دەربارەی گۆڕان و نەگۆڕانەکانی: یاد کردنەوە، رەخنە، روانگە - بەشی شەشەم
Wednesday, 13/03/2013, 12:00
بەشی شەشەم: بیری گۆڕان و خۆپیشاندانەکانی هەڵەبجە شەهید و ئەفسانەی گۆڕان
"سیاسەت فەلسەفەی ئەخلاقە لە کردەوەدا ئەنجام دەدرێت."
[ئیسا بێرلین مێژوونووسیی ئایدیاکان]
لە سالی ٢٠٠٢ ەوە وەک وەرگێری ئازاد/فریلانس بۆ بەشی چاودێرییی بی.بی.سی [ بی.بی.سی مۆنیتەرینگ سیرڤیس ] کارم دەکرد. برادەریكی زۆر شارەزاو پرۆفێشنەل و خزمەتگوزار کاک محەممەد ئاغا یەکەمجار بۆ چەند ساڵ بەرێوەی دەبرد و دەوری سەرەکی هەبوو لە پێشخستن و جێگیرکردنی ئەو بەشە کوردییە ، دوای ئەو کاک رۆمان زاگرۆس بە هەمان هەستی دلسۆزیی و پرۆفێشنالییەوە بەشەکەی پاراست و پێشخست. تیمێکی چالاک و دلسۆز کاریان تێدا دەکرد. [[گەرچی ئەم نووسینەبیرەوەری نییە و سەرپێیی ئاماژە بۆ ئەو ئێستگانە دەکەم کە پێوەندیان بەم باسانەوە هەیە، بەلام لێرەدا ناتوانم باسی داخێکی گەورەو ترازیدی نەکەم: هاورییەکی هەرە خۆشەویستی هاومێزیی خوێندنی زانکۆم لە بە غدا لە سەرەتای حەفتاکاندا، کە پێوەندیمان هەر پاراستبوو، لەو بەشەدا دوو ساڵێک بوو دامەزرابوو، ناوی کاک سەعدوڵڵا محەممەد بوو، یەکێک بوو لە کەرکوکییە هەرە رووناکبیرو بیرئازادو نەتەوەییە دلسۆزەکان و ئازاکان. بەداخەوە لە نەکاو تووشی شیرپەنجەی جگەر بوو، دوای ساڵ و نیوێک بەرگریی ئازایانەو پربەرهەم، ئاخری سەرەتان کوشتی و داخی بۆ دۆستانی بەجێهێشت. یادی بەخێر.]].
منیش تەنیا لە بەر پێخۆشبوون و گرنگیی ئەم کارە لە زۆر رووەوە وەک زێدەکارێک ئەنجامم دەدا. هەرچی بەلای ئەو بەشەوە لە هەوال و وتارو رووداو گرنگ بووایە لە رۆژنامە عێراقییەکان عەرەبی و بەتایبەتی هی کوردیی ، برادەرانی بەرێوەبەر بە پلەی یەکەم بۆ منیان دەنارد چونکە لە لەندەن بووم و خێرا ئەنجامم دەدان و کوالیتی تەرجەمەکەشیان زۆر بە دڵ بوو. بەمجۆرە لە جیاتی ئەوەی خۆم بەدوای هەواڵ و وتاری گرنگ لە یەک بەیەکی رۆژنامەی کوردستان وعێراقدا بگەرێم بە ئامادەیی دەهاتنە بەردەمم بۆ خوێندنەوەو تەرجەمەکردن، ئەمە بێگومان لایەنێکی تریشی هەبوو کە دەتتوانی تۆش چاودێریی ئەوە بکەیت حکومەتی بەریتانی و ئەمریکی، کە پرۆژەکە هاوبەش بوو لە نیوانیاندا ، چۆن بیر دەکەنەوەو چیان بەلاوە گرنگە بییزانن.
