سکالا تۆمارکردنی ئەنجومەنی دادوەری لەسەرمافناس ((شوان سابیر)) بەهۆی نوسینی بابەتێکی رەخنەیی لەپەیجی فەیسبوکەکەی ، دوبارە کۆمیدیای ئەو دەسەلاتەی پێ نیشانداینەوە ، کەدام و دەزگاکانی ، نەک بەئەرکی خۆیان هەلناستن ، بەلکو لەتەک دەزگا ئەمنیەکان بونەتە ئامرازیكی سەرکوتكردنی خه‌ڵك ، لەكۆت و به‌ند دانان لە مافی ئازادی دەربریندا ، له‌كاتێكدا درێژه‌ به‌م تاوانانه‌ ده‌دات ئەنجومەنی دادوەری هەریم ، دەیان تاوانی پڕ لەپێشێلکاری مەترسیداری ئەم دەسەلاتە بەبەرچاویەتی و لبێدەنگە به‌رامبه‌ری ، لەتەقەکردن لەخەلکی سڤیل وەک ته‌قه‌كه‌رانی خۆپیشاندارانی ١٧ شوبات و رۆژانی دواتر ، کەتائیستا یەک تاوانبار نەگیراوە ، یان زیندانی کردنی خەلکی سیاسی ، بەلام بەداتاشینی تۆمەتی جۆراو جۆری یاسایی وەک سەید ئەکرەم له‌بادینان و و بیلال نوری له‌هه‌له‌بجه‌دا ، وه‌کۆمەلکوژی ژنانی کوردبەناوی شەرەفەوە ،یان گرتنی خەلک و دانپیانان پێیان بەهۆی ئەشکەنجە و فشار و ده‌ستدرێژی سیكسی بۆ سه‌ر خێزانه‌كانیان و تائاستی ئەوەی چەندین زیندانی لەمحەتەی هەولێر هەن چەندین سالە لەزیندانن نەدراونەتە دادگا ، یان کاتی زیندانی کردنیان تەواو بوە ئازاد ناکرێن ، دەیان مەلەفی سیخوری بەرپرسان بۆ رژێمە داگیرکەرەکانی کوردستان ، بەتالان بردنی ئەرز و ئاسمانی ئەم ولاتە لەلایەن دەیان بەرپرسی پارتی ویەکیتی و تیرۆری رۆژنامەنوسان ، تائیستا بۆسەدان لەم جۆرە تاوانه‌ مه‌ترسیانه‌ هەلوێستێکی ئەخلاقی و ئیداریمان لێ نەبینیوە م کەچی هەلدەستێ سکالا لەسەر چەند کورتە نوسینێکی مافناس شوان سابیر لەدادگا تۆمار دەکات و دادگاش بەپەلە زیندانی دەکات بەمەش لەکەیەکی تریان خسته‌ سه‌ر سەدانی تاوانی تری ئەو ئەنجومەنەدادوەری و یاسایەی لەژێر دەسەلاتی هەرێم داهەیە. بۆیە ئێمە لێرەدا رای دەگەینین بەپەلە ئەو مافناسە ئازاد بکرێ ، هاوکات ئەو میتۆده‌ ترساندنەی ئەو ئەنجومەنە بەرامبەر هیچ 

کەسایەتی و رێکخراوی تر نەگیریتە بەر ، وه‌ لێرەدا رای دەگەینین ئەگەرمافناس شوان سابیر به‌په‌له‌ ئازاد نەکرێت ئەوا نارەزایەتی جەماوەری لەولاتی سوید دەردەبڕین و دۆسیەکەشی لەناوەندە سیاسیە سویدیەکان ئاگادار دەکەیەینەوه‌ 

كه‌له‌چه‌ند ڕۆژی داهاتوو چه‌ندین دیداری گرنگمان له‌گه‌ل وه‌زاره‌تی ده‌ره‌وه‌ و په‌رله‌مان هه‌یه‌

گروپی ١٧ شوبات لەستۆکهۆلم

کۆمیتەی پشتگیری لە داواکاریەکانی خەڵکی کوردستان لە یۆتۆبۆری سوید

ماڵی کولتوری کوردی لە یۆتۆبۆری/سوید

کۆمەڵەی گەرمیان لە لە یۆتۆبۆری/سوید

کۆمیتەی سەردەشت عوسمان بۆ داکۆکی لە ئازادی 

کۆمەڵەی کلتوری کوردستان لە یۆتۆبۆری/سوید.

سەنتەری نینا لەسوید 

کۆمەلەی گەلی کوردستان /سوید 

ئەنستیتۆی كورد له‌سوید 

٢٠١٤٠٣٠٥