Saturday, 25/06/2016, 3:53
كه‌م نین ئه‌و كوره هه‌ژارانه‌ی به‌پاكی و بێبه‌رامبه‌ری هیج پاداشتیك خۆیان وه‌ك مومێك سوتاند بۆ رووناكی هه‌ژارانی وولاته‌كه‌یان، یه‌كێك له‌مانه شه‌هید فه‌رهاد فه‌ره‌جه، كه دوای جه‌ندین سال له‌خه‌بات و تێكۆشانی مه‌یدانی و فیكری و بێ به‌رامبه‌ردا، سه‌ره‌نجام گیانی خۆی كرده قوربانی و بووه یه‌كیك له‌شه‌هیدانی بیروباوه‌ری پێشكه‌وتوخوازی به‌ده‌ستی ئیسلامیه تیروریسته‌كان، كه‌به‌داخه‌وه تائیستاش كه‌مترین هه‌وال و زانیاری له‌سه‌ر ئه‌وكه‌سایه‌تیه بلاوكراوه‌ته‌وه . بۆیه مالپه‌ری ١٧ شوبات چه‌ند مانگێكه به‌دواداچوون دەکات بۆ کۆکردنەوەی زانیاری له‌سه‌ر ژیانی شه‌هید فه‌رهاد و هۆكاری شه‌هیدكردنه‌كه‌ی و تاوانبارانی ئه‌و تاوانه، سه‌ره‌نجام توانیمان هه‌ندێ زانیاری كۆبكه‌ینه‌وه و به‌هیواین له‌گه‌لمان ئه‌و بابه‌ته ده‌وله‌مه‌ندتر بكه‌ن.
شه‌هید فه‌رهاد فه‌ره‌ج كێییه
لەدایکبوی ساڵی ۱۹٦٦سلێمانیه، كادیرێكی جه‌ماوه‌ری و مه‌یدانی خه‌باتی چینایه‌تی بووه، نووسه‌رێكی باش و بوێر و ووردبوو، ماوه‌یه‌ك جێگری سه‌رۆكی بێكارانی سلێمانی بوو، دواتر له‌سالی ١٩٩٥ بووه سه‌رۆكی بێكارانی كوردستان له‌سلێمانی . له دوای راپه‌رینه‌وه لەگه‌ل جه‌ند هاورێیه‌كی سه‌رپه‌رشتی رێكخستنیكیان ده‌كردبه‌ناوی (رێكخراوی کۆمەڵەی شۆڕشگێڕانی کۆمۆنیستی)، هەفتەنامەیەکیان هەبوو بەناوی (پەیڕەوی نوێ) زۆرینه‌ی نوسین و كاته‌كانی به‌بلاوكردنه‌وه و به‌هێزكردنی ئه‌و هه‌فته‌نامه‌یه بردوته سه‌ر، وەزۆربەی نووسینەکانی نووسینی فەرهاد بوو کە بەناوی جۆراوجۆرەوە دەینووسی، وە فەرهاد یەکێک بوو لەو کەسانەی کە تێکەڵاویەکی زۆری لەگەڵ کۆمەڵەی ئێراندا بەتایبەت باڵی ابراهیمی علی زادە هەبوو، وە ئێران و ئیسلامیەکان زۆر بەباشی ئەو ڕاستیەیان بۆ دەرکەوتبوو کە فەرهاد كادیریكی دیاری کۆمەڵەیە و زۆر چالاکە لە سنووری سولەیمانی دا، بۆیە لەسەر داوای ئێران و بەپیاوکوژەکانی مەلا کرێکار تیرۆر کرا.
شێوه‌ی شه‌هیدكردنه‌كه‌ی فه‌رهاد فه‌ره‌ج !...