بەم جۆرە هەر لە تەرجەمەکردنی یەکەم راگەیاندنی سیاسیی کۆنفرانسی ئۆزیسیۆنی عێراقی کە لە لەندەن لە دیسەمبەری ٢٠٠٢دا بەسترا و من هەر لە رۆژی بلاوبوونەوەی بۆ ئێوارە تەرجەمەم کرد [ ئەمە دەقەکەیەتی]
http://www.waranddecision.com تا زۆربەی هەرە زۆری وتارو راگەیاندن و بەیاننامەو پرۆژەکانی حیزبە کوردییەکان تا وتارەکانی کاک نەوشیروان من تەرجەمەم کردوون و ئەم کارەم تا ٢٠١٠ ش بەردەوام بوو. ئەمە وایکرد نەک هەر ئاگاداری هەموو رەوشی سیاسیی و گشتی کوردستان وعێراق بم بەڵکو رۆژ بە رۆژ بە دوای رووداەوکان بکەم و ئاقاری پەرەسەندنیان تێ بگەم.
ئەوەی هەستم دەکر لەو هەلبژاردنانەی بی.بی.سی دا بۆشایی هەیە، نەبوونی رە نگدانەوەی تەواوی رەخنەو نارەزایی شەقامی کوردیی بوو دژی گەندەڵیی و دەسەڵاتی گەندەڵ. . زۆر وتاری رەخنەیی لە دەسەلات هەلدەبژیردران بۆ تەرجەمەکردن. بەلام بەس نەبوو. جگە لەوەی خۆم دەیان وتارم لەم بارەوە بە ئینگلیزی بلاو دەکردنەوە، بۆ پرکردنەوەی ئەم لایەنەو گەیاندنی دەنگی گەنجان و نەوەی نوێ بە دنیا لە سالی ٢٠٠٧ ەوە دەستم کرد بە تەرجەمە کردنی هەڵبژاردەیەک لەو وتارانە. هەرچەند ئەمە گوشارێکی زۆر بوو لە سەرم: چونکە ئەو کاتە سێ کاری رەسمیم هەبوون: ئەو تەرجەمەی رۆژانەی بی.بی.سی، دەرس وتنەوە لە هەندی کۆلیژو مەشقپێکردن بۆ ڕێکخراوەکانی کۆمەلگای مەدەنی بیانی و بەرێوەبردنی رێکخراویکی گەورەی ناحکوومی لە لەندەن. بەلام ئەم کارەم بە پێویست دەزانی.
ئەو زنجیرە وتارانەی گەنجانی کورد بە دوو زنجیرە بلاوم کردنەوە:
１. یەکەم بە ناوی:" کوردان هاواریانە بۆ گۆڕان'
Kurds Are Crying out for Change
ئەم زنجیرە وتارەم لە ١٥/٢/٢٠٠٧ دەستپێکرد، یەکەم وتار کە تەرجەمەم کرد هی کاک پێشرەو حەمید بوو کە ئەوکاتە دیارە نە دەمناسی نە ناوم بیستبوو تەنیا وتارەکەی سەرنجی راکێشام کە ناونیشانەکەی ئەوە بوو: پرسیارو پرسیار بۆ ئەو بەرپرسانەی گوێیان نییە ؛
http://www.ekurd.net/mismas/articles/misc2007/2/kurdlocal319.htm ئازایانە نووسرا بوو، ناوەرۆکێکی توندیشی هەبوو. ئێستا کە لە رێگەی گوگل ەوە وتارەکەم دۆزیەوە وخوێندمەوە دەبینم پێشەکییەکیشم بۆ دەستکردن بەو زنجیرە تەرجەمانە نووسیوە بەرنامەیەکیشم بۆ چاکسازیی تێدا پێشکەشی دەسەلات کردووە کە رەنگە دەیەم یان سەدەم پێشنیازی بێ هوودەو بێ وەلامی وا بوو بێت. ئەم زنجیرە وتارە بە درێژایی ٢٠٠٧ بلاوکرانەوە
٢ زنجیرە وتاری تەرجەمەکراوی دووەم بە ناوی: کورد هاواریانە دژی گەندەڵیی:
Kurds are crying out against corruption
ئەمانەش بە درێژایی ٢٠٠٨ بلاوکرانەوە. یەکەم وتار کە ئەویش پێشەکی لەگەڵە هی نەبەز گۆران بوو بە ناونیشانی: کێ گەندەڵ نییە دەست هەڵبڕێت؟.
