵەکانی لەدەمی فتار کەسانێک بەجلی مەدەنی لەبۆشوێنێکی نادیاریان ڕفاندووەو تائێستا بێ سەروشوێنەو هیچ ڕوونکردنەوەیەکیشی بەدوادا نەهاتووە جگە لەپشتگیریەکی کەمی هاوڕێ و خەڵکی وڵات پارێز.