چەند هەفتەیەک پێش تیرۆر کردنەکەی نامەیەکی هەڕەشەئامیزیان بۆ ناردبوو وه داوایان لێ کردبوو واز لە دژایەتیکردنی ئیسلامیەکان بهێنێت خۆ ئەگەر نا ئەوا دەتکوژین و حەق و شەرعی ئیسلامت بەسەردا ده‌سه‌پینینن . تا له ۱۷/۱٠/۱۹۹۹ لە دەوروبەری سەعات ۸ی ئێواره دوو کەسی ریشدار، لە ده‌رگای ماڵه‌كه‌ی دەدەن، به‌لام به‌هۆی ئه‌وه‌ی شه‌هید فه‌رهاد كرێچی له‌مالێك ده‌بیت كه‌دوو مال تیای ده‌ژیت بۆیه مناڵی کرێچیەکەی تر ده‌رگایان لێ دەکاتەوە و دەڵێن بە کاک فەرهاد بڵێن دوو هاوڕێت دەیانەوێ بتبینن، کاتێک شه‌هید فەرهاد دەچێتە بەر دەرگا یەکێکیان بەبۆنەی تەوقەکردنەوە دەستی دەگرێ و ڕایدەکێشتە دەرەوە کەسەکەیتریشیان بە دەمانچەی بێ دەنگ فیشەکێک دەنێ بەڕومەتیه‌وە و فرهاد هەوڵ دەدات دەمانچەکەی لێ بسەنێت بەڵام تیرۆرستەکە فیشەکێک دەنێت بە بن باڵی فەرهادەوە و فیشەکێکیتریش دەنێت بە گورچیلەكه‌یه‌وه پاش ئەوەی کە دراوسێکان گەیاندبوویانە خەستەخانە و دوای یەک سەعات و چلوپێنج دەقیقە گیان لەدەست دەدات . چونکە نە خۆشخانه‌كه نه‌دکتۆری لێ بوو نە ئەوکەسەی ئه‌شیعه ده‌گریت له‌نه‌خۆشخانه بووه، بۆیە بەبێ ئەوەی هیچ چارەسەرێکی خێرای بۆ بکرێ گیانی سپارد له‌كاتیكدا ده‌كرا ژیانی رزگار بكرێ.
چۆن گومان و په‌نجه‌ی تاوان بۆ مه‌لا كرێكار راده‌كێشرێ ؟
به‌پێی زۆربه‌ی به‌دواجونه‌كانی ئێمه، پۆلیسی سلێمانی له‌گه‌ل چەندگه‌واهیده‌ریك (شاهید) به‌دواداجونی كردوه و كۆمه‌لیك وێنه‌یان نیشان داون زۆربه‌یان په‌نجه‌یان بۆ كه‌سێك راكیشاوه، له‌كه‌سه‌نزیكه‌كانی مه‌لا كریكار بووه كه‌له‌نێو ئیسلامیه‌كان به (نامۆ) ناسراوه به‌لام ناوی راسته‌قینه‌ی (فه‌رهه‌نگ ئه‌حمه‌ده) وه‌كوری مامی حاكم قادر حه‌مه‌جانی ئه‌ندامی مه‌كته‌بی سیاسی یه‌كیتی نیشتمانی بووه، چەندین سال كارمه‌ند بووه له‌ئاسایشی یه‌كێتی له‌هه‌ولێر تا٣١ی ئاب، دواتر تێكه‌ڵ به‌بزوتنه‌وه‌ی ئیسلامی بووه و له‌كۆتایش له‌گه‌ل مه‌لا كریكار بۆته گروپی ئیسلاح
ئه‌م نامۆیه زۆر كه‌س ده‌زانیت كه له ده‌سته راسته‌كانی مه‌لا كریكار بووه له كاتی گوتاردانه‌كانی له‌مزگه‌وتی جیهادی سلێمانی له روی ئه‌منیه‌وه چاودیری كردوه، گروپیك له‌گه‌نجانی پێك هێناوه كاریان جیبه‌جیكردنی بریاره‌كانی بیروباوه‌ری مه‌لا كركار بووه، كه چه‌ندین كه‌سایه‌تیان شه‌هیدكردوه یان هه‌ولی تیروكردنیان داوه. بنه‌ماله‌ی شه‌هید فه‌رهاد فه‌ره‌ج به‌دواداچوونیان كردووه و بۆیان ده‌ركه‌وتووه نامۆ و تیرۆریسته‌كه‌ی تر دوای تاوانه‌كه چونه‌ته گوندی گولپ كه باره‌گای سه‌ربازی گروپی ئیسلاحی نزیك له مه‌لا كرێكار بووه. له‌و گونده له نێو گروپه‌كه‌ی مه‌لا كرێكار رایان گه‌یاندوه، كه ئه‌وان شه‌هید فه‌رهادیان تیروركردووه.