http://www.aliraqi.org/forums/showthread.php?t=82953 ئەمەش پێشەکییەکی لەگەڵەو زنجیرە وتارەکان پێشکەشی جۆرج بوش و ئیدارەی ئەمریکی کراون تا ئەو گەندەلی و فەسادو ىێدادییە تێبگەن کە لە کوردستاندا بە پشتگیرییکردنی دەسەلاتی حیزبیی بنەماڵەیی گەندەڵ دروستی دەکەن.
ئەمەش لینکی چەند نموونەیەکی ترە لەم زنجیرە وتارەتەرجەمەکراوانە:
http://www.ekurd.net/mismas/articles/misc2007/2/kurdlocal319.htm http://www.kurdishaspect.com/doc020108BK.html http://www.kurdishaspect.com/doc020208DA.html http://www.kurdishaspect.com/doc020108BK.html http://www.kurdishaspect.com/doc020408KM.html http://turkmenfriendship.blogspot.co.uk/2008/01/kurds-cry-out-against-corruption-part-2.html ئەفسانەی گۆڕان
ئەم زنجیرە وتارانەو سەدان وتار کە لە لایەن گەنجانی کورد لە سایتەکانی کوردستانپۆست و کورسدتاننێت و سایتەکانی تر و لە رۆژنامەکانی کوردستانیش بە تایبەتی هاولاتی و ئاوێنە وگۆڤارە ئەهلییەکانەوە بلاودەکرانەوە هەر لە ٢٠٠٥ ەوە و دەیان خۆپیشاندان کە لە کوردستان دژی دەسەلاتی گەندەڵ دەکران وبەتوندیی و دڕندەیی لەلایەن ئەوانەشەوە کە خۆیان بە ریفۆرمیست دادەنا سەرکوتدەکران، ئەو ئەفسانە بە درۆ دەخەنەوە، کە جەماوەری کوردو گەنجان، هوشیاریی و غیرەت و خەباتیان دژی دەسەلاتی ستەم و تاوان نەبووە و تەنیا بە دەرکەوتنی گۆڕان خەلک فێربوون کە قسە بکەن و خۆپیشاندان بکەن. من هەر خۆم تا ٢٠٠٨ زیاتر لە ٧٠٠ وتارم بە ئینگلیزی نووسیوە جگە لە وتارە کوردییەکان و رەخنەگرتن لە دەسەلاتی بەربەری حیزبی هەر لە هەشتاکان و نەوەتەکانەوە لە لایەن دەیان نووسەر کە لە گۆڤارو مانگنامەکانی هەلوێست، پەیڤ، هەنگاو، هەتاودا بلاودەکرانەوە.
لە بەر ئەوە ئەو ئەفسانەیەی کە گۆران خەلکی فێری رەخنەو نارەزایی دەربڕین کرد درۆو ئیهانەو سووکایەتییە بە کەسێتی و کەرامەت و ئازادیخوازیی و ئازایی مرۆڤی کورد و هەولیکە بۆ چەسپاندنی ئەو ئەفسانە خەتەرناکەی کە تەنیا پیاوانی شاخ و حیزبی بەربەریی شاخ خاوەن و دروستکەری نەک تەنیا مێژووی کوردن بەلکو ئینسانی کوردیشن و بە بێ ئەوان کورد ناتوانی بیر لە ژیان و ئازادیی و گۆڕان بکاتەوە!!
ئەوەی جێی بێزو شەرمەزارییە بەشداری دەیان بە ناو ڕۆشنبیری بۆشنبیرە لە بانگاشەکردن بۆ ئەم ئەفسانە ریسواکەرەدا.
