دێم و دێم

Saturday, 30/04/2011, 12:00

دێمە ناو كۆڕى خەبات دەست لە شۆرش بەر نادەم
دەستێنم مافی رەوام من بێ پایان كۆڵ نادەم
هێشتا لام سەرەتایە ماندوو نیم لەم ڕێگایە
سینەم پڕ لە شەپۆلە و ڕۆحم پڕ لە نەوایە
باوەڕ تینم بۆ دێنێ ئیرادەم وەك پۆڵایە
لە ناوجەرگەى شەقاما هاوارم ڕەشەبایە
بۆ ساتێك دانامركێم هەر وەك كڵپەى ئاگرم
بە باوەشێك خەونەوە لە ناخما خۆڕاگرم
دێم و ناگەڕێمەوە تا دەگەمە سەركەوتن
بڵێسەى شۆڕشێكم پڕ لە بیرى پێشكەوتن