له به‌لگه‌یه‌كی گرنگتردا، هاورییه‌كی نزیكی كۆنی مه‌لا كرێكار، له‌بابه‌تیكیدا به‌رونی ئاماژه به‌ناوه‌كان ده‌كات، كه‌به‌هۆی ئه‌وه‌ی دواتر بابه‌ته‌كه‌ی له‌زۆربه‌ی مالپه‌ره‌كان كشانده‌وه، وه له‌گه‌ل بلاوكردنه‌وه‌ی ئه‌و بابه‌ته‌ی له‌ئیستادا لای ئێمه نه‌بوو، بۆیه ناوی نوسه‌ره‌كه باس ناكه‌ین به‌لام كۆپی نوسینه‌كه‌یمان له‌به‌رده‌سته وه‌ك مه‌سه‌له‌یه‌كی ئه‌خلاقی روژنامه‌گه‌ری بلاوی ناكه‌ینه‌وه، به‌لام ناشتوانین ئه‌و نهینیه گرنگه‌ی باس له‌شه‌هیدكردنی قوربانیه‌كی ده‌ستی تیرور ده‌كات باس نه‌كه‌ین. له‌نوسینه‌كه‌دا ئاماژه‌ی به‌وه‌كردوه، بۆ به‌رتیلدان به‌كۆماری ئیسلامی ئیران مه‌لا كرێكار هه‌لساون به‌شه‌هیدكردنی (ف، ف) واتا (فه‌رهاد فه‌ره‌ج) وه‌ئاماژه به‌ناوی بكوژه‌كه‌ش ده‌كات و ده‌لیت له‌لایه‌ن (ف، ئه) واتا فه‌رهه‌نگ ئه‌حمه‌د ده‌كاته نامۆ.
هه‌وڵی تیرورکردنی نوسه‌ر هاوژین مه‌لا ئه‌مین...
جگه له‌شه‌هیدكردنی فه‌رهاد فه‌ره‌ج، هه‌ولی تیروری نوسه‌ر هاوژین مه‌لا ئه‌مینیش له‌مانگی ١٢ ی سالی ١٩٩٩له‌لایه‌ن هه‌مان گروپی تیرویسته‌وه دراوه به‌لام نوسه‌ر هاوژینی مه‌لا ئه‌مین له‌مه‌رگ رزگاری ده‌بیت جونكه ئه‌و ده‌بردریته نه‌خوشخانه ئیمرجنیسیه‌كه‌ی سلێمانی له‌بری حكومیه‌كه، وه‌شێوه‌ی هه‌وڵی تیروكردنی ئه‌ویش هه‌مان شیوه‌ی تیرۆری شەهید فه‌رهاد بووه.
نامۆ چی به‌سه‌رهات؟ و چۆن عقید حه‌مه حوسین تیرۆركرا ؟
دوای لێدانی جوند ئیسلام له‌لایه‌ن هیزه‌كانی هاوپه‌یمانه‌وه نامۆ ته‌سلیم به ئاسایشی سلێمانی ده‌بیت و هه‌فتانه سه‌ردانی ئاسایشی كردوه ته‌نانه‌ت ٣ روژ به‌رله‌وه‌ی بۆیه‌كجاری ون بكریت، ده‌چیته لای ئاسایشی سلێمانی وبه‌رێوبه‌ره‌كه‌ی (سه‌ركه‌وتی كوبه) كه‌ئیستا كادیریكی دیاری بزوتنه‌وه‌ی گورانه ، ئه‌وه‌ی جیگای سه‌رنج ده‌بیت ده‌مانچه‌یه‌كیشی لاده‌بیت و له‌پرسگه به‌جێی ده‌هێڵێ وه‌ده‌مانچه‌كه‌ی سوار ده‌بێت له‌كاتی ده‌ست پێكه‌وتنی یه‌كێك له‌كارمه‌نده‌كانی ئاسایش بریندار ده‌بیت، دواتر، له‌رۆژی ٢٧٠٨٢٠٠٣ له‌پرێكدا هیزیكی زۆری ئاسایش هه‌لده‌كوتنه سه‌رمالی باوكی نامۆله‌گه‌ره‌كی شێخ محیدین و نزیك شه‌قامی سه‌هۆله‌كه‌ی سلێمانی، ئه‌ویش ته‌سلیم نابیت له‌نێو زیاتر له ٢٠٠ پۆلیس و ئاسایش و خه‌لكی مه‌ده‌نی ته‌نها عه‌قید حه‌مه حوسین شه‌هید ده‌بیت، له‌كاتیكدا نامۆ له‌خانوی مالی باوكی ده‌بیت و شوێنه‌كه‌ی زۆر به‌رزده‌بیت و ده‌یتوانی جه‌ندین كه‌سی تر شه‌هید بكات گه‌ر بیكردایه!؟ دوای شه‌هیدبونی عقید حه‌مه حوسین به ١٠ ده‌قه نامۆ خۆی ته‌سلیم به هیزه جه‌كداره‌كانی یه‌كیتی ده‌كات به‌زیندوینتی ده‌گیرێ و ده‌بردریته نێو ئاسایش له‌گه‌ل ٢ گه‌نجی خوێندكاری بێتاوان به‌ناوی (هه‌ردی جه‌مال ١٩٨٠ و هونه‌ر جه‌مال له‌دایكبوی ١٩٨٣) كه‌خوێدكاری ٦ی زانستی بووه كه تێكه‌لاوی خێزانی له‌نێوانیان هه‌بووه بریار بوه بۆ كاریك بیان باته لای حاكم قادر ئامۆزای تا هاریكاریان بكات، به‌لام له‌م روژه‌وه هه‌رسێكیان ( نامۆ و هونه‌ر و هه‌ردی ) شوێن بزرن و هیج زانیاریه‌ك له‌سه‌ریان نیه. . وه‌ك لەم ڤیدیۆیه‌دا ده‌بینن نامۆ به‌دیلی ده‌ستگیرده‌كرێ، به‌لام ئه‌وه‌ی جیگای سه‌رنجه دواتر نامۆش دیارنامینی و وه‌ك گوتمان له‌ناوبردنی هه‌ردوكیان گومانی گه‌لیك زۆر دروستكردوه ( نامۆ و عقید حه‌مه‌حوسین جیگری ئاسایشی گشتی سلێمانی ) وه‌ك هۆی چی بووه له‌پرێكدا ئاسایشی گشتی و پۆلیس جوارده‌وری مالی نامۆو باوكی به‌وهێزه گه‌وره ده‌گرن ، له‌كاتیكدا نامۆ هه‌فتانه له‌ڕوژی پینج شه‌مان چوته ئاسایشی سلێمانی و ته‌نانه‌ت ده‌مانجه‌شی لابوه و له‌پرسگه‌ی ئاسایش جێی هیشتوه ؟ گه‌ر مه‌به‌ستیان گرتنی بوایه بۆچ له یه‌كیك له‌و پینچ شه‌ممانه‌ی ده‌جوه ئاسایش بی سه‌ر ئیشه نه‌یان ده‌گرت!؟ به‌لام ئه‌وه‌ی جیگای سه‌رنجه شیوه‌ی كوشتنی عقید حه‌مه حوسینه، كه به‌پێی هه‌ندی به‌دواچوونی ئێمه ده‌زگا ئه‌منیه‌كانی یه‌كیتی به‌پیلان و له‌پشثه‌وه شه‌هیدیان كردوه .
لەكۆتاییدا، ئه‌وه‌ی له‌هه‌مووی زیاتر جیگای سه‌رنج و گالته‌جاریه، له‌پۆلیس و ئاسایشی سلێمانی دۆسیه‌ی شه‌هید فه‌رهاد فه‌ره‌ج وون كراوه و هیج دۆسیه‌یه‌ك له‌ئیستادا به‌ناوی شه‌هیدكردنی كه‌سایه‌تی فه‌رهاد فه‌ره‌ج نیه! .
په‌یجی ١٧ شوبات له‌فه‌یسبوك
https://www.facebook.com/17shubatMedia/
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