هەندێ لایەنی گرنگ کە ئەم حەقیقەتە روون دەکەنەوە لەو پێشەکییەدا روون دەبنەوە کە بۆ زنجیرە وتاری: کورد هاواریانە بۆ گۆڕان نووسراوە [ سەیری ناونێشانەکەشیان بکەن: هاواری کورد بۆ [گۆڕان] لە دەیان وتاردا کە لە سالی ٢٠٠٧ دا بلاوکراونەوە]. بۆیە بە پێویستی دەزانم بە چەند خالێک ئاماژەی پێ بکەم و تەرجەمەی بکەم:
١ راستی یەکەم: جەختکردن لە سەر ئەوەی بە سەدان وتار لە لایەن گەنجەکانەوە دژی دەسەلات و هاوارکردن بۆ گۆڕان دەنووسرێن: پێشەکییەکە لە یەکەم رستەدا ئەوە روون دەکاتەوە
１.
ئەم کۆمەلە وتارانەی هەلبژێردراون بۆ تەرجەمە بەشێکن لە
[ سەدان وتاری لەم جۆرە کە لەلایەنگەنجانەوە دەنووسرێن و لە سایتەسەربەخۆکان و تەنانەت لە رۆژنامە ئەهلییەکانیش لە کوردستان بلاو دەبنەوە. هەروەها سەدان وتاری عەقلانیی ، شیکار، و ئایدیا وپێشنیاز کە پێشکەش بە حکومەتی کوردیی و بەرپرسان کراون. :
The article I have translated below is one of hundreds of similar articles that have been and are being written and published by young people on independent Kurdish websites and even in many local independent newspapers in Kurdistan. There are also hundreds of rational articles, analyses, ideas and proposals presented to Kurdish government and party officials.
٢ جەختکردن لە سەر نارەزایی و خۆپێساندانەکانی خەڵك:
واتە لە وتارەوە بۆ خەبات و کردار: پیشەکییەکە روونی دەکاتەوە کە لە سەرەتای سالی ٢٠٠٦ ەوە دەیان خۆپیشاندان و نارەزایی دەربڕین دژی دەسەلاتی گەندەڵ دەکرێن.
خۆپیشاندانەکانی هەڵەبجەو سووتاندی مۆنیومێنتەکە
بەتایبەتی جەخت لە سەر خۆپیشاندانە جەماوەرییە بەهێزەکانی هەلەبجە دەکات کە مۆنیومینتەکەی تێدا سووتێندرا. ئەمە بە لوتکەی نارەزایی لە دەسەلاتیک کە هیچ بەهایەکی نەتەوەەیی و ئەخلاقیی و ئینسانی نەهێشتۆتەوە، نیشان دەدات. دەنووسێت:
[[ پار[٢٠٠٦] نارەزایی خەلک بووە هۆی سەرهەڵدانی خۆپیشاندانی جەماوەریی لە نزیکەی هەموو شارو شارۆچکەیەکی کوردستان. لوتکەیەکی خەفەتاویی و ترسناکی ئەم خۆپیشاندانانە سووتاندنی مۆنیومێنتەکەی هەلەبجە بوو. ئەمە نموونەیەکی ئیکستریمی توورەیی ئێکستریمی خەلک بوو لە گەندەلی و تاوانکاریی دوو حێزبەکانی دەسەلاتی باشووری کوردستان. بەجددی من بیرم کردەوە دوای ئەم رووداوە بەرپرسانی یەکێتی دەبی بەلای کەمەوە بیر لە خۆکوشتن یان بە جێهێشتنی کوردستان بکەنەوە بۆ هەتا هەتایە. ئەمەشۆک بوو کە دوای کارەساتەکە نەک هەر بیزنس وەک خۆی مایەوە، بەلکو شتەکان تەواو خراپتر بوون، وگەندەڵی گٶرا بە شیوەیەک لە فاشیزمی بیدائیی بە هەراسانکردن و ئازاردانی رۆژنامنەووسان، گرتن و زیندانیکردنی گەنجان، و گۆڕینی گەندەلیی و دروستکردنی ئیمراتۆریەتی خیزانی و مافیایی بە جۆرێکی ئاسایی حکومەتکردن وپراکتیسی دەسەلات. ]]
Last year the frustration of Kurdish people resulted in mass demonstrations almost in every city and town, a very sad and terrifying climax of which was the burning of Halabja monument. This was the extreme example of the extreme anger of our people at the corruption and criminality of the two ruling establishments of south Kurdistan. I honestly thought that after this incident the officials of PUK at least must be thinking of suicide or leaving Kurdistan for good. It is shocking that it was not just business as usual but the matters became much worse developing into a kind of corrupt primitive fascism with harassing and persecuting of journalists, imprisonment of young people and turning corruption and building family empires and mafias into an accepted normal way of government and practice of power.
راستی خۆپیشاندانی هەلەبجە پێویستە بە یەکم بلێسەی راپەرینی نوێ دژی دەسەلاتی گەندەڵ دابنرێت و شەهید کوردە بە یەکەم شەهیدی راپەڕینی نوێ دابنرێت گەرچی تاوانکارانە ئەم خۆپیشاندانە لەلایەن مافیاکانی یەکێتی یەوە سەرکوت کرا. لە هەلەبجەی شەهید تەقە لە خەلکی شەهیدی هەلەبجە بکرێت و بکوژرێن ئەمە لوتکەی بێئابڕویی دەسەلاتی کوردیی کوردکوژ بوو. بێئابرووییەکە هەر کارەساتەکە نەبوو: ئەو هۆکارانەی ستەمگەریی، داگیرکاری، دزیی، گەندەڵی، نەبوونی داپەروەریی کۆمەلایەتی و یەکسانی، هتد بوو کە بوونە هۆی ئەو کارەساتەو خۆپێشاندانەکان لە سەرتاسەری کوردستاندا.
ئەو کاتە نەمانبیست کەس لەوانەی خۆیان بە ریفۆرمیست دەزانن دژی ئەم تاوانە نائەخلاقییە گەورەیە دەنگ هەڵبرن یان دەست لە کار بکێشنەوە.
خۆپیشاندانەکانی هەلەبجەو سووتاندنی مۆنیمێنتەکە گەورەترین دەنگدانەوەی لە رۆژنامەکانی دنیادا دایەوە، نیویۆرک تایمز لە لاپەڕەی یەکەمیدا وتارێکی سەرەکی لە سەر نووسی کە جەختی لە سەر گەندەلیی و ستەمگەری دەسەلاتی کوردیی دەکرد. وا بزانم یەکەم کاری قوباد تالەبانی، وەک زمانحالی حکومەتی هەرێم [کە تا نەبوو بە نوێنەر لە ئەمریکا هیچ کوردێکی لەندەن قەت دەموچاوی نەدیبوو، لە هیچ چالاکییەکی سیاسی یان رۆشنبیری کوردیدا لە لەندەن نەبینراوە و نەیانزانیوە میرزادەیەکی وا هەیە]، ئەوە بوو کە زۆر بە ناشیرینی وەلامی نیویۆرک تایمزی دایەوە:
دەقی وەلامەکەی قوباد تالەبانی بوو بۆ نیویۆرک تایمز:
توندوتیژیی لە هەلەبجە
دەربارەی وتارەەکەی لاپەرەی پێشەوەی ١٧ ی مارتی رۆژنامەکەتان دەربارەی تێکدانی مۆنیومێنتی هەڵەبجە
ڤاندالیزم [واتە وێرانکاری بە ئەنقەست و ناشیرین] لە هەڵەبجە کاری ئەو کوردانە نەبوو کە داواکاری خزمەتگوزاریی باشتر بوون. توندوتیژی و ڤاندالیزم لە یادگاری هەلەبجە کاری گرۆیەکی ئۆپۆزسیۆنی لۆکال بوو کە رەخنەی لەو وەسفە هەبوو کە بۆ قوربانیانی هێرشی کیمیایی ١٩٨٨ کرابوو. شەقاوەکان هەروەها لیستی ناوی قوربانییەکانیان تێکدا.
ئەگەر توندوتیژییەکە نارەزاییەکی راستەقینە بایە لەو خزمەتگوزارییانەی لەلایەن حکومەتی هەرێمەوە پێشکەش دەکرێن، ئەوا بینایە حکومییەکان دەشیا بکرانابایە بە ئامانج. بەلام هیچکام لەو بینایانە نەڕوشێندراون.
Violence in Halabja
Published: March 23, 2006: To the Editor:
Re your March 17 front-page article about the destruction of the Halabja memorial:
The vandalism in Halabja was not an act by Kurds seeking better services. The violence and vandalism at the Halabja memorial were the work of a local opposition group that has criticized the museum's depiction of the victims' deaths in the 1988 chemical weapons attack.
These hooligans also destroyed the list of the victims' names. If the violence had been a genuine protest against inadequate services provided by the Kurdistan regional government, government buildings could have been targeted. There is not a scratch on these buildings.
Qubad Talabani, Washington spokesman for Kurdistan Regional Government
Interestingly, the first item destroyed by the instigators was a sign forbidding the entry of Baathists to the memorial. No decent person would do such a thing. That is why there has been widespread condemnation of the violence against the memorial.
Qubad Talabany
Representative of the Kurdistan
Regional Government
to the United States
Washington, March 21, 2006
http://www.ekurd.net/mismas/articles/misc2006/3/independentstate632.htm زۆر سەیرە کەسێکی ئاوا هەرزەکار کە رۆژێک لە رۆژان کەمترین بەشداری لە هیچ لایەنێکی ژیانی سیاسیی و رۆشنبیریی و کەلتووریی و کۆمەلایەتی کوردییدا نەبووبێت و گوایە لە ئەوروپاش گەورەبووبێت و پەروەردە بووىێت و گەورەترین پۆستی وەک نوێنەری گەلەکەی لە بەهێزترین و گرنگتری ولاتی دنیادا درابێتێ، ئاوا باسی هەلەبجە بکات و تینەگا ناوی هەلەبجە، شاری هەلەبجە، خەلکی هەلەبجە، مێژووی هەلەبجە، کەلتووری هەلەبجە، پاشەرۆژی هەلەبجە، هتد یانی چی؟ لەوەش پتر، ئاوا خێرا فێری زمانی دەسەلاتە دیکتاتۆرو ملهوڕەکان دژی خەلکی خۆی ببێت؟
بەداخەوە گەر کاک قوباد گەنجێکی رۆشنبیر بایە، دەبوو خۆی ئەو پۆستە بنەمالەییەی قبوڵ نەکردایەو دژ بە دروستکردن و لاساییکردنەوەی سسیتمی بنەمالەیی بووایە.
بەلام کاک قوباد بێباکانەو بێویژدانانە خۆپیشاندەران بە [شەقاوە] [هولیگان]، و کارەکە بە (ڤاندالیزم) وەسف دەکات بە بێ ئەوەی دان بە هیچ هۆکارێکی نارەزایی لە دەسەلاتدا بنێت و هەموو تاوانەکە دەخاتە سەر دەستەیەکی ئۆپزیسیۆن، بۆ ئەوەی بە ئەمریکییەکان بلێت ئەمە ئیسلامیی توندرەون کاری وا دەکەن و بەس ؛ خەلکی کورد نارازی نین. بەلام دەزانین کە خەلک نەک هەر لە هەلەبجە لە هەموو شوینەکان خۆپیشاندانیان دەکرد. ئەگەر بە قسەی قوباد ئەوەی هەلەبجە فیتی ئیسلامییەکان بوو بێت خۆ خۆپێشاندانەکانی سلێمانی و کەلار و چەمچەمال و رانیە و دەربەندیخان و کۆیە، هتد چەپ و گەنجان و هەموو توێژەکانی جەماوەر خۆرسکی دەیکردن.
ئەگەر بڵیین راستە وەک قوباد تالەبانی دەلێت ئەمە کاری ئیسلامییەکان بوو، ئەوان ئەژدیهاو خەتەرن، بۆچی خەلکی هەلەبجەو دەڤەرەکانی تریش، پەنا دەبەنە بەر دین و ئیسلامییەکان؟ ئەی لە بەر تاوان و گەندەلیی و دزیی وداگیرکاریی و بێئەخلاقیی و هەژارکردنی خەلک لەلایەن مافیای حیزبەکانەوە نییە کە خەلک پەنا دەبەنە بەر ئیسلامییەکان؟ ئایا لە کۆمەلێکدا عەدالەت و یەکسانی وزانست و مەدەنیەت و دیمۆکراسی و حوکمی یاسای تێدا جێگیر بێت، دین لە رووی سیاسییەوە ئەو کارەی لە سەر خەلک دەبێت؟
ئایا کەسێک کەمترین هەستی نەتەوەیی و ئینسانیی هەبێت و مێژووی هەڵەبجەو هەورامان بزانێت و مانای هێرٶشیمای هەڵەبجە تێ بگات، ئاوا باسی خەلکی هەلەبجە دەکات؟
با بڵیێن خۆپیشاندانەکەو مۆنیومینت - سوتاندنەکە سەدی سەد کاری ئیسلامی توندرەو بوو، ئایا گەرانێکی پێنج دەقیقەیی بە ناو هەلەبجەدا بەس نییە تا کەسێ کە تەنیا چاوی کار بکات بزانێت ئەو شارە چەند بە وێرانی و هەژاریی ماوەتەوە؟
من کە لە کاتی کەمپەینەکەمدا یەکەمجار چوومە هەلەبجەی شەهید ویەکەم زیارەتم بۆ مالی شەهید کوردە بوو، دڵم دەرهات کە هەلەبجەی شەهیدم ئاوا بە وێرانیی بینی.
چەند جار وتوومە، گەر دەسەلاتی مافیایی لە خەمی هەلەبجەو ئەنفال بووایە، دەبوو یەکەم هەنگاوی دروستکردنەوەی سەر لە نوێی هەلەبجە و قەلادزێ بووایە وەک دوو شاری نموونەیی ئەوروپایی وەک هەر شارێکی جوانی سویسرا؟ بە تایبەتی بۆ هەلەبجە من دلنیام سەدی سەد پارەی دروستکردنەوەی شارەکە بەم جۆرە لە حکومەتی عێراق و دەولەتەکانی دنیا کۆدەکرایەوەو ولاتانی دلنیا پێشبرکێشیان دەکرد لە بەشداری لە پرۆژەیەکی ئاوا؟ ئەی یابان و ئەوروپای دوای جەنگ چۆن دروستکرانەوە؟
بەلام ئەوەی دەسەلاتی حیزبیی شاخیی رۆژێک، دەقیقەیەک، سانیەیەک بیری لێنەکردبێتەوە ئاوەدانکردنەوەی ناوچە ئەنفالکراوەکان و ژیان و خۆشیی ئینسانی کوردە؟
یەکەم بیرو نێوبیرو دوا بیریان مونافەسەو فڕکانێ لە داگیرکردنی خاک و زەوی و مالی خەلک و گشتیی بوو.
ئەوەتا هێشتا قوربانیانی کیمیایی یەکە دەمرن و کەس ئاوڕی لێنەداونەوە..
بەلام ئەمە سەیر نییە بۆ حیزىێک سەرۆکەکەی لە دوای کیمیابارانی هەلەبجە قاقا پێکەنی بێت و وتبێتی: ئاخ بۆ دوو هەڵەبجەی تر ، بە یەکجاری رزگارمان دەبوو؟
یان دوای ٤٠ ساڵ شەڕی ناوخۆیی خوێناویی دژی بنەمالەو بنەماڵەچێتی، منالێکی هەرزەکاری نەفامی خۆی بکاتە نوێنەر لە گەورەترین ولاتی دنیادا تا سوکایەتی بە خەلکی هەلەبجە بکات و پیاویش نەبێت نووزە بکات؟
ئایا ریفۆرمخوازەکان قسەیەکیان دژی ئەمە کرد؟
ئایا نارەزاییەتییان بەرامبەر دامەزراندنی بنەماڵەچێتیی لە ناو یەکێتیدا نیشان دا؟
ئایا دوای چەند ساڵ قاقایەکەی سەرۆکیان بۆ هەڵەبجە ئاشکرا کرد و، بۆ؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
